Mohammed Siraj: ಬಿಸಿಸಿಐನ ವಿಶೇಷ ಅವಾರ್ಡ್ ಪಡೆದ ಮೊಹಮ್ಮದ್ ಸಿರಾಜ್; ಏನದು?

Abhilash B C

11 ತಿಂಗಳುಗಳು ago

ಜೊಹಾನ್ಸ್ಬರ್ಗ್: ಈ ಬಾರಿಯ ಏಕದಿನ ವಿಶ್ವಕಪ್(ODI World Cup) ಟೂರ್ನಿಯಲ್ಲಿ ಬಿಸಿಸಿಐ ನೂತನ ಪ್ರಯೋಗವೊಂದನ್ನು ಜಾರಿಗೆ ತರುವ ಮೂಲಕ ಎಲ್ಲೆಡೆ ಗಮನಸೆಳೆದಿತ್ತು. ಪಂದ್ಯದಲ್ಲಿ ಅತ್ಯತ್ತಮ ಫಿಲ್ಡಿಂಗ್ ನಡೆಸಿದ ಆಟಗಾರನಿಗೆ ಪಂದ್ಯ ಮುಕ್ತಾಯದ ಬಳಿಕ ಚಿನ್ನದ ಪದಕ ನೀಡಿ ಗೌರವಿಸಲಾಗುತ್ತಿತ್ತು. ಈ ಮೂಲಕ ಆಟಗಾರರನ್ನು ಉತ್ತೇಜಿಸುವ ಕಾರ್ಯವನ್ನು ಟೀಮ್ ಮ್ಯಾನೇಜ್ಮೆಂಟ್ ಮಾಡಿತ್ತು. ವಿಶ್ವಕಪ್ ಟೂರ್ನಿ ಮುಗಿದರೂ ಈ ಅವಾರ್ಡ್ ನೀಡುವ ಪದ್ಧತಿ ಮತ್ತೆ ಮುಂದುವರಿದೆ. ಆದರೆ ಇದರಲ್ಲಿ ಸಣ್ಣದೊಂದು ಬದಲಾವಣೆ ಮಾಡಲಾಗಿದೆ.

ವಿಶ್ವಕಪ್ನಲ್ಲಿ ಪ್ರತಿ ಪಂದ್ಯದಲ್ಲಿ ಉತ್ತಮ ಫೀಲ್ಡಿಂಗ್ ಮಾಡಿದಾಗ ಪ್ರಶಸ್ತಿ ನೀಡಲಾಗುತ್ತಿತ್ತು. ಆದರೆ ಈಗ ಇದನ್ನು ಸರಣಿ ಮುಕ್ತಾಯದ ಬಳಿಕ ಎಲ್ಲ ಪಂದ್ಯಗಳ ಪ್ರದರ್ಶನವನ್ನು ಪರಿಗಣಿಸಿ ಸರಣಿಯ “ಇಂಪ್ಯಾಕ್ಟ್ ಫೀಲ್ಡರ್”(Impact fielder) ಎಂದು ಪ್ರಶಸ್ತಿ ನೀಡಲಾಗುತ್ತದೆ. ಮೊಹಮ್ಮದ್ ಸಿರಾಜ್(Mohammed Siraj) ಅವರು ಈ ಪ್ರಶಸ್ತಿಗೆ ಭಾಜನರಾದ ಮೊದಲ ಆಟಗಾರನಾಗಿದ್ದಾರೆ.

The much loved Fielding Medal 🥇 ceremony is 🔙 in a new avatar 👌

Introducing – The 'Impact Fielder of the T20I Series' 🙌 💪#TeamIndia | #SAvIND
— BCCI (@BCCI) December 15, 2023

ದಕ್ಷಿಣ ಆಫ್ರಿಕಾ ವಿರುದ್ಧ ಗುರುವಾರ ನಡೆದಿದ್ದ ಅಂತಿಮ ಟಿ20 ಪಂದ್ಯದಲ್ಲಿ ವೇಗಿ ಮೊಹಮ್ಮದ್ ಸಿರಾಜ್ ಅವರಿಗೆ ಸರಣಿಯ ಇಂಪ್ಯಾಕ್ಟ್ ಫೀಲ್ಡರ್ ಪ್ರಶಸ್ತಿ ನೀಡಿ ಗೌರವಿಸಲಾಯಿತು. ತಂಡದ ಫೀಲ್ಡಿಂಗ್ ಕೋಚ್ ಟಿ.ದಿಲೀಪ್ ಅವರು ಈ ಪ್ರಶಸ್ತಿ ಘೋಷಣೆ ಮಾಡಿದರು. ಸಿರಾಜ್ ಅವರು ಪ್ರಶಸ್ತಿ ಪಡೆದ ಫೋಟೊವನ್ನು ಬಿಸಿಸಿಐ ತನ್ನ ಅಧಿಕೃತ ಎಕ್ಸ್ ಖಾತೆಯಲ್ಲಿ ಹಂಚಿಕೊಂಡಿದೆ.

ಇದನ್ನೂ ಓದಿ MS Dhoni Jersey: ಧೋನಿ 7ನೇ ಸಂಖ್ಯೆ ಜೆರ್ಸಿಗೆ ವಿದಾಯ!

ಈ ಬಾರಿಯ ವಿಶ್ವಕಪ್ ಜರ್ನಿಯಲ್ಲಿ ವಿರಾಟ್ ಕೊಹ್ಲಿ, ಕೆಎಲ್ ರಾಹುಲ್,ಶಾರ್ದೂಲ್ ಠಾಕೂರ್, ಶ್ರೇಯಸ್ ಅಯ್ಯರ್, ರೋಹಿತ್ ಶರ್ಮಾ, ರವೀಂದ್ರ ಜಡೇಜಾ ಮತ್ತು ಸೂರ್ಯಕುಮಾರ್ ಯಾದವ್ ಉತ್ತಮ ಫೀಲ್ಡರ್ ಪ್ರಶಸ್ತಿ ಗೆದ್ದ ಸಾಧಕರಾಗಿದ್ದರು.

Joint winners of the T20I series.

🇮🇳 🤝 🇿🇦 #SAvIND pic.twitter.com/8Zg0aEhKoL
— BCCI (@BCCI) December 14, 2023

ದಾಖಲೆಯ ಮೊತ್ತದಿಂದ ಗೆದ್ದ ಭಾರತ

ದಿ ವಾಂಡರರ್ಸ್ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ನಡೆದ ಗುರುವಾರದ ಈ ಪಂದ್ಯದಲ್ಲಿ ಟಾಸ್ ಗೆದ್ದು ಸೋತು ಮೊದಲು ಬ್ಯಾಟ್ ಮಾಡಿದ ಭಾರತ ತಂಡ ನಿಗದಿತ 20 ಓವರ್ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ 201 ರನ್ ಬಾರಿಸಿತು. ಪ್ರತಿಯಾಗಿ ಬ್ಯಾಟ್ ಮಾಡಿದ ದಕ್ಷಿಣ ಆಫ್ರಿಕಾ ತಂಡ 13.5 ಓವರ್ಗಳಲ್ಲಿ 95 ರನ್ಗಳಿಗೆ ಆಲ್ಔಟ್ ಆಯಿತು. ಭಾರತದ ಬೌಲರ್ಗಳ ಮುಂದೆ ತಣ್ಣಗಾದ ದಕ್ಷಿಣ ಆಫ್ರಿಕಾ ತಂಡದ ಬ್ಯಾಟರ್ಗಳು ಸತತವಾಗಿ ವಿಕೆಟ್ ಒಪ್ಪಿಸಿದರು. ನಾಯಕ ಏಡೆನ್ ಮಾರ್ಕ್ರಮ್ 14 ಎಸೆತಕ್ಕೆ 25 ರನ್ ಬಾರಿಸಿದರೆ, ಡೇವಿಡ್ ಮಿಲ್ಲರ್ 25 ಎಸೆತಕ್ಕೆ 35 ರನ್ ಬಾರಿಸಿದ್ದು ಹರಿಣಗಳ ಪಡೆಯ ಪಾಲಿಗೆ ಗರಿಷ್ಠ ರನ್ ಎನಿಸಿಕೊಂಡಿತು. ಡೆನ್ವೊನ್ ಪೆರೆರಾ 12 ರನ್ ಬಾರಿಸಿದರೆ ಉಳಿದವರೆಲ್ಲರೂ ಒಂದಂಕಿ ಮೊತ್ತಕ್ಕೆ ಸೀಮಿತಗೊಂಡರು.