ಮುಂಬಯಿ: ಆಸ್ಟ್ರೇಲಿಯಾ(IND VS AUS) ವಿರುದ್ಧ ನಾಗ್ಪುರದಲ್ಲಿ ಸಾಗುತ್ತಿರುವ ಮೊದಲ ಟೆಸ್ಟ್ ಪಂದ್ಯದಲ್ಲಿ ಭಾರತ ತಂಡ ಉತ್ತಮ ಪ್ರದರ್ಶನ ತೋರುವ ಮೂಲಕ ಗೆಲುವಿನತ್ತ ಮುಖಮಾಡಿದೆ. ಟೀಮ್ ಇಂಡಿಯಾದ ಆಟಗಾರರ ಈ ಪ್ರದರ್ಶನ ಕಂಡ ಮಾಜಿ ಕ್ರಿಕೆಟ್ ದಿಗ್ಗಜ ಸಚಿನ್ ತೆಂಡೂಲ್ಕರ್(Sachin Tendulkar) ಟ್ವೀಟ್ ಒಂದನ್ನು ಮಾಡಿದ್ದಾರೆ. ಈ ಟ್ವೀಟ್ ಇದೀಗ ವೈರಲ್ ಆಗಿದೆ.
ಮೊದಲ ಇನಿಂಗ್ಸ್ನಲ್ಲಿ ಉತ್ತಮ ಪದರ್ಶನ ತೋರಿದ ರವೀಂದ್ರ ಜಡೇಜಾ, ರೋಹಿತ್ ಶರ್ಮಾ ಮತ್ತು ರವಿಚಂದ್ರನ್ ಅಶ್ವಿನ್ ಅವರನ್ನು ಸಚಿನ್ ಅವರು ರಾಜಮೌಳಿ ನಿರ್ದೇಶನದ ಆರ್ಆರ್ಆರ್ ಸಿನೆಮಾದ ಹೆಸರಿನಿಂದ ಶ್ಲಾಘಿಸಿದ್ದಾರೆ. ಸಚಿನ್ ಅವರು ಈ ರೀತಿ ಹೆಸರಿಸಲು ಕಾರಣವೆಂದರೆ ಮೂರು ಆಟಗಾರ ಹೆಸರಿನ ಮೊದಲ ಹೆಸರು ಆರ್ನಿಂದ ಪ್ರಾರಂಭವಾಗುತ್ತದೆ ಇದೇ ಕಾರಣಕ್ಕೆ ಸಚಿನ್ ತ್ರಿಮೂರ್ತಿಗಳ ಪ್ರದರ್ಶನಕ್ಕೆ ಈ ಟೈಟಲ್ ನೀಡಿದ್ದಾರೆ.
ಇದನ್ನೂ ಓದಿ IND VS AUS: ಅಕ್ಷರ್,ಶಮಿ ಮಿಂಚಿನ ಬ್ಯಾಟಿಂಗ್; 400 ರನ್ಗಳಿಗೆ ಮೊದಲ ಇನಿಂಗ್ಸ್ ಮುಗಿಸಿದ ಭಾರತ
ರವೀಂದ್ರ ಜಡೇಜಾ ಬೌಲಿಂಗ್ ಮತ್ತು ಬ್ಯಾಟಿಂಗ್ನಲ್ಲಿಯೂ ಉತ್ತಮ ಪ್ರದರ್ಶನ ತೋರುವ ಮೂಲಕ ತಂಡಕ್ಕೆ ಆಸರೆಯಾದರು. 5 ವಿಕೆಟ್ ಕಬಳಿಸುವ ಜತೆಗೆ ಬ್ಯಾಟಿಂಗ್ನಲ್ಲಿ 70 ರನ್ ಬಾರಿಸಿದರು. ನಾಯಕ ರೋಹಿತ್ ಶರ್ಮಾ 120 ಮತ್ತು ಅಕ್ಷರ್ ಪಟೇಲ್ 84 ರನ್ ಪೇರಿಸಿ ಮಿಂಚಿದರು. ಸದ್ಯ ಇನಿಂಗ್ಸ್ ದ್ವಿತೀಯ ಇನಿಂಗ್ಸ್ನಲ್ಲಿ ಬ್ಯಾಟಿಂಗ್ ನಡೆಸುತ್ತಿರುವ ಆಸ್ಟ್ರೇಲಿಯಾ 3 ವಿಕೆಟ್ ಕಳೆದುಕೊಂಡು ಸೋಲಿನತ್ತ ಮುಖಮಾಡಿದೆ.