ರಾಜ್ಕೋಟ್: ಇಂಗ್ಲೆಂಡ್ ವಿರುದ್ಧದ ಮೂರನೇ ಟೆಸ್ಟ್(India vs England 3rd Test) ಪಂದ್ಯದಲ್ಲಿ ಶತಕ ಬಾರಿಸಿ ಭಾರತ ತಂಡಕ್ಕೆ ಆಸರೆಯಾದ ನಾಯಕ ರೋಹಿತ್ ಶರ್ಮಾ(Rohit Sharma) ಅವರು ಸಿಕ್ಸರ್ ಮೂಲಕ ದಾಖಲೆಯೊಂದನ್ನು ತಮ್ಮ ಹೆಸರಿಗೆ ಬರೆದಿದ್ದಾರೆ. ಇದೇ ವೇಳೆ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ(Mahendra Singh Dhoni) ಅವರ ದಾಖಲೆ ಪತನಗೊಂಡಿತು.
ರಾಜ್ಕೋಟ್ನ ನಿರಂಜನ್ ಶಾ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಈ ಟೆಸ್ಟ್ ಪಂದ್ಯದಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಭಾರತಕ್ಕೆ ಮಾರ್ಕ್ ವುಡ್ ಆರಂಭದಲ್ಲೇ ಅವಳಿ ಆಘಾತವಿಕ್ಕಿದರು. ಯಶಸ್ವಿ ಜೈಸ್ವಾಲ್ ಮತ್ತು ಶುಭಮನ್ ಗಿಲ್ ವಿಕೆಟ್ ಕಿತ್ತರು. ಜೈಸ್ವಾಲ್ 10 ರನ್ ಗಳಿಸಿದರೆ, ಶುಭಮನ್ ಗಿಲ್ ಖಾತೆಯೇ ತೆರೆಯದೆ ಶೂನ್ಯ ಸುತ್ತಿದರು. ಈ ವಿಕೆಟ್ ಪತನದ ಬೆನ್ನಲ್ಲೇ ರಜತ್ ಪಾಟಿದಾರ್ ಕೂಡ 5 ರನ್ ಗಳಿಸಿ ವಿಕೆಟ್ ಕೈಚೆಲ್ಲಿದರು.
💯! 👍 👍
— BCCI (@BCCI) February 15, 2024
Captain leading from the front & how! 🙌 🙌
Well played, Rohit Sharma 👏 👏
Follow the match ▶️ https://t.co/FM0hVG5pje#TeamIndia | #INDvENG | @IDFCFIRSTBank pic.twitter.com/BAfUCluE2H
33ಕ್ಕೆ 3 ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿದ ಭಾರತ ತಂಡಕ್ಕೆ ನೆರವಾದದ್ದು ನಾಯಕ ರೋಹಿತ್ ಶರ್ಮಾ ಮತ್ತು ರವೀಂದ್ರ ಜಡೇಜಾ. ಉಭಯ ಆಟಗಾರರು ಕೂಡ ಆಂಗ್ಲರ ಬೌಲಿಂಗ್ ದಾಳಿಯನ್ನು ಸಮರ್ಥವಾಗಿ ಎದುರಿಸಿ ನಿಂತು ಉತ್ತಮ ಇನಿಂಗ್ಸ್ ಕಟ್ಟುತ್ತಿದ್ದಾರೆ. ರೋಹಿತ್ ಸದ್ಯ 102 ರನ್ ಪೂರ್ತಿಗೊಳಿಸಿದರೆ, ಜಡೇಜಾ ಅರ್ಧಶತಕ ಬಾರಿಸಿದ್ದಾರೆ. ಉಭಯ ಆಟಗಾರತು ಕೂಡ ಬ್ಯಾಟಿಂಗ್ ನಡೆಸುತ್ತಿದ್ದು. ಇವರ ತಾಳ್ಮೆಯುತ ಬ್ಯಾಟಿಂಗ್ನಿಂದಾಗಿ ತಂಡ ಆರಂಭಿಕ ಆಘಾತದಿಂದ ಚೇತರಿಕೆ ಕಂಡಿದೆ.
Rohit Sharma becomes 2nd Most Six Hitter for India in Test Cricket!
— Kishan Kishor (@itskishankishor) February 15, 2024
Most Sixes for India in the Men's Test:-
90 : Virender Sehwag
𝟳𝟵* : Rohit Sharma
78 : MS Dhoni
69 : Sachin Tendulkar
61 : Kapil Dev#INDvsENGTest #INDvsENG #INDvENG pic.twitter.com/79H10RQgoJ
ಸಿಕ್ಸರ್ ದಾಖಲೆ ಬರೆದ ರೋಹಿತ್
ಈ ಪಂದ್ಯದಲ್ಲಿ 2 ಸಿಕ್ಸರ್ ಬಾರಿಸುವ ಮೂಲಕ ರೋಹಿತ್ ಶರ್ಮ ಅವರು ಟೆಸ್ಟ್ ಕ್ರಿಕೆಟ್ನಲ್ಲಿ ಅತಿ ಹೆಚ್ಚು ಸಿಕ್ಸರ್ ಬಾರಿಸಿದ ಭಾರತದ 2ನೇ ಆಟಗಾರ ಎನಿಸಿಕೊಂಡರು. ಈ ಹಿಂದೆ 78 ಸಿಕ್ಸರ್ ಬಾರಿಸಿ ದ್ವಿತೀಯ ಸ್ಥಾನದಲ್ಲಿದ್ದ ಧೋನಿ ಇದೀಗ ಮೂರನೇ ಸ್ಥಾನಕ್ಕೆ ಕುಸಿದಿದ್ದಾರೆ. ರೋಹಿತ್ ಸದ್ಯ 79* ಸಿಕ್ಸರ್ ದಾಖಲಿಸಿದ್ದಾರೆ. ಮಾಜಿ ಡ್ಯಾಶಿಂಗ್ ಆಟಗಾರ ವಿರೇಂದ್ರ ಸೆಹವಾಗ್ ಅಗ್ರಸ್ಥಾನದಲ್ಲಿದ್ದಾರೆ. ಸೆಹವಾಗ್ 104 ಟೆಸ್ಟ್ ಪಂದ್ಯ ಆಡಿ 91 ಸಿಕ್ಸರ್ ಬಾರಿಸಿದ್ದಾರೆ. ಸೆಹವಾಗ್ ದಾಖಲೆ ಮುರಿಯಲು ರೋಹಿತ್ಗೆ ಇನ್ನು 13 ಸಿಕ್ಸರ್ಗಳ ಅಗತ್ಯವಿದೆ. ಕ್ರಿಕೆಟ್ ದಿಗ್ಗಜ ಸಚಿನ್ ತೆಂಡೂಲ್ಕರ್ ಅವರು 69 ಸಿಕ್ಸರ್ ಬಾರಿಸಿ ನಾಲ್ಕನೇ ಸ್ಥಾನ, ಕಪಿಲ್ ದೇವ್ 61 ಸಿಕ್ಸರ್ ಬಾರಿಸಿ 5ನೇ ಸ್ಥಾನ ಪಡೆದಿದ್ದಾರೆ.
ಟೆಸ್ಟ್ನಲ್ಲಿ ಅತಿ ಹೆಚ್ಚು ಸಿಕ್ಸರ್ ಬಾರಿಸಿದ ಟಾಪ್-5 ಭಾರತೀಯ ಆಟಗಾರರು
| ಆಟಗಾರ | ಸಿಕ್ಸರ್ |
| ವಿರೇಂದ್ರ ಸೆಹವಾಗ್ | 91 |
| ರೋಹಿತ್ ಶರ್ಮ | 79* |
| ಮಹೇಂದ್ರ ಸಿಂಗ್ ಧೋನಿ | 78 |
| ಸಚಿನ್ ತೆಂಡೂಲ್ಕರ್ | 69 |
| ಕಪಿಲ್ ದೇವ್ | 61 |
ಟೆಸ್ಟ್ನಲ್ಲಿ ಅತಿ ಹೆಚ್ಚು ಸಿಕ್ಸರ್ ಬಾರಿಸಿದ ವಿಶ್ ದಾಖಲೆ ಇಂಗ್ಲೆಂಡ್ ತಂಡದ ಸ್ಟಾರ್ ಆಲ್ ರೌಂಡರ್ ಬೆನ್ ಸ್ಟೋಕ್ಸ್ ಹೆಸರಿನಲ್ಲಿದೆ. ಸ್ಟೋಕ್ಸ್ 97 ಪಂದ್ಯ ಆಡಿ 128 ಸಿಕ್ಸರ್ ಬಾರಿಸಿದ್ದಾರೆ. ಭಾರತ ವಿರುದ್ಧದ ಸರಣಿಯಲ್ಲಿ ನಾಯಕನಾಗಿರುವ ಅವರು ಈ ಸಿಕ್ಸರ್ಗಳ ಸಂಖ್ಯೆಯನ್ನು ಇನ್ನೂ ಹೆಚ್ಚಿಸುವ ಅವಕಾಶವಿದೆ.
ಟೆಸ್ಟ್ನಲ್ಲಿ ಅತಿ ಹೆಚ್ಚು ಸಿಕ್ಸರ್ ಬಾರಿಸಿದ ಟಾಪ್-5 ಬ್ಯಾಟರ್ಗಳು
| ಆಟಗಾರ | ಸಿಕ್ಸರ್ |
| ಬೆನ್ ಸ್ಟೋಕ್ಸ್ | 128* |
| ಬ್ರೆಂಡನ್ ಮೆಕಲಮ್ | 107 |
| ಆ್ಯಡಂ ಗಿಲ್ಕ್ರಿಸ್ಟ್ | 100 |
| ಕ್ರಿಸ್ ಗೇಲ್ | 98 |
| ಜಾಕ್‌ ಕ್ಯಾಲಿಸ್‌ | 97 |