Pro Kabaddi: ಯೋಧಾಸ್​ ಆರ್ಭಟಕ್ಕೆ ಮುಳುಗಿದ ತೆಲುಗು ಟೈಟಾನ್ಸ್‌

ಬೆಂಗಳೂರು: ಯುಪಿ ಯೋಧಾಸ್​ ತಂಡದ ಸುರೇಂದರ್​ ಗಿಲ್​(14) ಮತ್ತು ಪ್ರದೀಪ್​ ನರ್ವಾಲ್(8)​ ಅವರ ರೇಡಿಂಗ್​ ಆರ್ಭಟಕ್ಕೆ ಬೆಚ್ಚಿ ಬಿದ್ದ ತೆಲುಗು ಟೈಟಾನ್ಸ್​(UP Yoddhas vs Telugu Titans) 15 ಅಂಕದ ಅಂತರದಿಂದ ಸೋಲು ಕಂಡಿದೆ. ಇದಕ್ಕೂ ಮುನ್ನ ನಡೆದ ದಿನದ ಮೊದಲ ಪಂದ್ಯದಲ್ಲಿ ಬೆಂಗಳೂರು ಬುಲ್ಸ್(bengaluru bulls) ತಂಡ ಹರ್ಯಾಣ ಸ್ಟೀಲರ್(haryana steelers) ಎದುರು  38-32 ಅಂತರದ ಸೋಲಿಗೆ ತುತ್ತಾಗಿತ್ತು.

ಇಲ್ಲಿನ ಕಂಠೀರವ ಒಳಾಂಗಣ ಕ್ರೀಡಾಂಗಣದಲ್ಲಿ ನಡೆದ ಪ್ರೊ ಕಬಡ್ಡಿ ಲೀಗ್​ನ 15ನೇ ಪಂದ್ಯದಲ್ಲಿ ಕಣಕ್ಕಿಳಿದ್ದ ಯುಪಿ ಯೋಧಾಸ್​ ತಂಡ ಎದುರಾಳಿ ತೆಲುಗು ಟೈಟಾನ್ಸ್ ವಿರುದ್ಧ 48-33 ಅಂಕಗಳ ಅಂತರದಿಂದ ಅಧಿಕಾರಯುತ ಗೆಲುವು ಸಾಧಿಸಿತು. ರೇಡಿಂಗ್​ ಮತ್ತು ಡಿಫೆಂಡಿಂಗ್​ ವಿಭಾಗದಲ್ಲಿ ಉತ್ಕೃಷ್ಟ ಮಟ್ಟದ ಆಟ ಪ್ರದರ್ಶಿಸಿತು.

See more

यूपी के योद्धओं ने भौकाली अंदाज में दर्ज की अपनी दूसरी जीत 💥

सुपर से भी ऊपर इस परफॉर्मेंस को कितने 💙 देंगे आप? 💬 #ProKabaddi #PKL #PKLSeason10 #HarSaansMeinKabaddi #UPvTT #UPYoddhas #TeluguTitans pic.twitter.com/UzEhAj4tHj

— ProKabaddi (@ProKabaddi) December 9, 2023

ತೆಲುಗು ತಂಡದಲ್ಲಿ ಸ್ಟಾರ್​ ರೇಡರ್​ ಪವನ್​ ಸೆಹ್ರಾವತ್​(12 ಅಂಕ) ಏಕಾಂಗಿಯಾಗಿ ಹೋರಟ ನಡೆಸಿ ಸೋಲಿನ ಅಂತರವನ್ನು ಕೊಂಚ ಕಡಿಮೆಗೊಳಿಸಿದರು. ಆದರೆ ಯೋಧಾಸ್ ಪರ ಮಿಂಚಿನ ವೇಗದ ರೇಡಿಂಗ್​ ನಡೆಸಿದ ಅನುಭವಿ ಸುರೇಂದರ್​ ಗಿಲ್ ಬರೋಬ್ಬರಿ 14 ಅಂಕ ಕಲೆಹಾಕಿದರು. ಇವರಿಗೆ ಉತ್ತಮ ಸಾಥ್​ ನೀಡಿದ ಹಿರಿಯ ಆಟಗಾರ, ಪ್ರೊ ಕಬಡ್ಡಿಯ ದಾಖಲೆ ವೀರ ಪ್ರದೀಪ್​ ನರ್ವಾಲ್​ 8 ಅಂಕ ಗಳಿಸಿ ನೆರವಾದರು. ಆಲ್​ರೌಂಡರ್​ ಪ್ರದರ್ಶನ ತೋರಿದ ನಿತಿನ್​(4), ಗುರ್​ದೀಪ್​(3), ನಿತೇಶ್​ ಕುಮಾರ್​(5) ಮತ್ತು ಸುಮೀತ್​(4) ಅಂಕ ಕಲೆಹಾಕಿ ಗೆಲುವಿನಲ್ಲಿ ಪ್ರಮುಖ ಕೊಡುಗೆ ಸಲ್ಲಿಸಿದರು.

ಇದನ್ನೂ ಓದಿ Pro Kabaddi: ಸತತ 4ನೇ ಸೋಲು ಕಂಡ ಬೆಂಗಳೂರು ಬುಲ್ಸ್​

See more

Check out the 📸 from tonight that left us in awe 🤩

Here are the best shots from #BLRvHS & UPvTT 👉 Visit https://t.co/cfORnVakqn or the Pro Kabaddi Official App for more!#ProKabaddi #PKLSeason10 #HarSaansMeinKabaddi pic.twitter.com/6tt2SS5wCu

— ProKabaddi (@ProKabaddi) December 9, 2023

4ನೇ ಸೋಲು ಕಂಡ ಬುಲ್ಸ್​

ದಿನದ ಮೊದಲ ಪಂದ್ಯದಲ್ಲಿ ಆತಿಥೇಯ ಬೆಂಗಳೂರು ಬುಲ್ಸ್​ ತಂಡ ಹರ್ಯಾಣ ಸ್ಟೀಲರ್ ವಿರುದ್ಧ ಕಣಕಿಳಿದಿದ್ದು. ಆದರೆ 38-32 ಅಂತರದ ಸೋಲಿಗೆ ತುತ್ತಾಯಿತು. ಈ ಮೂಲಕ ಸತತ ನಾಲ್ಕನೇ ಸೋಲು ಕಂಡ ಸಂಕಷ್ಟಕ್ಕೆ ಸಿಲುಕಿತು. ಆರಂಭದಲ್ಲಿ ಘರ್ಜಿಸಿದ ಗೂಳಿಗಳು ಬಳಿಕ ಪಂದ್ಯ ಸಾಗುತ್ತಲೇ ಹೋದಂತೆ ತಮ್ಮ ಆರ್ಭಟವನ್ನು ಕಡಿಮೆ ಮಾಡಿದರು. 5-0 ಮುನ್ನಡೆ ಕಾಯ್ದುಕೊಂಡು ಉತ್ತಮ ಮುನ್ನಡೆ ಗಳಿಸಿದ ಬುಲ್ಸ್ ಆಟಗಾರರು​ ಬಳಿಕ ಹಲವು ತಪ್ಪುಗಳಿಂದ ಎದುರಾಳಿ ತಂಡಕ್ಕೆ ಸತತವಾಗಿ ಅಂಕವನ್ನು ನೀಡುತ್ತಲೇ ಹೋದರು. ಆದರೆ ಬುಲ್ಸ್​ನ ಭರತ್​ ಕುಮಾರ್​ ಮಾತ್ರ ಶಕ್ತಿ ಮೀರಿ ತಂಡದ ಗೆಲುವಿಗಾಗಿ ಹೋರಾಟ ನಡೆಸಿದರೂ ಅವರಿಗೆ ಉಳಿದ ಆಟಗಾರರಿಂದ ಉತ್ತಮ ಸಾಥ್​ ಸಿಗದ ಪರಿಣಾಮ ತಂಡ ಸೋಲು ಕಂಡಿತು.

See more

हरियाणा के छोरों ने मैट पर गाड़ी लठ्ठ 🔥

स्टीलर्स की पहली जीत पर क्या है आपकी राय? 💬
#ProKabaddi #PKL #PKLSeason10 #HarSaansMeinKabaddi #BLRvHS #BengaluruBulls #HaryanaSteelers pic.twitter.com/Rr2w7ZU6LX

— ProKabaddi (@ProKabaddi) December 9, 2023

ಎದುರಾಳಿ ಕೋಟೆಗೆ ನುಗ್ಗಿ ಅಂಕಗಳನ್ನು ಕದಿಯುತ್ತಲೇ ಇದ್ದರು. ಆದರೆ ಡಿಫೆಂಡಿಂಗ್​ ವಿಭಾಗದಲ್ಲಿ ಉತ್ತಮ ಬೆಂಬಲ ಸಿಗದ ಕಾರಣ ಅವರು ಎಷ್ಟೇ ಅಂಕ ಗಳಿಸುತ್ತಾ ಹೋದರೂ ಇದು ಲೆಕ್ಕಕ್ಕೆ ಬರುತ್ತಿರಲಿಲ್ಲ. ಹರ್ಯಾಣ ಸ್ಟೀಲರ್ ಮುನ್ನಡೆ ಕಾಯ್ದುಕೊಂಡೇ ಸಾಗಿತು. ಸೂಪರ್​ 10 ಸಾಧಿಸಿದ ಭರತ್​ ಅವರು 26 ರೇಡಿಂಗ್​ ನಡೆಸಿ 14 ಅಂಕ ಕಲೆ ಹಾಕಿದರು. ಇದರಲ್ಲಿ 11 ಟಚ್​ ಮತ್ತು ಮೂರು ಬೋನಸ್​ ಅಂಕ ಒಳಗೊಂಡಿತು.