ಇಂದೋರ್: ಅಫಘಾನಿಸ್ತಾನ ವಿರುದ್ಧ ಇಂದು ನಡೆಯುವ ದ್ವಿತೀಯ ಟಿ20(India vs Afghanistan, 2nd T20I) ಪಂದ್ಯದಲ್ಲಿ ಭಾರತ ತಂಡದ ನಾಯಕ ರೋಹಿತ್ ಶರ್ಮ(Rohit Sharma) ಅವರು ವಿಶೇಷ ದಾಖಲೆ ಬರೆಯಲಿದ್ದಾರೆ. ರೋಹಿತ್ ಟಾಸ್ಗೆ ಮೈದಾನಕ್ಕಿಳಿಯುತ್ತಿದಂತೆ ಈ ದಾಖಲೆ ನಿರ್ಮಾಣವಾಗಲಿದೆ.
ಹೌದು, ರೋಹಿತ್ ಶರ್ಮ ಅವರಿಗೆ ಇಂದಿನ ಪಂದ್ಯ 150ನೇ ಟಿ20 ಅಂತಾರಾಷ್ಟ್ರೀಯ ಪಂದ್ಯವಾಗಿದೆ. ಈ ಸಾಧನೆ ಮಾಡಿದ ವಿಶ್ವದ ಮೊದಲ ಆಟಗಾರ ಎನಿಸಿಕೊಳ್ಳಲಿದ್ದಾರೆ. ರೋಹಿತ್ ಇದುವರೆಗೆ 149 ಟಿ20 ಪಂದ್ಯಗಳನ್ನು ಆಡಿ 3853 ರನ್ಗಳನ್ನು ಬಾರಿಸಿದ್ದಾರೆ. ಅಲ್ಲದೆ 20 ವಿಕೆಟ್ ಕಿತ್ತ ಸಾಧನೆಯೂ ಅವರದ್ದಾಗಿದೆ. ರೋಹಿತ್ ಬಳಿಕ ಅತ್ಯಧಿಕ ಟಿ20 ಪಂದ್ಯ ಆಡಿದ ಮತೋರ್ವ ಆಟಗಾರನೆಂದರೆ ಐರ್ಲೆಂಡ್ನ ಪೌಲ್ ಸ್ಟೀರ್ಲಿಂಗ್. ಅವರು ಒಟ್ಟು 134 ಟಿ20 ಪಂದ್ಯಗಳನ್ನಾಡಿ 3,438 ರನ್ ಹಾಗೂ 20 ವಿಕೆಟ್ ಪಡೆದಿದ್ದಾರೆ.
Rohit Sharma in T20I:
— Johns. (@CricCrazyJohns) January 14, 2024
Matches – 149
Runs – 3853
Average – 30.58
Strike Rate – 139.15
Hundreds – 4
Fifties – 29
– Hitman will become the first Men's cricketer to play 150 T20I, A legend. 🫡 pic.twitter.com/eNdAX5AWFA
ಕಳೆದ ಪಂದ್ಯದಲ್ಲಿ ರೋಹಿತ್ ಅವರು ಶುಭಮನ್ ಗಿಲ್ ಅವರ ಬೇಜವಾಬ್ದಾರಿಯಿಂದ ಶೂನ್ಯಕ್ಕೆ ರನೌಟ್ ಆಗಿದ್ದರು. ಆ ಪಂದ್ಯ ರೋಹಿತ್ 14 ತಿಂಗಳ ಬಳಿಕ ಆಡಿದ ಪಂದ್ಯವಾಗಿತ್ತು. ಉತ್ತಮ ಆಟ ಪ್ರದರ್ಶಿಸುವ ಯೋಜನೆಯಲ್ಲಿದ್ದ ಅವರಿಗೆ ಗಿಲ್ ಅಡ್ಡಗಾಲು ಹಾಕಿದ್ದರು. ಔಟಾದ ಸಿಟ್ಟಿನಲ್ಲಿ ರೋಹಿತ್ ಮೈದಾನದಲ್ಲೇ ತಮ್ಮ ಸಿಟ್ಟನ್ನು ಹೊರಹಾಕಿದ್ದರು. ಇದೀಗ ದ್ವಿತೀಯ ಪಂದ್ಯದಲ್ಲಿ ಸಿಡಿಯುವ ಸಾಧ್ಯತೆ ಇದೆ.
ಇದನ್ನೂ ಓದಿ IND vs AFG: ಇಂದು ನಡೆಯುವ ಭಾರತ-ಆಫ್ಘನ್ 2ನೇ ಟಿ20 ಪಂದ್ಯಕ್ಕೆ ಮಳೆ ಭೀತಿ ಇದೆಯೇ?
ಕೊಹ್ಲಿ ದಾಖಲೆ ಮಲೆ ಕಣ್ಣು
ರೋಹಿತ್ ಶರ್ಮ ಇಂದಿನ ಪಂದ್ಯದಲ್ಲಿ 44 ರನ್ ಗಳಿಸಿದರೆ ವಿರಾಟ್ ಕೊಹ್ಲಿಯ ದಾಖಲೆಯೊಂದನ್ನು ಮುರಿಯಲಿದ್ದಾರೆ. ಟಿ20 ಕ್ರಿಕೆಟ್ನಲ್ಲಿ ಟೀಮ್ ಇಂಡಿಯಾ ಪರ ಅತ್ಯಧಿಕ ರನ್ ಕಲೆಹಾಕಿದ ನಾಯಕ ಎಂಬ ಹಿರಿಮೆಗೆ ರೋಹಿತ್ ಪಾತ್ರರಾಗಲಿದ್ದಾರೆ. ಈ ಮೂಲಕ ಕೊಹ್ಲಿಯ ದಾಖಲೆಯನ್ನು ಹಿಂದಿಕ್ಕಲಿದ್ದಾರೆ. ಕೊಹ್ಲಿ ಟಿ20ಯಲ್ಲಿ ಭಾರತ ತಂಡವನ್ನು 50 ಪಂದ್ಯಗಳಲ್ಲಿ ಮುನ್ನಡೆಸಿ 46 ಇನಿಂಗ್ಸ್ ಮೂಲಕ 13 ಅರ್ಧಶತಕದ ನೆರವಿನಿಂದ ಒಟ್ಟು 1,570 ರನ್ ಬಾರಿಸಿದ್ದಾರೆ. ಈ ದಾಖಲೆಯ ಮುರಿಯಲು ರೋಹಿತ್ಗೆ 44 ರನ್ಗಳ ಅವಶ್ಯವಿದೆ. ರೋಹಿತ್ ನಾಯಕನಾಗಿ 51 ಇನಿಂಗ್ಸ್ ಆಡಿ 1527 ರನ್ ಗಳಿಸಿದ್ದಾರೆ. ಈ ವೇಳೆ 2 ಶತಕ ಹಾಗೂ 10 ಅರ್ಧಶತಕ ದಾಖಲಾಗಿದೆ.
ಸಿಕ್ಸರ್ ದಾಖಲೆ
ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ 582 ಸಿಕ್ಸರ್ ಬಾರಿಸಿ ಅತಿ ಹೆಚ್ಚು ಸಿಕ್ಸರ್ ಬಾರಿಸಿದ ಸಾಧಕರ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿರುವ ರೋಹಿತ್ ಶರ್ಮ, ಅಫಘಾನಿಸ್ತಾನ ವಿರುದ್ಧದ ಇನ್ನುಳಿದ 2 ಟಿ20 ಪಂದ್ಯಗಳಲ್ಲಿ ಒಟ್ಟು 18 ಸಿಕ್ಸರ್ ಬಾರಿಸಿದರೆ 600 ಸಿಕ್ಸರ್ಗಳನ್ನು ಪೂರ್ತಿಗೊಳಿಸಲಿದ್ದಾರೆ. ಈ ಮೂಲಕ ಈ ಸಾಧನೆ ಮಾಡಿದ ವಿಶ್ವದ ಮೊದಲ ಆಟಗಾರ ಎನ್ನುವ ದಾಖಲೆಯನ್ನು ತಮ್ಮ ಹೆಸರಿಗೆ ಬರೆಯಲಿದ್ದಾರೆ. ಸದ್ಯ 486 ಇನಿಂಗ್ಸ್ ಆಡಿರುವ ರೋಹಿತ್ ಇದುವರೆಗೆ ಟೆಸ್ಟ್ನಲ್ಲಿ 77, ಏಕದಿನದಲ್ಲಿ 323, ಟಿ20ಯಲ್ಲಿ 182 ಸಿಕ್ಸರ್ಗಳನ್ನು ಬಾರಿಸಿದ್ದಾರೆ. 600 ಸಿಕ್ಸರ್ಗಳಿಗೆ ಇನ್ನು 18 ಸಿಕ್ಸರ್ಗಳ ಅಗತ್ಯವಿದೆ.