ಬೆಂಗಳೂರು : ಐಪಿಎಲ್ನಲ್ಲಿ ಒಂದೇ ಒಂದು ಪ್ರಶಸ್ತಿ ಗೆಲ್ಲದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ (ಆರ್ಸಿಬಿ) ಮಹಿಳೆಯರ ಸೂಪರ್ ಲೀಗ್ನಲ್ಲಾದರೂ ಟ್ರೋಫಿ ಗೆಲ್ಲುವ ಉದ್ದೇಶ ಇಟ್ಟುಕೊಂಡಂತಿದೆ. ಅದಕ್ಕಾಗಿ ಬಲಿಷ್ಠ ತಂಡವನ್ನು ಕಟ್ಟಿದೆ. ಅಂತಾರಾಷ್ಟ್ರೀಯ ಪಂದ್ಯಗಳಲ್ಲಿ ಅತ್ಯುತ್ತಮ ಸಾಧನೆ ಮಾಡಿರುವ ಐವರು ಆಟಗಾರ್ತಿಯರನ್ನು ಖರೀದಿ ಮಾಡುವುದಕ್ಕೆ ಒಟ್ಟು 9 ಕೋಟಿ ರೂಪಾಯಿ ಖರ್ಚು ಮಾಡಿದೆ. ಇನ್ನೂ ಆರ್ಸಿಬಿ ತಂಡದಲ್ಲಿರುವುದು ಮೂರು ಕೋಟಿ ರೂಪಾಯಿ ಮಾತ್ರ. ಅದನ್ನು ವ್ಯಯಿಸಿ ಉಳಿದ ಆಟಗಾರರನ್ನು ಖರೀದಿ ಮಾಡಬೇಕಾಗುತ್ತದೆ.
ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಗರಿಷ್ಠ ಮೊತ್ತ ವ್ಯಯಿಸಿರುವುದು ಭಾರತ ತಂಡದ ಉಪನಾಯಕಿ ಹಾಗೂ ಸ್ಟಾರ್ ಬ್ಯಾಟರ್ ಸ್ಮೃತಿ ಮಂಧಾನಾ ಅವರಿಗೆ. ಮುಂಬಯಿ ಇಂಡಿಯನ್ಸ್ ಜತೆಗೆ ಜಿದ್ದಾಜಿದ್ದಿನ ಬಿಡ್ಡಿಂಗ್ ನಡೆಸಿ ಅವರಿಗೆ 3.40 ಕೋಟಿ ರೂಪಾಯಿ ನೀಡಿ ಖರೀದಿ ಮಾಡಿದೆ. ಇದು ಡಬ್ಲ್ಯುಪಿಎಲ್ನ ಗರಿಷ್ಠ ಖರೀದಿಯಾಗಿದೆ.
ಭಾರತ ತಂಡದ ವಿಕೆಟ್ಕೀಪರ್ ಬ್ಯಾಟರ್ ರಿಚಾ ಘೋಷ್ ಎರಡನೇ ಗರಿಷ್ಠ ಖರೀದಿಯಾಗಿದೆ. ಅವರಿಗಾಗಿ ಆರ್ಸಿಬಿ ಪ್ರಾಂಚೈಸಿ 1.90 ಕೋಟಿ ರೂಪಾಯಿ ವ್ಯಯಿಸಿದೆ. ಆಸ್ಟ್ರೇಲಿಯಾ ತಂಡದ ವೇಗದ ಬೌಲರ್ ಎಲಿಸ್ ಪೆರಿಗೋಸ್ಕರ ಆರ್ಬಿಸಿ 1.7 ಕೋಟಿ ರೂಪಾಯಿ ವ್ಯಯಿಸಿದೆ.
ಇದನ್ನು ಓದಿ : WPL Auction : ಆರ್ಸಿಬಿ ಬಳಗ ಸೇರಿದ ಸ್ಟಾರ್ ಕ್ರಿಕೆಟರ್ ಸ್ಮೃತಿ ಮಂಧಾನಾ, ಅವರು ಪಡೆದ ಮೊತ್ತವೆಷ್ಟು ಗೊತ್ತೇ?
ರೇಣುಕಾ ಸಿಂಗ್ ಮತ್ತೊಂದು ದುಬಾರಿ ಖರೀದಿಯಾಗಿದೆ. ಅವರಿಗೆ 1.5 ಕೋಟಿ ರೂಪಾಯಿ ನೀಡಿದ ಆರ್ಸಿಬಿ ಫ್ರಾಂಚೈಸಿ. ನ್ಯೂಜಿಲ್ಯಾಂಡ್ ತಂಡದ ಸೋಫಿ ಡಿವೈನ್ ಕೂಡ ಆರ್ಸಿಬಿ ತಂಡ ಸೇರಿಕೊಂಡಿದ್ದಾರೆ. ಅವರಿಗೆ 50 ಲಕ್ಷ ರೂಪಾಯಿ ಕೊಟ್ಟಿದೆ ಆರ್ಸಿಬಿ.