ಬೆಂಗಳೂರು: ಆರ್ಸಿಬಿ ಮತ್ತು ಲಕ್ನೋ(RCB vs LSG) ತಂಡಗಳು ಇಂದು ನಡೆಯುವ ಐಪಿಎಲ್(IPL 2024) ಪಂದ್ಯದಲ್ಲಿ ಸೆಣಸಾಟ ನಡೆಸಲಿವೆ. ಈ ಪಂದ್ಯ ಬೆಂಗಳೂರಿನ ಚಿನ್ನಸ್ವಾಮಿ ಸ್ಟೇಡಿಯಂನಲ್ಲೇ ನಡೆಯಲಿದೆ. ಆರ್ಸಿಬೆಗೆ ಇದು ತವರಿನ ಪಂದ್ಯವಾಗಿದ್ದರೂ ಕೂಡ ಎದುರಾಳಿ ತಂಡದ ರಾಹುಲ್ನದ್ದೇ ದೊಡ್ಡ ಚಿಂತೆಯಾಗಿದೆ. ಇದಕ್ಕೆ ಕಾರಣ ರಾಹುಲ್(KL Rahul) ಅವರು ಆರ್ಸಿಬಿ ವಿರುದ್ಧ ಹೊಂದಿರುವ ಉತ್ತಮ ದಾಖಲೆ.
ಹೌದು, ಆರ್ಸಿಬಿ ವಿರುದ್ಧ ರಾಹುಲ್ ಅವರು ಇದುವರೆಗೆ 14 ಇನಿಂಗ್ಸ್ ಆಡಿದ್ದಾರೆ. 69.78 ಎವರೇಜ್ನಲ್ಲಿ ಬ್ಯಾಟ್ ಬೀಸಿ 628 ರನ್ ಗಳಿಸಿದ್ದಾರೆ. ಇದರಲ್ಲಿ ಒಂದು ಶತಕ ಮತ್ತು ಮೂರು ಅರ್ಧಶತಕ ಬಾರಿಸಿದ್ದಾರೆ. ಸ್ಟ್ರೇಕ್ ರೇಟ್(144.04) ಕೂಡ ಉತ್ತವಾಗಿದೆ. ಇದು ಮಾತ್ರವಲ್ಲದೆ ರಾಹುಲ್ಗೆ ಇದು ತವರು ಮೈದಾನವಾಗಿದೆ. ಈಗಾಗಲೇ ಅವರು ತಾನು ಆಡಿ ಬೆಳೆದ ತವರಿನ ಮೈದಾನದಲ್ಲಿ ಆಡುವುದೇ ಒಂದು ಖಷಿ ಎಂದು ಪಂದ್ಯ ಆರಂಭಕ್ಕೂ ಮುನ್ನವೇ ಹೇಳಿದ್ದಾರೆ. ಒಟ್ಟಾರೆಯಾಗಿ ಆರ್ಸಿಬಿಗೆ ಇಂದು ರಾಹುಲ್ ಅವರನ್ನು ಕಟ್ಟಿ ಹಾಕುವುದೇ ದೊಡ್ಡ ಸವಾಲಾಗಿ ಪರಿಣಮಿಸಿದೆ.
KL Rahul vs RCB In IPL:
— Johns. (@CricCrazyJohns) April 2, 2024
Innings – 14
Runs – 628
Average – 69.78
Strike Rate – 144.04
Fifties – 3
Hundreds – 1
KL returns to Chinnaswamy today….!!!! ⭐ pic.twitter.com/b8qVjtMKzP
ಇಂಪ್ಯಾಕ್ಟ್ ಪ್ಲೇಯರ್
ತೊಡೆ ಸಂದು ನೋವಿನಿಂದ ಬಳಲುತ್ತಿರುವ ರಾಹುಲ್ ಅವರು ಈ ಪಂದ್ಯದಲ್ಲಿ ಇಂಪ್ಯಾಕ್ಟ್ ಆಟಗಾರನಾಗಿ ಕಣಕ್ಕಿಳಿಯುವ ಸಾಧ್ಯತೆ ಇದೆ. ಕಳೆದ ಪಂದ್ಯದಲ್ಲಿಯೂ ಅವರು ಇಂಪ್ಯಾಕ್ಟ್ ಆಟಗಾರನಾಗಿ ಆಡಿ ಬ್ಯಾಟಿಂಗ್ ಮಾತ್ರ ಮಾಡಿದ್ದರು. ನಿಕೋಲಸ್ ಪೂರನ್ ಪಂದ್ಯದ ನಾಯಕತ್ವ ವಹಿಸಿಕೊಂಡಿದ್ದರು. ಈ ಪಂದ್ಯದಲ್ಲಿಯೂ ಇದೇ ಪಾತ್ರ ನಿರ್ವಹಿಸುವ ಸಾಧ್ಯತೆ ಅಧಿಕವಾಗಿದೆ. ಕ್ವಿಂಟನ್ ಡಿ ಕಾಕ್ ಕೀಪಿಂಗ್ ನಡೆಸಲಿದ್ದಾರೆ.
KL Rahul said, "playing at the Chinnaswamy Stadium is always special for me. It's a home for me, the atmosphere here is always electrifying". (LSG). pic.twitter.com/bU3g63ltPF
— Mufaddal Vohra (@mufaddal_vohra) April 2, 2024
ಬೆಂಗಳೂರಿನ ಎಂ ಚಿನ್ನಸ್ವಾಮಿ ಕ್ರೀಡಾಂಗಣದ ಪಿಚ್ ಬ್ಯಾಟರ್ಗಳಿಗೆ ಸ್ವರ್ಗವಾಗಿದೆ. ಕಡಿಮೆ ಅಂತರದ ಬೌಂಡರಿಗಳೊಂದಿಗೆ ಹೆಚ್ಚಿನ ಸ್ಕೋರಿಂಗ್ ಮುಖಾಮುಖಿ ಇಲ್ಲಿ ಮಾಮೂಲಿ. ಸ್ಪಿನ್ನರ್ಗಳಿಗೆ ಅಲ್ಪ ಸಹಾಯ ಮಾಡುವ ಈ ಪಿಚ್ ತಾಳ್ಮೆ ವಹಿಸಿದ ಬ್ಯಾಟರ್ಗಳಿಗೆ ದೊಡ್ಡ ಮೊತ್ತ ಪೇರಿಸಲು ನೆರವಾಗುತ್ತದೆ. ಟಾಸ್ ಗೆದ್ದ ನಾಯಕ ಚೇಸಿಂಗ್ ಮಾಡಲು ಮುಂದಾಗುತ್ತಾರೆ.
ಇತ್ತಂಡಗಳ ಮುಖಾಮುಖಿ
ಆಡಿದ ಪಂದ್ಯಗಳು, 4- ರಾಯಲ್ ಚಾಲೆಂಜರ್ಸ್ ಬೆಂಗಳೂರು 3ರಲ್ಲಿ ಗೆಲುವು ಸಾಧಿಸಿದೆ.
- ಲಕ್ನೋ ಸೂಪರ್ ಜೈಂಟ್ಸ್ 1ರಲ್ಲಿ ಗೆಲುವು ಸಾಧಿಸಿದೆ
- ಮೊದಲ ಪಂದ್ಯ ಏಪ್ರಿಲ್ 19, 2022
- ಕೊನೆಯದಾಗಿ ಆಡಿದ್ದು ಮೇ 1, 2023
ಇದನ್ನೂ ಓದಿ IPL 2024: ಕೋಲ್ಕೊತಾ ನೈಟ್ ರೈಡರ್ಸ್ ಸವಾಲು ಮೀರುವುದೇ ಡೆಲ್ಲಿ ಕ್ಯಾಪಿಟಲ್ಸ್?
Kaptaan back to his home ground, doing everything all at once 🧿💙 pic.twitter.com/tLjPlyY02c
— Lucknow Super Giants (@LucknowIPL) April 2, 2024
ಸಂಭಾವ್ಯ ಆಡುವ ಬಳಗ
ಲಕ್ನೊ ಸೂಪರ್ ಜೈಂಟ್ಸ್: ಕೆಎಲ್ ರಾಹುಲ್, ಕ್ವಿಂಟನ್ ಡಿ ಕಾಕ್ (ವಿಕೆ), ದೇವದತ್ ಪಡಿಕ್ಕಲ್, ನಿಕೋಲಸ್ ಪೂರನ್ (ನಾಯಕ), ಮಾರ್ಕಸ್ ಸ್ಟೊಯಿನಿಸ್, ಕೃನಾಲ್ ಪಾಂಡ್ಯ, ಆಯುಷ್ ಬಡೋನಿ, ರವಿ ಬಿಷ್ಣೋಯ್, ಮೊಹ್ಸಿನ್ ಖಾನ್, ಮಯಾಂಕ್ ಯಾದವ್, ಮಣಿಮಾರನ್ ಸಿದ್ಧಾರ್ಥ್.
ಆರ್ಸಿಬಿ: ಫಾಫ್ ಡು ಪ್ಲೆಸಿಸ್ (ನಾಯಕ), ವಿರಾಟ್ ಕೊಹ್ಲಿ, ಕ್ಯಾಮರೂನ್ ಗ್ರೀನ್, ಗ್ಲೆನ್ ಮ್ಯಾಕ್ಸ್ವೆಲ್, ರಜತ್ ಪಾಟಿದಾರ್, ದಿನೇಶ್ ಕಾರ್ತಿಕ್, ಅನುಜ್ ರಾವತ್ (ವಿಕೆಟ್ ಕೀಪರ್), ಮಯಾಂಕ್ ದಾಗರ್, ಲಾಕಿ ಫರ್ಗುಸನ್, ಮೊಹಮ್ಮದ್ ಸಿರಾಜ್, ವಿಜಯಕುಮಾರ್ ವೈಶಾಕ್.