ಅಹಮದಾಬಾದ್: ದಕ್ಷಿಣ ಆಫ್ರಿಕಾದ ವಿಕೆಟ್ ಕೀಪರ್ ಕ್ವಿಂಟನ್ ಡಿ ಕಾಕ್ ಒಂದೇ ಪಂದ್ಯದಲ್ಲಿ ಅತಿ ಹೆಚ್ಚು ಕ್ಯಾಚ್ ಪಡೆದ ಆಸ್ಟ್ರೇಲಿಯಾದ ಮಾಜಿ ಆ್ಯಡಂ ಗಿಲ್ಕ್ರಿಸ್ಟ್ ಹಾಗೂ, ಸರ್ಫರಾಜ್ ಅಹ್ಮದ್ ಅವರ ಸಾಲಿಗೆ ಸೇರಿದ್ದಾರೆ. ಅಹ್ಮದಾಬಾದ್ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ನಡೆದ ಅಫಘಾನಿಸ್ತಾನ ವಿರುದ್ಧದ ವಿಶ್ವಕಪ್ ಪಂದ್ಯದಲ್ಲಿ ಡಿ ಕಾಕ್ ಆರು ಕ್ಯಾಚ್ಗಳನ್ನು ಪಡೆದುಕೊಂಡು ಸಾಧನೆ ಮಾಡಿದ್ದಾರೆ.
ಡಿ ಕಾಕ್ ಅಫಘಾನಿಸ್ತಾನದ ಬ್ಯಾಟರ್ಗಳಾದ ಇಬ್ರಾಹಿಂ ಜದ್ರನ್, ಹಶ್ಮತುಲ್ಲಾ ಶಾಹಿದಿ, ಇಕ್ರಮ್ ಅಲಿಖಿಲ್, ಮೊಹಮ್ಮದ್ ನಬಿ, ರಶೀದ್ ಖಾನ್ ಮತ್ತು ನೂರ್ ಅಹ್ಮದ್ ಅವರ ಕ್ಯಾಚ್ಗಳನ್ನು ಪಡೆದು. ಇತಿಹಾಸದ ಪುಸ್ತಕಗಳಲ್ಲಿ ತಮ್ಮ ಹೆಸರನ್ನು ದಾಖಲಿಸಿದರು. ಇದಕ್ಕೂ ಮುನ್ನ 2003ರ ವಿಶ್ವಕಪ್ನಲ್ಲಿ ನಮೀಬಿಯಾ ವಿರುದ್ಧ ಆಡಮ್ ಗಿಲ್ಕ್ರಿಸ್ಟ್ 6 ಕ್ಯಾಚ್ ಪಡೆದಿದ್ದರು. ಮತ್ತೊಂದೆಡೆ, ಪಾಕಿಸ್ತಾನದ ಮಾಜಿ ನಾಯಕ ಸರ್ಫರಾಜ್ ಅಹ್ಮದ್ 2015 ರ ವಿಶ್ವಕಪ್ನಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ಇದೇ ಮಾದರಿಯ ಸಾಧನೆ ಮಾಡಿದ್ದರು.
ಇದನ್ನೂ ಓದಿ: Babar Azam : ಮಾಜಿಗಳಿಗೆಲ್ಲ ಒಂದೇ ಮಾತಿನಿಂದ ತಿರುಗೇಟು ಕೊಟ್ಟ ಬಾಬರ್
ಡಿ ಕಾಕ್ ಬಗ್ಗೆ ಹಾಲಿ ವಿಶ್ವ ಕಪ್ನಲ್ಲಿ ಪ್ರಭಾವಶಾಲಿ ಪ್ರದರ್ಶನ ನೀಡುತ್ತಿದ್ದಾರೆ. ತಮ್ಮ ಕೊನೆಯ ವಿಶ್ವಕಪ್ ಆಡುತ್ತಿರುವ ಎಡಗೈ ಬ್ಯಾಟ್ಸ್ಮನ್ ಈಗಾಗಲೇ ಕೇವಲ ಎಂಟು 9 591 ರನ್ ಗಳಿಸಿದ್ದಾರೆ. ಕ್ವಿಂಟನ್ ಡಿ ಕಾಕ್ ವಿಶ್ವಕಪ್ನಲ್ಲಿ ಈವರೆಗೆ 68.75 ಸರಾಸರಿಯನ್ನು ಹೊಂದಿದ್ದಾರೆ . ದ್ಯಾವಳಿಯಲ್ಲಿ ಅತಿ ಹೆಚ್ಚು ರನ್ ಗಳಿಸಿದವರ ಪಟ್ಟಿಯಲ್ಲಿ ಈಗ ಮೊದಲ ಸ್ಥಾನದಲ್ಲಿದ್ದಾರೆ.
Most wicketkeeping dismissals in a World Cup match:
— Asadǂ⃝⃝⃝⃝ 🏏 (@TuadaSultan) November 10, 2023
6-Adam Gilchrist (Australia)vs Namibia, Potchefsroom, 2003.
6-Sarfaraz Ahmed (Pakistan)vs South Africa, Auckland, 2015
6-Quinton de Kock (South Africa) vs Afghanistan, Ahmedabad, 2023.
ಒಂದೇ ಆವೃತ್ತಿಯಲ್ಲಿ ಅತಿ ಹೆಚ್ಚು ವಿಕೆಟ್ ಕೀಪಿಂಗ್ ಔಟ್
21- ಆಡಮ್ ಗಿಲ್ಕ್ರಿಸ್ಟ್ (ವಿಶ್ವಕಪ್ 2003)
21- ಟಾಮ್ ಲಾಥಮ್ (ವಿಶ್ವಕಪ್ 2019)
20- ಅಲೆಕ್ಸ್ ಕ್ಯಾರಿ (ವಿಶ್ವಕಪ್ 2019)
19- ಕ್ವಿಂಟನ್ ಡಿ ಕಾಕ್ (ವಿಶ್ವಕಪ್ 2023)
17- ಕುಮಾರ ಸಂಗಕ್ಕಾರ (ವಿಶ್ವಕಪ್ 2003)
17- ಆಡಮ್ ಗಿಲ್ಕ್ರಿಸ್ಟ್ (ವಿಶ್ವಕಪ್ 2007)
ದಕ್ಷಿಣ ಆಫ್ರಿಕಾ ತಂಡ ಹಾಲಿ ವಿಶ್ವ ಕಪ್ನ ಸೆಮಿಫೈನಲ್ ಹಂತಕ್ಕೆ ಪ್ರವೇಶ ಪಡೆದಿದೆ. ಹೀಗಾಗಿ ಕ್ವಿಂಟನ್ ಡಿ ಕಾಕ್ಗೆ ಇನ್ನೊಂದು ಅಥವಾ ತಂಡ ಫೈನಲ್ಗೆ ಪ್ರವೇಶ ಪಡೆದರೆ ಎರಡು ಪಂದ್ಯಗಳನ್ನು ಆಡುವ ಅವಕಾಶ ಸಿಗಲಿದೆ. ಹೀಗಾಗಿ ತಮ್ಮ ಕೊನೇ ಆವೃತ್ತಿಯ ವಿಶ್ವ ಕಪ್ನಲ್ಲಿ ಅಸಾಧಾರಣ ಸಾಧನೆ ಮಾಡುವ ಅವಕಾಶವಿದೆ. ಗಿಲ್ಕ್ರಿಸ್ಟ್ 2003ರ ವಿಶ್ವ ಕಪ್ನಲ್ಲಿ 21 ಕ್ಯಾಚ್ಗಳನ್ನು ಹಿಡಿದಿದ್ದಾರೆ. ಈ ಸಾಧನೆ ಮೀರಲು ಡಿ ಕಾಕ್ಗೆ ಇನ್ನು ಮೂರು ಕ್ಯಾಚ್ಗಳು ಮಾತ್ರ ಸಾಕು. ಅದೇ ರೀತಿಯ ಬ್ಯಾಟಿಂಗ್ನಲ್ಲೂ ಗರಿಷ್ಠ ರನ್ ಗಳಿಕೆಯ ಅವಕಾಶ ಸಾಕಷ್ಟಿದೆ. ಆದರೆ, ಸೆಮೀಸ್ಗೆ ಪ್ರವೇಶ ಪಡೆದಿರುವ ಭಾರತ ತಂಡದ ವಿರಾಟ್ ಕೊಹ್ಲಿ ಹಾಗೂ ನ್ಯೂಜಿಲ್ಯಾಂಡ್ ತಂಡದ ರಚಿನ್ ರವೀಂದ್ರ ಈ ಸ್ಥಾನಕ್ಕೆ ಪೈಪೋಟಿ ಒಡ್ಡಲಿದ್ದಾರೆ.