ಪುಣೆ: ಟೀಮ್ ಇಂಡಿಯಾದ ಸ್ಟಾರ್ ಬ್ಯಾಟರ್ ಶುಭಮನ್ ಗಿಲ್ (Shubhman Gill) ಫಾರ್ಮ್ ಕಂಡುಕೊಂಡಿದ್ದಾರೆ. ಡೆಂಗ್ಯೂ ಜ್ವರದಿಂದ ಬಳಲಿದ ಕಾರಣ ವಿಶ್ವ ಕಪ್ನ ಮೊದಲೆರಡು ಪಂದ್ಯಗಳನ್ನು ನಷ್ಟ ಮಾಡಿಕೊಂಡಿದ್ದ ಗಿಲ್ ಬಳಿಕ ಚೇತರಿಸಿಕೊಂಡು ಪಾಕಿಸ್ತಾನ ವಿರುದ್ಧ ಆಡಿದ್ದರು. ಆದರೆ, ಅವರು ಆ ಪಂದ್ಯದಲ್ಲಿ ಮಿಂಚಲು ವಿಫಲಗೊಂಡಿದ್ದರು. ಆದರೆ, ಬಾಂಗ್ಲಾದೇಶ ವಿರುದ್ಧದ ಪಂದ್ಯದಲ್ಲಿ 53 ರನ್ ಬಾರಿಸಿ ವಿಶ್ವಾಸ ಮೂಡಿಸಿದ್ದಾರೆ. ಈ ಮೂಲಕ ಅವರು ಹಾಲಿ ವಿಶ್ವ ಕಪ್ನಲ್ಲಿ ಮೊದಲ ಅರ್ಧ ಶತಕ ಬಾರಿಸಿದ್ದಾರೆ. ಇದು ಅವರಿಗೆ ಖುಷಿಯ ಸಂಗತಿ ಎನಿಸಿದ್ದರೂ ಅವರಿಗೆ ಖುಷಿ ಕೊಡುವಂಥ ಸಂಗತಿ ಏನೆಂದರೆ ಅವರಿಗೆ ಚಿಯರ್ಸ್ ಹೇಳಲು ಅವರ ಪ್ರೆಯಸಿ ಎನ್ನಲಾದ ಸಾರಾ ತೆಂಡೂಲ್ಕರ್ ಅವರು ಬಂದಿದ್ದಾರೆ. ಈ ಮೂಲಕ ಗಿಲ್ ದಿನದಾಟದಲ್ಲಿ ನೆಟ್ಟಿಗರ ಹೈಲೈಟ್ ಆಗಿದ್ದರು.
Sara tendulkar celebrating six of Shubman gill at Pune#shubmanGill #SaraTendulkar @saratendulkerr @ShubmanGang pic.twitter.com/vrFAVf4Kd4
— Rushikesh (@rushi96kj) October 19, 2023
ಪಂದ್ಯದಲ್ಲಿ ಅರ್ಧ ಶತಕ ಬಾರಿಸುವ ಮೊದಲು ಗಿಲ್ ಸ್ಟ್ರೈಟ್ ಸಿಕ್ಸರ್ ಒಂದನ್ನು ಬಾರಿಸಿದ್ದರು. ಈ ವೇಳೆ ಪ್ರೇಕ್ಷಕರ ಸ್ಟ್ಯಾಂಡ್ನಲ್ಲಿ ಕುಳಿತಿದ್ದ ಸಾರಾ ತೆಂಡೂಲ್ಕರ್ ಚಪ್ಪಾಳೆ ತಟ್ಟಿ ಸಂಭ್ರಮಸಿದ್ದಾರೆ. ಈ ವಿಡಿಯೊವನ್ನು ನೆಟ್ಟಿಗರು ಸೋಶಿಯಲ್ ಮೀಡಿಯಾಗಳಲ್ಲಿ ಹಂಚಿಕೊಂಡು ಸಾರಾ ಬಂದಿರುವ ವಿಚಾರವನ್ನು ಜಗತ್ತಿಗೆಲ್ಲ ಮುಟ್ಟಿಸಿದ್ದಾರೆ.
ಭಾರತಕ್ಕೆ ಸಾಧಾರಣ ಗೆಲುವಿನ ಗುರಿ
ಸಂಘಟಿತ ಬೌಲಿಂಗ್ ದಾಳಿ ನಡೆಸಿದ ಭಾರತ ತಂಡ ವಿಶ್ವ ಕಪ್ನಲ್ಲಿ ತನ್ನ ನಾಲ್ಕನೇ ಪಂದ್ಯದಲ್ಲಿ ಬಾಂಗ್ಲಾದೇಶ (Ind vs Ban) ತಂಡವನ್ನು 256 ರನ್ಗಳಿಗೆ ನಿಯಂತ್ರಿಸಿದೆ. ಈ ಮೂಲಕ ರೋಹಿತ್ ಶರ್ಮಾ ಬಳಗಕ್ಕೆ 257 ರನ್ಗಳ ಗೆಲುವಿನ ಗುರಿ ಎದುರಾಗಿದೆ. ಆರಂಭದಲ್ಲಿ ಬಾಂಗ್ಲಾದೇಶ ತಂಡದ ಬ್ಯಾಟರ್ಗಳು ಮೇಲುಗೈ ಸಾಧಿಸಿದರೆ, ಬಳಿಕ ಭಾರತದ ಬೌಲರ್ಗಳು ರನ್ವೇಗಕ್ಕೆ ಕಡಿವಾಣ ಹಾಕಿದರು.
ಇಲ್ಲಿನ ಎಂಸಿಎ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ನಡೆದ ಹಣಾಹಣಿಯಲ್ಲಿ ಟಾಸ್ ಗೆದ್ದ ಬಾಂಗ್ಲಾದೇಶ ತಂಡ ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿತು. ಅಂತೆಯೇ ಅವಕಾಶ ಸಿಕ್ಕಾಗ ರನ್ ಗಳಿಸುತ್ತಾ ನಿಗದಿತ 50 ಓವರ್ಗಳಲ್ಲಿ 8 ವಿಕೆಟ್ ನಷ್ಟ ಮಾಡಿಕೊಂಡು 256 ರನ್ ಬಾರಿಸಿತು.
ಈ ಸುದ್ದಿಗಳನ್ನು ಓದಿ :
IND vs BAN: ಹಾರ್ದಿಕ್ ಪಾಂಡ್ಯಗೆ ಗಾಯ; ಟೀಮ್ ಇಂಡಿಯಾಕ್ಕೆ ಆತಂಕ
Ravindra Jadeja : ಸ್ಟನ್ನಿಂಗ್ ಕ್ಯಾಚ್ ಹಿಡಿದು ವಿಶೇಷ ರೀತಿಯಲ್ಲಿ ಸಂಭ್ರಮಿಸಿದ ರವೀಂದ್ರ ಜಡೇಜಾ
ಬಾಂಗ್ಲಾದೇಶ ತಂಡ ಉತ್ತಮ ಆರಂಭವನ್ನೇ ಪಡೆಯಿತು. 14.4 ಓವರ್ಗಳಲ್ಲಿ 93 ರನ್ ಬಾರಿಸುವ ಮೂಲಕ ದೊಡ್ಡ ಸ್ಕೋರ್ ಗಳಿಸುವ ಗುರಿಯನ್ನು ವ್ಯಕ್ತಪಡಿಸಿತು. ಆದರೆ, ಕುಲ್ದೀಪ್ ಯಾದವ್ ಅವರ ಅಮೋಘ ಕೈಚಳಕಕ್ಕೆ ಅರ್ಧ ಶತಕ ಬಾರಿಸಿದ್ದ ತಂಜಿದ್ ಹಸನ್ (51) ಎಲ್ಬಿಡಬ್ಲ್ಯು ಆಗಿ ಔಟಾದರು. ಮೊದಲ ವಿಕೆಟ್ ಕಳೆದುಕೊಂಡ ಬಾಂಗ್ಲಾ ತಂಡಕ್ಕೆ ತಕ್ಷಣವೇ ಚೇತರಿಸಿಕೊಳ್ಳುವುದಕ್ಕೆ ಸಾಧ್ಯವಾಗಲಿಲ್ಲ. ಬಳಿಕ ಬಂದ ಹಂಗಾಮಿ ನಾಯಕ ನಜ್ಮುಲ್ ಶಾಂಟೊ 8 ರನ್ಗೆ ಔಟಾದರು. ಅವರು ಜಡೇಜಾ ಬೌಲಿಂಗ್ನಲ್ಲಿ ಎಲ್ಬಿಡಬ್ಲ್ಯು ಆದರು. ಏತನ್ಮಧ್ಯೆ ರನ್ ಗಳಿಕೆಗೆ ವೇಗ ಕೊಟ್ಟ ಮತ್ತೊಬ್ಬ ಆರಂಭಿಕ ಆಟಗಾರ ಲಿಟನ್ ದಾಸ್ 66 ರನ್ಗಳಿಗೆ ಔಟಾದರು. ಜಡೇಜಾ ಎಸೆತಕ್ಕೆ ದೊಡ್ಡ ಹೊಡೆದ ಬಾರಿಸಲು ಮುಂದಾದ ಅವರು ಗಿಲ್ಗೆ ಕ್ಯಾಚ್ ನೀಡಿ ನಿರ್ಗಮಿಸಿದರು.
ಈ ಸುದ್ದಿಯನ್ನೂ ಓದಿ : KL Rahul : ಜಿಂಕೆಯಂತೆ ಚಂಗನೆ ನೆಗೆದು ಅದ್ಭುತ್ ಕ್ಯಾಚ್ ಹಿಡಿದ ಕೆ. ಎಲ್ ರಾಹುಲ್
ನಾಲ್ಕನೇ ಬ್ಯಾಟರ್ ಆಗಿ ಆಡಲು ಬಂದ ಮೆಹೆದಿ ಹಸನ್ ವೇಗಿ ಮೊಹಮ್ಮದ್ ಸಿರಾಜ್ಗೆ ವಿಕೆಟ್ ಒಪ್ಪಿಸಿದರು. ವಿಕೆಟ್ ಕೀಪರ್ ಕೆ. ಎಲ್ ರಾಹುಲ್ ಹಿಡಿದ ಅದ್ಭುತ ಕ್ಯಾಚ್ಗೆ ಅವರು ಬಲಿಯಾದರು. ಇದಾದ ಬಳಿಕ ಆಡಲು ಬಂದ ತೌಹಿದ್ ಹೃದೋಯ್ 16 ರನ್ ಬಾರಿಸಿ ಕ್ರೀಸ್ನಲ್ಲಿ ತಳವೂರುವ ಲಕ್ಷಣ ತೋರಿದರು. ಇವರಿಗೆ ವಿಕೆಟ್ಕೀಪರ್ ಮುಷ್ಫಿಕರ್ ರಹೀಮ್ (38) ಸಾಥ್ ಕೊಟ್ಟರು. ಹೃದೋಯ್ ಠಾಕೂರ್ಗೆ ವಿಕೆಟ್ ಒಪ್ಪಿಸಿದರೆ, ಬುಮ್ರಾ ಎಸೆತಕ್ಕೆ 38 ರನ್ ಬಾರಿಸಿ ಔಟಾದರು. ಜಡೇಜಾ ಹಿಡಿದ ಅದ್ಭುತ ಕ್ಯಾಚ್ಗೆ ಮುಷ್ಫಿಕರ್ ವಿಕೆಟ್ ಒಪ್ಪಿಸಿದರು.
ನಸುಮ್ ಅಹಮದ್ 14 ರನ್ ಬಾರಿಸಿ ಔಟಾದರು. ಮಹಮದುಲ್ಲಾ 46 ರನ್ ಬಾರಿಸಿ ಮಿಂಚಿದರು.
ಭಾರತ ತಂಡದ ಪರ ಬೌಲಿಂಗ್ನಲ್ಲಿ ಬುಮ್ರಾ 2 ವಿಕೆಟ್ ಉರುಳಿಸಿದರೆ, ಸಿರಾಜ್ 2 ವಿಕೆಟ್ ತಮ್ಮದಾಗಿಸಿಕೊಂಡರು. ರವೀಂದ್ರ ಜಡೇಜಾ ಪ್ರಮುಖ ಎರಡು ವಿಕೆಟ್ಗಳನ್ನು ಉರುಳಿಸಿದರೆ, ಶಾರ್ದೂಲ್ ಠಾಕೂರ್ ಹಾಗೂ ಕುಲ್ದೀಪ್ ಯಾದವ್ ತಲಾ 1 ವಿಕೆಟ್ ತಮ್ಮದಾಗಿಸಿಕೊಂಡರು.