ಬೆಂಗಳೂರು: ಮಾರ್ಚ್ ತಿಂಗಳಾಂತ್ಯಕ್ಕೆ ಐಪಿಎಲ್ 16ನೇ ಆವೃತ್ತಿ (IPL) ಆರಂಭಗೊಳ್ಳಲಿದೆ. ಎಲ್ಲ ಫ್ರಾಂಚೈಸಿಗಳು ತಮ್ಮ ತಮ್ಮ ಕ್ಯಾಂಪ್ ಆರಂಭ ಮಾಡಲು ಸಜ್ಜಾಗುತ್ತಿವೆ. ಏತನ್ಯಧ್ಯೆ, ಆರ್ಸಿಬಿ ತಂಡದ ಆಲ್ರೌಂಡರ್ ಹಾಗೂ ಶ್ರೀಲಂಕಾದ ಆಟಗಾರ ವಾನಿಂದು ಹಸರಂಗ ವಿವಾಹವಾಗಿದ್ದಾರೆ. ಪತ್ನಿ ವಿಂದ್ಯಾ ಅವರೊಂದಿಗಿನ ಚಿತ್ರವನ್ನು ವಾನಿಂದು ಹಸರಂಗ ಇನ್ಸ್ಟಾಗ್ರಾಮ್ನಲ್ಲಿ ಪೋಸ್ಟ್ ಮಾಡಿದ್ದಾರೆ.
ವಾನಿಂದು ಹಸರಂಗ ಹಾಗೂ ವಿಂದ್ಯಾ ಜೋಡಿಯ ಗೆಳೆಯ ಧನುಷ್ಕ ಸೇನಾಧೀರಾ ಜೋಡಿಗೆ ಶುಭ ಕೋರಿ ಸೋಶಿಯಲ್ ಮೀಡಿಯಾ ಪೋಸ್ಟ್ ಹಾಕಿದ್ದಾರೆ. ಶ್ರೀಲಂಕಾ ತಂಡ ಎರಡು ಪಂದ್ಯಗಳ ಟೆಸ್ಟ್ ಸರಣಿಗಾಗಿ ನ್ಯೂಜಿಲ್ಯಾಂಡ್ಗೆ ತೆರಳಿದೆ. ಆದರೆ, ಮದುವೆ ಕಾರಣಕ್ಕೆ ವಾನಿಂದು ಶ್ರೀಲಂಕಾದಲ್ಲಿ ಉಳಿದುಕೊಂಡಿದ್ದಾರೆ. ಏಕ ದಿನ ಸರಣಿಯಗೆ ಮೊದಲು ವಾನಿಂದು ನ್ಯೂಜಿಲ್ಯಾಂಡ್ಗೆ ತೆರಳಲಿದ್ದಾರೆ.
ಇದನ್ನೂ ಓದಿ : WPL 2023 : ಆರ್ಸಿಬಿ ಮಣಿಸಿದ ನಡುವೆಯೇ ಗುಜರಾತ್ ಜಯಂಟ್ಸ್ ತಂಡಕ್ಕೆ ಆಘಾತ, ನಾಯಕಿ ಟೂರ್ನಿಯಿಂದ ಔಟ್
ವಾನಿಂದು ಹಸರಂಗ ಪಾಕಿಸ್ತಾನ ಕ್ರಿಕೆಟ್ ಲೀಗ್ನಲ್ಲಿ ಆಡುವುದಕ್ಕೆ ಮುಂದಾಗಿದ್ದರು. ಆದರೆ, ಶ್ರೀಲಂಕಾ ಕ್ರಿಕೆಟ್ ತಂಡ ಅವರಿಗೆ ನಿರಾಕ್ಸೇಪಣಾ ಪತ್ರ ಕೊಟ್ಟಿರಲಿಲ್ಲ. ಹೀಗಾಗಿ ಅಲ್ಲಿ ಆಡುವ ಅವಕಾಶ ಕಳೆದುಕೊಂಡಿದ್ದರು. ಇದೀಗ ಅವರು ನ್ಯೂಜಿಲ್ಯಾಂಡ್ಗೆ ಪ್ರವಾಸ ಮಾಡಬೇಕಾಗಿದೆ. ಅದು ಮುಗಿದ ಬಳಿಕ ಐಪಿಎಲ್ಗಾಗಿ ಭಾರತಕ್ಕೆ ಬರಲಿದ್ದಾರೆ. ಆದರೆ ಮಾರ್ಚ್ 8ರ ತನಕ ನ್ಯೂಜಿಲ್ಯಾಂಡ್ ಪ್ರವಾಸ ಮುಂದುವರಿಯಲಿರುವ ಕಾರಣ ಅವರು ಆರ್ಸಿಬಿ ಆರಂಭಿಕ ಪಂದ್ಯಗಳಿಗೆ ಅಲಭ್ಯರಾಗಲಿದ್ದಾರೆ ಎನ್ನಲಾಗಿದೆ.