Rohit Sharma: ಸಿಕ್ಸರ್​ ಬಾರಿಸಿ ದಾಖಲೆ ಬರೆದ ಹಿಟ್​ಮ್ಯಾನ್​ ರೋಹಿತ್​ ಶರ್ಮ

ಬೆಂಗಳೂರು: ನೆದರ್ಲೆಂಡ್ಸ್​(India vs Netherlands) ವಿರುದ್ಧ ಸಾಗುತ್ತಿರುವ ವಿಶ್ವಕಪ್​ ಲೀಗ್​ ಪಂದ್ಯದಲ್ಲಿ ಟೀಮ್​ ಇಂಡಿಯಾದ ನಾಯಕ ರೋಹಿತ್ ಶರ್ಮ(Rohit Sharma) ಅವರು ಸಿಕ್ಸರ್​ ಬಾರಿಸುವ ಮೂಲಕ ದಾಖಲೆಯೊಂದನ್ನು ಬರೆದಿದ್ದಾರೆ. ಕ್ಯಾಲೆಂಡರ್​ ವರ್ಷವೊಂದರಲ್ಲಿ ಅತ್ಯಧಿಕ ಸಿಕ್ಸರ್​ ಬಾರಿಸಿದ ಆಟಗಾರ ಎನಿಸಿಕೊಂಡಿದ್ದಾರೆ.

ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಈ ಪಂದ್ಯದಲ್ಲಿ ಟಾಸ್​ ಗೆದ್ದು ಬ್ಯಾಟಿಂಗ್​ ಆಯ್ದುಕೊಂಡ ಭಾರತಕ್ಕೆ ರೋಹಿತ್ ಶರ್ಮ​ ಮತ್ತು ಶುಭಮನ್​ ಗಿಲ್​ ಅವರು ಉತ್ತಮ ಆರಂಭ ಒದಗಿಸಿದರು. ಉಭಯ ಆಟಗಾರರು ಜಿದ್ದಿಗೆ ಬಿದ್ದವರಂತೆ ಬ್ಯಾಟ್​ ಬೀಸಿ ಅರ್ಧಶತಕ ಬಾರಿಸಿ ವಿಕೆಟ್​ ಕೈಚೆಲ್ಲಿದರು. ಮೊದಲ ವಿಕೆಟ್​ಗೆ ಇವರಿಂದ ಭರ್ತಿ 100 ರನ್​ ಒಟ್ಟುಗೂಡಿತು. ಇದು ಕೇವಲ 11 ಓವರ್​ನಲ್ಲಿ ದಾಖಲಾಯಿತು.

See more

ವಿಲಿಯರ್ಸ್​ ದಾಖಲೆ ಪತನ

ರೋಹಿತ್ ಶರ್ಮ 54 ಎಸೆತಗಳನ್ನು ಎದುರಿಸಿ​ 61 ರನ್​ ಬಾರಿಸಿದರು. ಅವರ ಈ ಅರ್ಧಶತಕದ ಇನಿಂಗ್ಸ್​ನಲ್ಲಿ 2 ಸಿಕ್ಸರ್​ ಮತ್ತು 8 ಬೌಂಡರಿ ಸಿಡಿಯಿತು. 2 ಸಿಕ್ಸರ್​ ಬಾರಿಸಿದ ವೇಳೆ ಡಿ ವಿಲಿಯರ್ಸ್​ ಅವರ ದಾಖಲೆಯೊಂದು ಪತನಗೊಂಡಿತು. ಕ್ಯಾಲೆಂಡರ್​ ವರ್ಷದಲ್ಲಿ ಅತ್ಯಧಿಕ ಸಿಕ್ಸರ್​ ಬಾರಿಸಿದ ದಾಖಲೆ ಇದುವರೆಗೆ ದಕ್ಷಿಣ ಆಫ್ರಿಕಾದ ಮಾಜಿ ನಾಯಕ ಹಾಗೂ ಆಟಗಾರ ಎಬಿ ಡಿ ವಿಲಿಯರ್ಸ್​ ಹೆಸರಿನಲ್ಲಿತ್ತು. ವಿಲಿಯರ್ಸ್​ ಅವರು 2015ರಲ್ಲಿ 58 ಸಿಕ್ಸರ್​ ಬಾರಿಸಿದ್ದರು. ಇದೀಗ ರೋಹಿತ್​ ಅವರು ಸದ್ಯ 2023 ಸಾಲಿನಲ್ಲಿ 59 ಸಿಕ್ಸರ್​ ಬಾರಿಸಿದ್ದಾರೆ. ವಿಶ್ವಕಪ್​ ಸೆಮಿಫೈನಲ್​ ಆಡಲಿರುವ ರೋಹಿತ್​ ತಮ್ಮ ಸಿಕ್ಸರ್​ಗಳ ಸಂಖ್ಯೆಯನ್ನು ಹೆಚ್ಚಿಸಬಹುದು.

ಇದನ್ನೂ ಓದಿ IND vs NED Live: ಭಾರತದ 2ನೇ ವಿಕೆಟ್​ ಪತನ; ರೋಹಿತ್​ ಔಟ್​

See more

ಕ್ಯಾಲೆಂಡರ್​ ವರ್ಷದಲ್ಲಿ ಅತ್ಯಧಿಕ ಸಿಕ್ಸರ್​ ಬಾರಿಸಿದ ಆಟಗಾರರು

ರೋಹಿತ್​ ಶರ್ಮ-59* ಸಿಕ್ಸರ್​

ಎಬಿ ಡಿ ವಿಲಿಯರ್ಸ್​-58 ಸಿಕ್ಸರ್​

ಕ್ರಿಸ್​ ಗೇಲ್​-56 ಸಿಕ್ಸರ್​

ಶಾಹೀದ್​ ಅಫ್ರಿದಿ- 48 ಸಿಕ್ಸರ್​

18 ಸಾವಿರ ರನ್​ ಪೂರ್ತಿ

ರೋಹಿತ್ ಶರ್ಮಾ ಅವರು ಇಂಗ್ಲೆಂಡ್​ ವಿರುದ್ಧದ ಪಂದ್ಯದಲ್ಲಿ 18,000 ಅಂತಾರಾಷ್ಟ್ರೀಯ ರನ್ ಪೂರೈಸಿದ ದಾಖಲೆ ಬರೆದಿದ್ದರು. ರೋಹಿತ್​ ಅವರು 477ನೇ ಇನ್ನಿಂಗ್ಸ್‌ನಲ್ಲಿ ಈ ಸಾಧನೆಯನ್ನು ನಿರ್ಮಿಸಿದ್ದಾರೆ. ಈ ಸಾಧನೆ ಮಾಡಿದ ಐದನೇ ಭಾರತೀಯ ಆಟಗಾರ ಎನಿಸಿದ್ದಾರೆ. ರೋಹಿತ್‌ಗಿಂತ ಮೊದಲು ಸಚಿನ್ ತೆಂಡೂಲ್ಕರ್, ರಾಹುಲ್ ದ್ರಾವಿಡ್, ಸೌರವ್ ಗಂಗೂಲಿ ಮತ್ತು ವಿರಾಟ್ ಕೊಹ್ಲಿ ಈ ಸಾಧನೆ ಮಾಡಿದ್ದರು.

See more

Milestone Unlocked 🔓

1⃣8⃣,0⃣0⃣0⃣ international runs & counting for #TeamIndia Captain Rohit Sharma 👏👏#CWC23 | #MenInBlue | #INDvENG pic.twitter.com/zV5pvstagT

— BCCI (@BCCI) October 29, 2023

ಉತ್ತಮ ಪ್ರದರ್ಶನ

ರೋಹಿತ್​ ಅವರ ನಾಯಕತ್ವದಲ್ಲಿ ಭಾರತ ತಂಡ ಪ್ರಸಕ್ತ ಸಾಗುತ್ತಿರುವ ವಿಶ್ವಕಪ್​ನಲ್ಲಿ ಉತ್ತಮ ಪ್ರದರ್ಶನ ತೋರುತ್ತಿದೆ. ಆಡಿದ ಎಲ್ಲ 8 ಪಂದ್ಯಗಳನ್ನು ಗೆದ್ದು ಅಜೇಯ ಓಟ ಕಾಯ್ದುಕೊಂಡಿದೆ. ನೆದರ್ಲೆಂಡ್ಸ್​​ ವಿರುದ್ಧವೂ ಗೆದ್ದರೆ ಎಲ್ಲ ಪಂದ್ಯವನ್ನು ಗೆದ್ದ ದಾಖಲೆ ಬರೆಯಲಿದೆ.