ಮುಂಬಯಿ: ಟೀಮ್ ಇಂಡಿಯಾದ ಸ್ಟಾರ್ ವೇಗಿ ಜಸ್ಪ್ರೀತ್ ಬುಮ್ರಾ(Jasprit Bumrah) ಅವರಿಗೆ ಇಂದು(ಡಿಸೆಂಬರ್ 6) ಜನ್ಮ ದಿನದ ಸಂಭ್ರಮ. ಭೂಮ್ ಭೂಮ್ ಬುಮ್ರಾ ಎಂದೇ ಖ್ಯಾತಿ ಗಳಿಸಿರುವ ಮಾರಕ ವೇಗಿ ಜಸ್ಪ್ರೀತ್ ಬುಮ್ರಾ ಹುಟ್ಟಿದ್ದು ಡಿಸೆಂಬರ್ 6 1993ರಲ್ಲಿ. 30ನೇ ವಸಂತಕ್ಕೆ ಕಾಲಿಟ್ಟ ಅವರಿಗೆ ಪತ್ನಿ ಸಂಜನಾ ಗಣೇಶನ್(Sanjana Ganesan) ವಿಶೇಷ ರೀತಿಯಲ್ಲಿ ಶುಭ ಕೋರಿದ್ದಾರೆ. ಅಲ್ಲದೆ ಬುಮ್ರಾ ಜತೆಗೆ ಕಳೆದ ಮಧರು ಕ್ಷಣಗಳ ವಿಶೇಷ ಫೋಟೊಗಳನ್ನು ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.
ಬೇಬಿ ಬಂಪ್ ಫೋಟೋನ್ನು ಹಂಚಿಕೊಂಡು “ಸುಂಟರಗಾಳಿ ಪ್ರಣಯ: ಸ್ನೇಹದಿಂದ ಪ್ರೀತಿಗೆ” ಎಂದು ಬರೆದುಕೊಂಡಿದ್ದಾರೆ. ಇನ್ನೊಂದು ಫೋಟೊದಲ್ಲಿ ಬುಮ್ರಾ ಅವರು ಮಗನನ್ನು ಮುದ್ದಾಡುತ್ತಿರುವುದು ಕಾಣಬಹುದು. ಇದಕ್ಕೆ “ಲವ್ ಟೇಕ್ಸ್ ಇಟ್ಸ್ ಟೈಮ್: ಎರಡು ವರ್ಷಗಳ ಡೇಟಿಂಗ್” ಎಂದು ಶೀರ್ಷಿಕೆ ನೀಡಿದ್ದಾರೆ.
ಮೂರನೇ ಫೋಟೊದಲ್ಲಿ ಬುಮ್ರಾ ಅವರೊಂದಿಗೆ ಮನೆಯಲ್ಲಿ ಕಳೆದ ಸಂಭ್ರಮದ ಕ್ಷಣವನ್ನು ಕಾಣಬಹುದು ಈ ಫೋಟೊಗೆ “ದಿ ಸೀಕ್ರೆಟಿವ್ ಕಪಲ್ ಮದುವೆಯಾದ ಬಳಿಕ” ಎಂದು ಶೀರ್ಷಿಕೆ ನೀಡಿದ್ದಾರೆ. ಮತ್ತೊಂದು ಫೋಟೊದಲ್ಲಿ ಪ್ರವಾಸದ ವೇಳೆ ಕಳೆದ ನೆನಪನ್ನು ಮೆಲುಕು ಹಾಕುತ್ತಿರುವುದನ್ನು ತೋರಿಸುತ್ತದೆ. ಇದಕ್ಕೆ “ಒಂದು ಅವಕಾಶ ಸಭೆ: IPL 2013 ಸಂದರ್ಶನ” ಎಂದು ಬರೆದುಕೊಂಡಿದ್ದಾರೆ.
ಅಂತಿಮ ಎರಡು ಫೋಟೊಗಳಲ್ಲಿ ಒಂದರಲ್ಲಿ ಬುಮ್ರಾ ಅವರು ಅಭ್ಯಾಸ ಮಾಡುವಾಗ ಅವರನ್ನು ಹೊಗಳಿದ ಮತ್ತು ನಂತರದ ಫೋಟೊದಲ್ಲಿ ಬೀಚ್ ಪಕ್ಕ ಪತಿಯೊಂದಿಗೆ ರೊಮ್ಯಾನ್ಸ್ ಮಾಡುವ ಫೋಟೊವನ್ನು ಕಾಣಬಹುದು. ಅಭ್ಯಾಸದ ಫೊಟೊಗೆ “ಬಿಯಾಂಡ್ ದಿ ಸ್ಪಾಟ್ಲೈಟ್” ಎಂದು ಬೀಚ್ನಲ್ಲಿರುವ ಫೋಟೊಗೆ “ಡಬಲ್ ಲೈಫ್: ಮಾಡೆಲ್ ಕಮ್ ಪ್ರೆಸೆಂಟರ್ ಎಕ್ಸ್‌ಟ್ರಾ ಆರ್ಡಿನೇರ್” ಎಂದು ಶೀರ್ಷಿಕೆ ನೀಡಿದ್ದಾರೆ.
ಇದನ್ನೂ ಓದಿ Neeraj Chopra: ಬುಮ್ರಾಗೆ ಬೌಲಿಂಗ್ ಟಿಪ್ಸ್ ಕೊಟ್ಟ ಚಿನ್ನದ ಹುಡುಗ ನೀರಜ್ ಚೋಪ್ರಾ
ಕ್ರೀಡಾ ನಿರೂಪಕಿ ಸಂಜನಾ ಗಣೇಶನ್ ಮತ್ತು ಬುಮ್ರಾ ಅವರು 2021 ಮಾರ್ಚ್ 15ರಂದು ಗೋವಾದಲ್ಲಿ ಮದುವೆಯಾಗಿದ್ದರು. ಮಹಾರಾಷ್ಟ್ರದವರಾದ ಸಂಜನಾ 2014ರ ಮಿಸ್ ಇಂಡಿಯಾ ಸ್ಪರ್ಧೆಯ ಫೈನಲ್ ತಲುಪಿದ್ದರು.
ತೀವ್ರ ಸ್ವರೂಪದ ಬೆನ್ನು ನೋವಿನ ಗಾಯಕ್ಕೆ ಶಸ್ತ್ರಚಿಕಿತ್ಸೆ ಮಾಡಿಸಿ 11 ತಿಂಗಳ ಬಳಿಕ ಬುಮ್ರಾ ಅವರು ಐರ್ಲೆಂಡ್ ವಿರುದ್ಧದ ಟಿ20 ಸರಣಿಯಲ್ಲಿ ಆಡುವ ಮೂಲಕ ಭಾರತ ತಂಡಕ್ಕೆ ಕಮ್ಬ್ಯಾಕ್ ಮಾಡಿದ್ದರು. ಬುಮ್ರಾ ಅವರು ವರ್ಷಾರಂಭದಲ್ಲಿ ನ್ಯೂಜಿಲ್ಯಾಂಡ್ನ ಕ್ರೈಸ್ಟ್‌ಚರ್ಚ್‌ನಲ್ಲಿ ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದರು. ಕಳೆದ ವರ್ಷ ಸೆಪ್ಟೆಂಬರ್‌ನಲ್ಲಿ ಆಸ್ಟ್ರೇಲಿಯದ ಭಾರತ ಪ್ರವಾಸದಲ್ಲಿ ಬುಮ್ರಾ ಎರಡು ಟಿ20 ಪಂದ್ಯಗಳನ್ನು ಆಡಿದ ನಂತರ ಟೀಮ್ ಇಂಡಿಯಾದಿಂದ ಹೊರಗುಳಿದಿದ್ದರು. ಏಷ್ಯಾ ಕಪ್, ಟಿ20 ವಿಶ್ವಕಪ್ ಐಪಿಎಲ್ ಸೇರಿ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ ಕೂಡ ಆಡಲು ಸಾಧ್ಯವಾಗಿರಲಿಲ್ಲ. ವಿಶ್ವಕಪ್ನಲ್ಲಿ ಶ್ರೇಷ್ಠ ಬೌಲಿಂಗ್ ಪ್ರದರ್ಶನ ತೋರಿದ್ದರು.