ಲಾಹೋರ್: ಪಾಕಿಸ್ತಾನ ಟಿ20 ತಂಡದ ನಾಯಕನಾಗಿರುವ ಶಾಹೀನ್ ಶಾ ಅಫ್ರೀದಿ ಅವರು ಪಾಕ್ ಕ್ರಿಕೆಟ್ ಮಂಡಳಿಯ ವರ್ತನೆಯಿಂದ ಬೇಸತ್ತು ತಮ್ಮ ನಾಯಕತ್ವ ಸ್ಥಾನಕ್ಕೆ ಗುಡ್ ಬೈ ಹೇಳಲು ನಿರ್ಧರಿಸಿದ್ದಾರೆ ಎಂದು ತಿಳಿದುಬಂದಿದೆ.
ಶಾಹೀನ್ ಅಫ್ರೀದಿ ನಾಯಕನಾಗಿದದ್ದರೂ ಕೂಡ ಇದುವರೆಗೂ ಪಿಸಿಬಿ ನೂತನ ಅಧ್ಯಕ್ಷ ನಕ್ವಿ ಹಾಗೂ ರಾಷ್ಟ್ರೀಯ ಆಯ್ಕೆ ಸಮಿತಿ ಆಟಗಾರರ ಅಥವಾ ಕೋಚ್‌ಗಳ ಆಯ್ಕೆಗೆ ಸಂಬಂಧಿಸಿ ಒಮ್ಮೆಯೂ ಮಾತನಾಡದೇ ಇರುವುದು ಶಾಹೀನ್ ಬೇಸರಕ್ಕೆ ಕಾರಣವಾಗಿದೆ. ಕೇವಲ ಹೆಸರಿಗೆ ಮಾತ್ರ ಇರುವ ಈ ಸ್ಥಾನದಲ್ಲಿ ಅವರಿಗೆ ಮುಂದುವರಿಯಲು ಇಷ್ಟವಿಲ್ಲ. ಶೀಘ್ರದಲ್ಲೇ ತಮ್ಮ ಹುದ್ದೆಯನ್ನು ತ್ಯಜಿಸಲಿದ್ದಾರೆ ಎಂದು ಅಫ್ರೀದಿಗೆ ಆಪ್ತವಾದ ಮೂಲಗಳು ಮಾಹಿತಿ ನೀಡಿದೆ.
Sometimes the toughest moments lead to the greatest comebacks. Best of luck, @iShaheenAfridi! ❤️#PakistanCricket #ShaheenAfridipic.twitter.com/kZIPdy9R3Q
— 𝙎𝙝𝙚𝙧𝙞 (@CallMeSheri1) March 31, 2024
ಇನ್ನೊಂದು ಮೂಲಗಳ ಪ್ರಕಾರ ಬಾಬರ್ ಅಜಂ ಅವರನ್ನು ಮತ್ತೆ ಮೂರು ಮಾದರಿಯ ಕ್ರಿಕೆಟ್ಗೆ ನಾಯಕನಾಗಿ ಮಾಡಲು ಪಿಸಿಬಿ ಚಿಂತನೆ ನಡೆಸಿದೆ ಎಂಬ ಮಾತುಗಳು ಕೂಡ ಕೇಳಿಬಂದಿದೆ. ಜತೆಗೆ ಜೂನ್ನಲ್ಲಿ ನಡೆಯುವ ಟಿ20 ವಿಶ್ವಕಪ್, ಕೋಚ್‌ಗಳ ನೇಮಕ, ನಾಯಕತ್ವಕ್ಕೆ ಸಂಬಂಧಿಸಿ ಪಿಸಿಬಿ ಮುಖ್ಯಸ್ಥರು ಈಗಾಗಲೇ ಬಾಬರ್ ಜತೆ ಚರ್ಚಿಸಿದ್ದಾರೆ ಎನ್ನಲಾಗಿದೆ. ಇದರಿಂದ ಅಫ್ರಿದಿ ಬೇಸರಗೊಂಡಿದ್ದಾರೆ ಎಂದು ಮೂಲಗಳು ತಿಳಿಸಿದೆ.
‘ಪಾಕ್ ಕ್ರಿಕೆಟ್ ಮಂಡಳಿ ಸೃಷ್ಟಿಸಿರುವ ಈ ಎಲ್ಲ ಗೊಂದಲಗಳಿಂದ ಹೊರಬರಲು ಮತ್ತು ಹುದ್ದೆ ತ್ಯಜಿಸುವಂತೆ ನನ್ನ ಆಪ್ತರೇ ಸಲಹೆ ನೀಡುತ್ತಿದ್ದಾರೆ. ಈ ಬಗ್ಗೆ ಕೆಲವೇ ದಿನಗಳಲ್ಲಿ ನಾನು ಸ್ಪಷ್ಟ ನಿರ್ಧಾರ ಪ್ರಕಟಿಸಲಿದ್ದೇನೆ’ ಎಂದು ಅಫ್ರೀದಿ ಹೇಳಿರುವುದಾಗಿ ಅವರ ಆಪ್ತ ಮೂಲಗಳು ತಿಳಿಸಿದೆ.
ಇದನ್ನೂ ಒದಿ Shaheen Afridi: ಒಂದು ವಿಕೆಟ್ ಕಿತ್ತು ಹಲವು ದಾಖಲೆ ಬರೆದ ಶಾಹೀನ್ ಅಫ್ರಿದಿ
ಬಾಬರ್ ಮತ್ತು ಅಫ್ರೀದಿ ಮಧ್ಯೆ ಮೊದಲಿನಿಂದಲೂ ಕೂಡ ಮನಸ್ತಾಪವಿದೆ. ಕಳೆದ ವರ್ಷ ಭಾರತದಲ್ಲಿ ನಡೆದಿದ್ದ ಏಕದಿನ ವಿಶ್ವಕಪ್ನಲ್ಲಿ ಇದು ಜಗಜಾಹೀರವಾಗಿತ್ತು. ಡ್ರೆಸಿಂಗ್ ರೂಮ್ನಲ್ಲಿ ಇವರಿಬ್ಬರ ಕಚ್ಚಾಟದ ವಿಡಿಯೊ ಕೂಡ ವೈರಲ್ ಆಗಿತ್ತು. ಅಲ್ಲದೆ ಅಫ್ರೀದಿ ವಿಕೆಟ್ ಕಿತ್ತಾಗ ಬಾಬರ್ ಇದನ್ನು ಸಂಭ್ರಮಿಸದೆ ಇದ್ದದ್ದು ಕೂಡ ಕಂಡು ಬಂತಿತ್ತು. ಬಾಬರ್ ನಾಯಕತ್ವದ ಬಗ್ಗೆ ಅಫ್ರೀದಿ ಕೂಡ ಹಲವು ಬಾರಿ ಅಸಾಮಾಧಾನ ಕೂಡ ವ್ಯಕ್ತಪಡಿಸಿದ್ದರು.
ಏಕದಿನ ಸೋಲಿನ ಬಳಿಕ ಬಾಬರ್ ಎಲ್ಲ ಮಾದರಿಯ ನಾಯಕತ್ನದಿಂದ ಕೆಳಗಿಳಿದಿದ್ದರು. ಈ ವೇಳೆ ಟಿ20ಗೆ ಅಫ್ರೀದಿ ಮತ್ತು ಶಾನ್ ಮಸೂದ್ ಅವರನ್ನು ಟೆಸ್ಟ್ಗೆ ನಾಯಕನ್ನಾಗಿ ಮಾಡಲಾಯಿತು. ಆದರೆ ಉಭಯ ನಾಯಕರ ನೇತೃತ್ವದಲ್ಲಿ ಪಾಕಿಸ್ತಾನ ಆಡಿದ ಎಲ್ಲ ಸರಣಿಗಳೂ ಸೋಲು ಕಂಡಿದೆ. ಹೀಗಾಗಿ ಮತ್ತೆ ಬಾಬರ್ ಅವರಿಗೆ ನಾಯಕತ್ವ ನೀಡುವ ಚಿಂತೆನೆ ನಡೆದಿದೆ ಎನ್ನಲಾಗಿದೆ. ಭಾರತದ ಆತಿಥ್ಯದಲ್ಲಿ 2023ರಲ್ಲಿ ನಡೆದಿದ್ದ ಏಕದಿನ ವಿಶ್ವಕಪ್ನಲ್ಲಿ ಪಾಕಿಸ್ತಾನ ತಂಡ ನೀರಸ ಪ್ರದರ್ಶನ ತೋರಿತ್ತು. ಬಾಬರ್ ನಾಯಕತ್ವದಲ್ಲಿ ಪಾಕಿಸ್ತಾನ ತಂಡ ಆಡಿದ 9 ಪಂದ್ಯಗಳ ಪೈಕಿ ಕೇವಲ 4 ಪಂದ್ಯಗಳನ್ನು ಮಾತ್ರ ಗೆಲುವು ಸಾಧಿಸಿ ಲೀಗ್ ಹಂತದಲ್ಲೇ ಹೊರಬಿದ್ದಿತ್ತು. ಹೀಗಾಗಿ ಬಾಬರ್ ವಿರುದ್ಧ ಪಾಕ್ ತಂಡದ ಮಾಜಿ ಆಟಗಾರರು ಸೇರಿ ಹಲವರು ಭಾರೀ ಟೀಕೆ ವ್ಯಕ್ತಪಡಿಸಿದ್ದರು. ಇದರ ಬೆನ್ನಲ್ಲೇ ಬಾಬರ್ ಎಲ್ಲಾ ಮೂರು ಸ್ವರೂಪಗಳ ನಾಯಕತ್ವದಿಂದ ಕೆಳಗಿಳಿದಿದ್ದರು.