ಮುಂಬಯಿ: ಪ್ರವಾಸಿ ಆಸ್ಟ್ರೇಲಿಯಾ ವಿರುದ್ಧದ ಟಿ20 ಸರಣಿಯ ಎರಡನೇ ಪಂದ್ಯದಲ್ಲಿ ಭಾರತ ತಂಡ ಸೋಲು ಕಂಡಿದೆ. ಇದರೊಂದಿಗೆ ಸರಣಿಯು 1-1ರಿಂದ ಸಮಬಲಗೊಂಡಿದೆ. ಇದರೊಂದಿಗೆ ಮೂರನೇ ಪಂದ್ಯವು ಹೆಚ್ಚು ರೋಚಕವಾಗಿ ಪರಿವರ್ತನೆಗೊಂಡಿದೆ. ಇಲ್ಲಿನ ನವೀ ಮುಂಬೈನ ಡಿವೈ ಪಾಟೀಲ್ ಕ್ರೀಡಾಂಗಣದಲ್ಲಿ ನಡೆದ ಆಸ್ಟ್ರೇಲಿಯಾ ಮಹಿಳಾ ವಿರುದ್ಧದ ಎರಡನೇ ಟಿ 20 ಪಂದ್ಯದಲ್ಲಿ ಭಾರತ ಉತ್ಸಾಹಭರಿತ ಹೋರಾಟ ನಡೆಸಿತ್ತು. ಆಸ್ಟ್ರೇಲಿಯಾದ ರನ್ ಚೇಸ್ನ 8ನೇ ಓವರ್ ಎಸೆಯುವ ಜವಾಬ್ದಾರಿಯನ್ನು ವಹಿಸಿಕೊಂಡಿದ್ದ ಸ್ಪಿನ್ನರ್, ಪ್ರವಾಸಿ ನಾಯಕಿ ಅಲಿಸಾ ಹೀಲಿಯನ್ನು ಔಟ್ ಮಾಡಿದರು. ಈ ಮೂಲಕ ತನ್ನ ಸ್ಪೆಲ್ನ ಮೊದಲ ಎಸೆತದಲ್ಲೇ ಮಿಂಚಿದರು.
ಶ್ರೇಯಾಂಕ ಕ್ಯಾಚ್ನ ಹಿಡಿದ ಸಂದರ್ಭ
Deepti strikes with her first delivery 🔥
— JioCinema (@JioCinema) January 7, 2024
Watch #TeamIndia fightback in the 2nd T20I, LIVE NOW on #JioCinema & #Sports18 ⚡#INDvAUS #JioCinemaSports #IDFCFirstBankWomensT20ITrophy pic.twitter.com/W1ptAQjKtJ
ಆಸ್ಟ್ರೇಲಿಯಾದ ಆರಂಭಿಕ ಆಟಗಾರರಾದ ಬೆತ್ ಮೂನಿ ಮತ್ತು ಅಲಿಸಾ ಹೀಲಿ ಕೇವಲ ಏಳು ಓವರ್ಗಳಲ್ಲಿ 51 ರನ್ಗಳ ಜೊತೆಯಾಟ ನೀಡಿದರು. ಈ ವೇಳೆ ದೀಪ್ತಿ ಶರ್ಮಾ ಎಸೆತಕ್ಕೆ ಹೀಲಿ ಲಾಂಗ್ ಆನ್ ಕಡೆಗೆ ಬೌಂಡರಿಗಾಗಿ ಹೊಡೆದರು. ಈ ವೇಳೆ ಬೌಂಡರಿ ಲೈನ್ನಲ್ಲಿ ಆರ್ಸಿಬಿಯ ಸ್ಟಾರ್ ಸ್ಪಿನ್ನರ್ ಶ್ರೇಯಂಕಾ ಪಾಟೀಲ್ ಉತ್ತಮ ಕ್ಯಾಚ್ ಹಿಡಿದರು. ಅವರ ಅದ್ಭುತ ಫೀಲ್ಡಿಂಗ್ ಭಾರತ ತಂಡಕ್ಕೆ ಉತ್ತಮ ಚೇತರಿಕೆಯನ್ನು ಕೊಟ್ಟಿತು.
ಹೀಲಿಯ ನಿರ್ಗಮನದಿಂದಾಗಿ ದೀಪ್ತಿ ಶರ್ಮಾಗೆ ಮುಂದಿನ ಓವರ್ನಲ್ಲಿ ಬೆತ್ ಮೂನಿ ಅವರನ್ನು ಬಲೆಗೆ ಬೀಳಿಸಲು ನೆರವಾಯಿತು. ಈ ವೇಳೆ ಆಸೀಸ್ ತಂಡ 58ರನ್ಗೆ 2ವಿಕೆಟ್ ಕಳೆದಕೊಂಡಿತು. ದೀಪ್ತಿ ಅಂತಿಮವಾಗಿ ತನ್ನ ನಾಲ್ಕು ಓವರ್ಗಳಲ್ಲಿ ಕೇವಲ 22 ರನ್ಗಳನ್ನು ಬಿಟ್ಟುಕೊಟ್ಟರು. ಸ್ಪಿನ್ ತಂಡದ ಸಹ ಆಟಗಾರ ಶ್ರೇಯಂಕಾ ಪಾಟೀಲ್ ಅವರು ತಹ್ಲಿಯಾ ಮೆಕ್ಗ್ರಾತ್ ಅವರನ್ನು ಔಟ್ ಮಾಡುವ ಮೂಲಕ ಆಸ್ಟ್ರೇಲಿಯಾ 14 ಓವರ್ಗಳಲ್ಲಿ 89ರನ್ಗೆ 3 ವಿಕೆಟ್ ಕಳೆದುಕೊಳ್ಳುವಂತಾಯಿತು.
ಪಂದ್ಯವು ರೋಚಕ ಅಂತ್ಯದತ್ತ ಸಾಗುತ್ತಿದ್ದ ಸಮಯದಲ್ಲಿ, ಫೋಬೆ ಲಿಚ್ಫೀಲ್ಡ್ ಮತ್ತು ಅನುಭವಿ ಆಟಗಾರ್ತಿ ಎಲಿಸ್ ಪೆರ್ರಿ ಪಾಟೀಲ್ ಅವರ ಕೊನೆಯ ಓವರ್ನಲ್ಲಿ 17 ರನ್ ಗಳಿಸುವ ಮೂಲಕ ಆಸ್ಟ್ರೇಲಿಯಾ ಮಹಿಳಾ ತಂಡಕ್ಕೆ ಆರು ವಿಕೆಟ್ಗಳ ಗೆಲುವು ತಂದುಕೊಟ್ಟರು.
ತಿರುಗೇಟು ಕೊಟ್ಟ ಆಸೀಸ್
ಸರಣಿಯ ಮೊದಲ ಪಂದ್ಯದಲ್ಲಿ ಸೋತಿದ್ದ ಕಾಂಗರೂಗಳು, ಎರಡನೇ ಹಣಾಹಣಿಯಲ್ಲಿ ಗೆದ್ದು ಸರಣಿಯನ್ನು ಸಮಬಲಗೊಳಿಸಿದ್ದಾರೆ. ಜನವರಿ 9ರಂದು ನಡೆಯುವ ಮೂರನೇ ಹಾಗೂ ಅಂತಿಮ ಪಂದ್ಯವು ಸರಣಿಯನ್ನು ನಿರ್ಣಯಿಸಲಿದೆ. ಜನವರಿ 7ರಂದು ಭಾನುವಾರ ಮುಂಬಯಿಯ ಡಿವೈ ಪಾಟೀಲ್ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದ ಆಸೀಸ್ ಬಳಗ ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. ಮೊದಲು ಬ್ಯಾಟ್ ಮಾಡಿದ ಭಾರತವು ಆಸೀಸ್ ಬೌಲರ್‌ಗಳಿಗೆ ಬೆದರಿ ನಿಗದಿತ 20 ಓವರ್ಗಳಲ್ಲಿ 8 ವಿಕೆಟ್ 130 ರನ್ ಗಳಿಸಿತು. ಗುರಿ ಬೆನ್ನಟ್ಟಿದ ಆಸೀಸ್ ಇನ್ನೂ ಆರು ಎಸೆತಗಳು ಬಾಕಿ ಇರುವಂತೆಯೇ ಕೇವಲ 4 ವಿಕೆಟ್ ಕಳೆದುಕೊಂಡು 133 ರನ್ ಗಳಿಸಿತು.
Alyssa Healy ✅
— BCCI Women (@BCCIWomen) January 7, 2024
Beth Mooney ✅
Relive @Deepti_Sharma06's two crucial wickets to dismiss the Australian openers 🎥🔽#TeamIndia | #INDvAUS | @IDFCFIRSTBank pic.twitter.com/GWWDQ5qmRJ
ಸಾಧಾರಣ ಗುರಿ ಬೆನ್ನಟ್ಟಿದ ಅಸ್ಟ್ರೇಲಿಯಾ ಪರ ತಂಡದ ನಾಯಕಿ ಅಲಿಸಾ ಹೀಲಿ 26 ರನ್ ಗಳಿಸಿದರೆ, ಬೆತ್ ಮೂನಿ 20 ರನ್ ಗಳಿಸಿ ಔಟಾದರು. ತಹ್ಲಿಯಾ ಮೆಕ್ಗ್ರಾತ್ 19 ರನ್ ಪೇರಿಸಿದರೆ, ಎಲಿಸ್ ಪೆರ್ರಿ ಅಜೇಯ 34 ರನ್ ಗಳಿಸಿದರು. ಲಿಚ್ಫೀಲ್ಡ್ ಕೂಡಾ ಅಜೇಯ 18 ರನ್ ಕೊಡುಗೆ ಕೊಟ್ಟು ತಂಡದ ಗೆಲುವಿಗೆ ಕಾರಣರಾದರು.
ಇದನ್ನೂ ಓದಿ : ICC T20 World Cup : ವಿಶ್ವ ಕಪ್ಗೆ ಭಾರತ ತಂಡ ಘೋಷಿಸಲು ಇನ್ನೂ ಇದೆ ಮೂರು ತಿಂಗಳ ಅವಧಿ
ಆಸ್ಟ್ರೇಲಿಯಾದ ರನ್ ಚೇಸ್ ಮಾಸ್ಟರ್ ಕ್ಲಾಸ್ ಮೂರು ಪಂದ್ಯಗಳ ಸರಣಿಯನ್ನು ಸಮಬಲಕ್ಕೆ ತಂದಿತು, ಮತ್ತು ಉಭಯ ತಂಡಗಳು ಈಗ ಜನವರಿ 9 ರಂದು ಅದೇ ಸ್ಥಳದಲ್ಲಿ ನಡೆಯಲಿರುವ ನಿರ್ಣಾಯಕ ಪಂದ್ಯದಲ್ಲಿ ಪರಸ್ಪರ ಮುಖಾಮುಖಿಯಾಗಲಿವೆ.