ಮುಂಬಯಿ: ಆಲ್‌ರೌಂಡರ್‌ ಹಾರ್ದಿಕ್‌ ಪಾಂಡ್ಯ ಅವರನ್ನು ಮುಂಬೈ ಇಂಡಿಯನ್ಸ್(Mumbai Indians) ತಂಡ ಟ್ರೇಡಿಂಗ್ ಮೂಲಕ ಖರೀದಿಸಿ ತಂಡದ ನಾಯಕನನ್ನಾಗಿ ನೇಮಿಸಿದಾಗಿನಿಂದ ರೋಹಿತ್ ಶರ್ಮ(Rohit Sharma) ಅವರು ಮುಂಬೈ ತಂಡ ತೊರೆಯಲಿದ್ದಾರೆ ಎನ್ನುವ ಮಾತುಗಳು ಕೇಳಿ ಬಂದಿತ್ತು. ರೋಹಿತ್ ತಂಡ ತೊರೆಯದೆ ಈ ಬಾರಿಯೂ ಮುಂಬೈ ಪರವೇ ಕಣಕ್ಕಿಳಿಯುತ್ತಿದ್ದಾರೆ. ಆದರೆ, ಮುಂದಿನ ಆವೃತ್ತಿಯಲ್ಲಿ(IPL 2025) ಅವರು ಮುಂಬೈ ತೊರೆದು ಚೆನ್ನೈ ಸೂಪರ್ ಕಿಂಗ್ಸ್ ಸೇರುವು ಸಾಧ್ಯತೆ ಅಧಿಕವಾಗಿದೆ. ಈ ಸುಳಿವನ್ನು ಚೆನ್ನೈ(Chennai Super Kings) ತಂಡದ ಮಾಜಿ ಆಟಗಾರರೊಬ್ಬರು ಬಿಟ್ಟುಕೊಟ್ಟಿದ್ದಾರೆ.
ಹೌದು, ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಮಾಜಿ ಆಟಗಾರ, ಮುಂಬೈ ಇಂಡಿಯನ್ಸ್ ಪರವೂ ಆಡಿರುವ ಅಂಬಾಟಿ ರಾಯುಡು(Ambati Rayudu) ಅವರು ರೋಹಿತ್ ಶರ್ಮ ಮುಂದಿನ ಆವೃತ್ತಿಯಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡವನ್ನು ಮುನ್ನಡೆಸಬೇಕು ಎಂದು ಹೇಳಿದ್ದಾರೆ. ಅವರ ಈ ಹೇಳಿಕೆಯನ್ನು ಗಮನಿಸುವಾಗ ರೋಹಿತ್ ಅವರು ಚೆನ್ನೈ ಸೇರುವುದು ಬಹುತೇಕ ಖಚಿತ ಎನ್ನುವಂತಿದೆ.
Rayudu said "I want Rohit Sharma to play for CSK in 2025, if MS retires then Rohit can lead as well". [News 24 Sports] pic.twitter.com/7ZpaaSUdyF
— Johns. (@CricCrazyJohns) March 11, 2024
“ಭವಿಷ್ಯದಲ್ಲಿ ರೋಹಿತ್ ಅವರು ಚೆನ್ನೈ ಸೂಪರ್ ಕಿಂಗ್ಸ್ ಪರ ಆಡುವುದನ್ನು ನೋಡಲು ಬಯಸುತ್ತೇನೆ. ಅವರು ಮುಂಬೈ ಇಂಡಿಯನ್ಸ್‌ಗಾಗಿ ಇಷ್ಟು ದಿನ ಆಡಿದ್ದಾರೆ. ಮುಂದಿನ ಆವೃತ್ತಿಯಿಂದ ಸಿಎಸ್ಕೆಗಾಗಿ ಆಡಿದರೆ ಮತ್ತು ಅಲ್ಲಿಯೂ ಅವರ ನಾಯಕತ್ವದಲ್ಲಿ ತಂಡ ಗೆದ್ದರೆ ಒಳ್ಳೆಯದು. ಚೆನ್ನೈ ಪರ ಆಡಬೇಕೆ ಅಥವಾ ಆಡಬಾರದೇ ಎಂಬುವುದು ರೋಹಿತ್ಗೆ ಬಿಟ್ಟ ನಿರ್ಧಾರ. ಅವರು ಆಡಬೇಕು ಎನ್ನುವುದು ನನ್ನ ಸಲಹೆ” ಎಂದು ರಾಯುಡು ಹೇಳಿದರು.
ಮುಂದಿನ ವರ್ಷ ಆಟಗಾರರ ಮೆಗಾ ಹರಾಜು ಕೂಡ ನಡೆಯಲಿದೆ. ಜತೆಗೆ ಧೋನಿ ಕೂಡ ಈ ಬಾರಿ ಕೊನೆಯ ಐಪಿಎಲ್ ಆಡುತ್ತಿದ್ದಾರೆ. ಹೀಗಾಗಿ ಧೋನಿ ಬಳಿಕ ಚೆನ್ನೈ ತಂಡಕ್ಕೆ ಸೂಕ್ತ ಸಾರಥಿಯೊಬ್ಬರ ಅವಶ್ಯವಿದೆ. ರಾಯುಡು ಹೇಳಿದಂತೆ ರೋಹಿತ್ ಚೆನ್ನೈ ಸೇರಿದರೂ ಅಚ್ಚರಿಯಿಲ್ಲ.
ಇದನ್ನೂ ಓದಿ IPL 2025: ಮುಂದಿನ ಐಪಿಎಲ್ಗೂ ಮುನ್ನ ಮೆಗಾ ಹರಾಜು; ತಂಡವೊಂದಕ್ಕೆ ಎಷ್ಟು ಆಟಗಾರರ ರಿಟೇನ್ ಸಾಧ್ಯ?
Ambati Rayudu said "Rohit Sharma can play IPL for the next 5-6 years, if Rohit wants to captain, whole world is open for him, he can easily captain wherever he wants". [News 24 Sports] pic.twitter.com/QmnTZYGbB7
— Johns. (@CricCrazyJohns) March 11, 2024
“ಮುಂಬೈ ತಂಡ ಎಂದಿಗೂ ಅಸಾಧಾರಣ ನಾಯಕತ್ವ ಕಂಡ ತಂಡ. ಸಚಿನ್‌ ತೆಂಡೂಲ್ಕರ್ ಅವರಿಂದ ಹರ್ಭಜನ್‌ ತನಕ, ಪಾಂಟಿಂಗ್‌ ಅವರಿಂದ ರೋಹಿತ್ ತನಕ ಉತ್ತಮ ನಾಯಕರನ್ನು ಕಂಡಿದೆ. ಇವರಲ್ಲಿ ರೋಹಿತ್ ಅವರದು ಅತ್ಯಂತ ದೊಡ್ಡ ಕೊಡುಗೆ ಇದೆ. 5 ಬಾರಿ ತಂಡವನ್ನು ಚಾಂಪಿಯನ್ ಮಾಡಿದ್ದಾರೆ. ಫ್ರಾಂಚೈಸಿ ಎಂದಿಗೂ ರೋಹಿತ್ಗೆ ಕೃತಜ್ಞವಾಗಿದೆ” ಎಂದು ಮುಂಬೈ ಇಂಡಿಯನ್ಸ್ ತನ್ನ ವೆಬ್‌ಸೈಟ್‌ನಲ್ಲಿ ಬರೆದು ರೋಹಿತ್ ಅವರನ್ನು ನಾಯಕ್ವದಿಂದ ಕೆಳಗಿಳಿಸಿದ ನಿರ್ಧಾರವನ್ನು ಪ್ರಕಟಿಸಿತ್ತು.
ಈ ಬಾರಿಯ ಐಪಿಎಲ್ ಟೂರ್ನಿ ಇದೇ ಮಾರ್ಚ್ 22 ರಿಂದ ಆರಂಭಗೊಳ್ಳಲಿದೆ. ಲೋಕಸಭಾ ಚುನಾವಣೆಯ ಹಿನ್ನಲೆ 2 ಹಂತದಲ್ಲಿ ಪಂದ್ಯವಾಳಿಗಳು ನಡೆಯಲಿದೆ. ಉದ್ಘಾಟನ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮುಖಾಮುಖಿಯಾಗಲಿದೆ. ಈ ಪಂದ್ಯಕ್ಕೆ ಎಂ.ಎಂ ಚಿದಂಬರಂ ಸ್ಟೇಡಿಯಂ ಅಣಿಯಾಗಿದೆ.