ಎಜ್ಬಾಸ್ಟನ್: ಆ್ಯಶಸ್ ಸರಣಿ 2023ರ (Ashes 2023) ಮೊದಲ ಪಂದ್ಯ ಸಮತೊಲನದಲ್ಲಿದೆ. ಪಂದ್ಯದ ಮೂರನೇ ದಿನ ಪ್ರವಾಸಿ ಆಸ್ಟ್ರೇಲಿಯಾ ತಂಡ 386 ರನ್ಗಳಿಗೆ ಆಲ್ಔಟ್ ಆಯಿತು. ಆ ಬಳಿಕ ಬ್ಯಾಟ್ ಮಾಡಿದ ಇಂಗ್ಲೆಂಡ್ ತಂಡ ಮೊದಲೆರಡು ವಿಕೆಟ್ಗಳನ್ನು ಕಳೆದುಕೊಂಡು 28 ರನ್ ಬಾರಿಸಿದೆ. ಈ ಮೂಲಕ ಆತಿಥೇಯ ತಂಡ 35 ರನ್ಗಳ ಮುನ್ನಡೆ ಪಡೆದುಕೊಂಡಿದೆ. ಮೂರನೇ ದಿನ ಮಳೆ ಪಂದ್ಯಕ್ಕೆ ಅಡಚಣೆ ಉಂಟು ಮಾಡಿತು.
The field for Usman Khawaja just before Ollie Robinson got him out… #Ashes pic.twitter.com/XEJ6H8WFRY
— David Coverdale (@dpcoverdale) June 18, 2023
ಆಸ್ಟ್ರೇಲಿಯಾ ತಂಡ ಪಂದ್ಯದ ಎರಡನೇ ದಿನವಾದ ಶನಿವಾರ 311 ರನ್ಗಳಿಗೆ 5 ವಿಕೆಟ್ ಕಳೆದುಕೊಂಡಿತ್ತು. ಅಲೆಕ್ಸ್ ಕ್ಯೇರಿ (52) ಮತ್ತು ಉಸ್ಮಾನ್ ಖವಾಜಾ (126) ಕ್ರೀಸ್ ನಲ್ಲಿದ್ದರು. ಅವರಿಬ್ಬರೂ ಮೂರನೇ ದಿನ ತಮ್ಮ 91 ರನ್ಗಳ ಜೊತೆಯಾಟವನ್ನು ಮುಂದುವರಿಸಿದರು. ಆದಾಗ್ಯೂ ಒಲಿ ರಾಬಿನ್ಸನ್ ಖ್ವಾಜಾ ಅವರನ್ನು 141 ರನ್ಗಳಿಗೆ ಬೌಲ್ಡ್ ಮಾಡಿದರು. ಈ ಮೂಲಕ ಕ್ಯೇರಿ ಮತ್ತು ಖವಾಜಾ ನಡುವಿನ 118 ರನ್ ಗಳ ಜೊತೆಯಾಟ ಮುಗಿಯಿತು. ಬಳಿಕ ಕ್ಯೇರಿ ಆ್ಯಂಡರ್ಸನ್ಗೆ ವಿಕೆಟ್ ಒಪ್ಪಿಸಿದರು. ನಾಯಕ ಪ್ಯಾಟ್ ಕಮಿನ್ಸ್ 38 ರನ್ ಬಾರಿಸಿದರು.
ಇದನ್ನೂ ಓದಿ : Ashes 2023: ಉಸ್ಮಾನ್ ಖವಾಜ ಶತಕ; ಆಂಗ್ಲರಿಗೆ ತಿರುಗೇಟು ನೀಡುತ್ತಿರುವ ಆಸೀಸ್
ಅದಕ್ಕಿಂತ ಮೊದಲು ಖ್ವಾಜಾ ಅವರನ್ನು ಔಟ್ ಮಾಡಲು ಇಂಗ್ಲೆಂಡ್ ನಾಯಕ ನಾನಾ ತಂತ್ರಗಳನ್ನು ರೂಪಿಸಿದರು. 141 ರನ್ ಗಳಿಸಿದ್ದ ಖ್ವಾಜಾ ಕಮಿನ್ಸ್ ಅವರೊಂದಿಗೆ ಏಳನೇ ವಿಕೆಟ್ ಗೆ 34 ರನ್ ಸೇರಿಸಿದ್ದರು. ಅವರ ನಿರ್ಗಮನದ ನಂತರ, ಇಂಗ್ಲೆಂಡ್ ವೇಗಿಗಳು ಬೌನ್ಸರ್ಗಳ ಮೂಲಕ ಪ್ರವಾಸಿ ತಂಡದ ಬಾಲಂಗೋಚಿಗಳು ಪೆವಿಲಿಯನ್ ಹಾದಿ ಹಿಡಿಯವಂತೆ ನೋಡಿಕೊಂಡರು. ನೇಥನ್ ಲಯಾನ್, ಬೆನ್ ಡಕೆಟ್ಗೆ ಕ್ಯಾಚ್ ನೀಡಿದರು. ಸ್ಕಾಟ್ ಬೋಲ್ಯಾಂಡ್ ಒಲ್ಲಿ ಪೋಪ್ಗೆ ಕ್ಯಾಚ್ ನೀಡಿದರು. ಇದರ ಪರಿಣಾಮವಾಗಿ, ಆಸ್ಟ್ರೇಲಿಯಾವು ಮೊದಲ ಇನಿಂಗ್ಸ್ನಲ್ಲಿ 386 ರನ್ಗಳಿಗೆ ಆಲೌಟ್ ಆಯಿತು. ಇಂಗ್ಲೆಂಡ್ ಪರ ಸ್ಟುವರ್ಟ್ ಬ್ರಾಡ್ (68ಕ್ಕೆ 3 ವಿಕೆಟ್) ಹಾಗೂ ಒಲಿ ರಾಬಿನ್ಸನ್ (55ಕ್ಕೆ 3 ವಿಕೆಟ್) ಉತ್ತಮ ಸಾಧನೆ ತೋರಿದರು.
After loss of 2 early wickets by English team, Joe Root is onto Crees again. Eagerly waiting to see him flapping his wings big time to save his team again. Australia going to win if fall of wickets continues.#Ashes #ENGvsAUS
— The Cricket Man (@ICC_cricket_man) June 18, 2023
#Ashes pic.twitter.com/79GibxBxSw
ಎರಡನೇ ಇನಿಂಗ್ಸ್ ಆರಂಭಿಸಿದ ಇಂಗ್ಲೆಂಡ್ ತಂಡದ ಆರಂಭಿಕ ಆಟಗಾರರಾದ ಜಾಕ್ ಕ್ರಾವ್ಲಿ ಮತ್ತು ಬೆನ್ ಡಕೆಟ್ ಮೋಡ ಕವಿದ ವಾತಾವರಣದ ನಡುವೆ ಜಾಗರೂಕರಾಗಿ ಬ್ಯಾಟಿಂಗ್ ಮಾಡಿದರು. ಈ ಮೂಲಕ ಆತಿಥೇಯ ತಂಡ ವ್ಯತಿರಿಕ್ತ ರೀತಿಯಲ್ಲಿ ಎರಡನೇ ಇನಿಂಗ್ಸ್ ಬ್ಯಾಟಿಂಗ್ ಆರಂಭಿಸಿತು. ಆದರೆ ಡಕೆಟ್ (19) ಔಟ್ ಅದರೆ, ಸ್ಕಾಟ್ ಬೋಲ್ಯಾಂಡ್ ಎಸೆತಕ್ಅಕೆ ಜಾಕ್ ಕ್ರಾವ್ಲಿ ವಿಕೆಟ್ ಒಪ್ಪಿಸಿದರು. ಒಲಿ ಪೋಪ್ ಮತ್ತು ಜೋ ರೂಟ್ ಖಾತೆ ತೆರೆಯದೇ ನಾಲ್ಕನೇ ದಿನಕ್ಕೆ ಆಟ ಕಾಯ್ದುಕೊಂಡಿದ್ದಾರೆ.