ತಿರುವನಂತಪುರಂ: ಕೆಲ ದಿನಗಳ ಹಿಂದೆ ನಡೆದ ಏಷ್ಯಾ ಕಪ್‌ (Asia Cup) ಫೈನಲ್‌ ಪಂದ್ಯದಲ್ಲಿ ಪಾಕಿಸ್ತಾನ ತಂಡದ ಆಟಗಾರರು ಎರಡು ಕ್ಯಾಚ್‌ಗಳನ್ನು ಕೈಚೆಲ್ಲಿದ ಕುರಿತು ಟೀಕೆಗಳು ವ್ಯಕ್ತವಾಗುತ್ತಿವೆ. ಇದರ ಬೆನ್ನಲ್ಲೇ ತಿರುವನಂತಪುರಂ ಕಾಂಗ್ರೆಸ್‌ ಸಂಸದ ಶಶಿ ತರೂರ್‌ ಅವರು ವೈರಲ್‌ ಫೋಟೊ ಟ್ವೀಟ್‌ ಮಾಡುವ ಮೂಲಕ ವ್ಯಂಗ್ಯವಾಡಿದ್ದಾರೆ.
ಮೊಘಲ್‌ ಸಾಮ್ರಾಜ್ಯದ ಫೋಟೊವೊಂದನ್ನು ಎಡಿಟ್‌ ಮಾಡಲಾಗಿದ್ದು, ಈ ಫೋಟೊವನ್ನು ತರೂರ್‌ ಟ್ವೀಟ್‌ ಮಾಡಿದ್ದಾರೆ. ಕ್ಯಾಚ್‌ ಬಿಟ್ಟಿದ್ದನ್ನು ಅಣಕಿಸುವ ರೀತಿಯಲ್ಲಿ ಫೋಟೊ ಎಡಿಟ್‌ ಮಾಡಿದ್ದು, ವಾಟ್ಸ್‌ಆ್ಯಪ್‌ನಲ್ಲಿ ಬಂದ ಫೋಟೊವನ್ನೇ ಶೇರ್‌ ಮಾಡಿದ್ದೇನೆ ಎಂದು ತರೂರ್‌ ಹೇಳಿದ್ದಾರೆ.
ಶ್ರೀಲಂಕಾ ವಿರುದ್ಧ ನಡೆದ ಫೈನಲ್‌ ಪಂದ್ಯದಲ್ಲಿ ಪಾಕಿಸ್ತಾನದ ಶಾಬಾದ್‌ ಖಾನ್‌ ಹಾಗೂ ಆಸಿಫ್‌ ಅಲಿಯು ಎರಡು ಕ್ಯಾಚ್‌ಗಳನ್ನು ಬಿಟ್ಟಿದ್ದರು. ಅದರಲ್ಲೂ, ಭಾನುಕ ರಾಜಪಕ್ಸ ಅವರ ಕ್ಯಾಚ್‌ ಬಿಟ್ಟಿದ್ದು ಪಾಕ್‌ಗೆ ದುಬಾರಿಯಾಗಿ ಪರಿಣಮಿಸಿತ್ತು.
ಇದನ್ನೂ ಓದಿ | IND vs PAK | ಒತ್ತಡದಲ್ಲಿ ತಪ್ಪು ಸಹಜ; ಕ್ಯಾಚ್‌ ಬಿಟ್ಟ ಅರ್ಶ್‌ದೀಪ್‌ಗೆ ಸಮಾಧಾನ ಹೇಳಿದವರು ಯಾರು?