ಬೆಂಗಳೂರು: ಸ್ಯಾಂಡಲ್ವುಡ್ನ ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ಗೆ (Kichcha Sudeep) ಹಾಗೂ ಕ್ರಿಕೆಟ್ಗೆ ಅವಿನಾಭಾವ ನಂಟು. ಕ್ರಿಕೆಟ್ ಇದ್ದಲ್ಲಿ ಅವರು ಇರುತ್ತಾರೆ, ಸುದೀಪ್ ಇದ್ದಲ್ಲಿ ಕ್ರಿಕೆಟ್ ಚರ್ಚೆಯೂ ಜೋರು. ಕಳೆದ ಟಿ20 ವಿಶ್ವ ಕಪ್ ವೇಳೆ ಅವರು ಆಸ್ಟ್ರೇಲಿಯಾಗೆ ಹೋಗಿ ಪಂದ್ಯ ವೀಕ್ಷಣೆ ಮಾಡಿಕೊಂಡು ಬಂದಿದ್ದರು ಅವರ ಆಸಕ್ತಿಗೆ ಉದಾಹರಣೆ. ಅದೇ ರೀತಿ ಉತ್ತಮ ಕ್ರಿಕೆಟ್ ಆಟಗಾರನಾಗಿರುವ ಅವರು ಹಲವು ಸೆಲೆಬ್ರಿಟಿ ಕ್ರಿಕೆಟಿಗರ ಜತೆ ಉತ್ತಮ ಭಾಂದವ್ಯ ಹೊಂದಿದ್ದಾರೆ. ಅಂತೆಯೇ ಸುದೀಪ್ ಅವರು ಸೋಮವಾರ (ಫೆಬ್ರವರಿ 6ರಂದು) ತಾವು ಭಾರತ ತಂಡದ ಆರಂಭಿಕ ಬ್ಯಾಟರ್ ಶಿಖರ್ ಧವನ್ ಅವರನ್ನು ಭೇಟಿಯಾಗಿರುವ ಚಿತ್ರವನ್ನು ಪ್ರಕಟಿಸಿದ್ದಾರೆ. ಅದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಅವರ ಅಭಿಮಾನಿಗಳು ಸಂಭ್ರಮಿಸುತ್ತಿದ್ದಾರೆ.
ಶಿಖರ್ ಧವನ್ ಅವರು ಭಾರತ ತಂಡದ ಸ್ಟೈಲಿಸ್ಟ್ ಆಟಗಾರ. ಅವರಿಗೆ ಗಬ್ಬರ್ ಸಿಂಗ್ ಎಂಬ ಉಪನಾಮವೂ ಇದೆ. ವಿಭಿನ್ನ ಲುಕ್ ಹೊಂದಿರುವ ಅವರಿಗೆ ಭಾರತ ಕ್ರಿಕೆಟ್ ಕ್ಷೇತ್ರದಲ್ಲಿ ಸಾಕಷ್ಟು ಅಭಿಮಾನಿಗಳು ಇದ್ದಾರೆ. ತಮಾಷೆ ಹಾಗೂ ವಿನೋದಗಳಲ್ಲಿ ಹೆಚ್ಚು ಮುಳುಗಿರುವ ಅವರು ಬೇರೆ ಬೇರೆ ಕ್ಷೇತ್ರದವರ ಜತೆ ಉತ್ತಮ ಸಂಬಂಧ ಹೊಂದಿದ್ದಾರೆ. ಅಂತೆಯೇ ಕಿಚ್ಚ ಸುದೀಪ್ ಅವರಿಗೂ ಉತ್ತಮ ಗೆಳೆಯ. ಇದೀಗ ಅವರಿಬ್ಬರು ಜತೆಯಾಗಿ ಕಾಣಿಸಿಕೊಂಡಿದ್ದಾರೆ.
ಇದನ್ನೂ ಓದಿ : Kiccha sudeep : ಕಿಚ್ಚ ಸುದೀಪ್ ಮನೆಗೆ ತೆರಳಿದ ಡಿ.ಕೆ. ಶಿವಕುಮಾರ್‌, ರಾಜಕೀಯದಲ್ಲಿ ಭಾರಿ ಕುತೂಹಲ ಸೃಷ್ಟಿಸಿದ ಭೇಟಿ
ಇದೊಂದು ಸುಂದರವಾದ ಭೇಟಿ. ಐಪಿಎಲ್ನಲ್ಲಿ ಪಂಜಾಬ್ ಕಿಂಗ್ಸ್ ತಂಡದ ಪರವಾಗಿ ಆಡುತ್ತಿರುವ ಶಿಖರ್ ಧವನ್ಗೆ ಶುಭಾಶಯಗಳು ಎಂದು ಕಿಚ್ಚ ಸುದೀಪ್ ಅವರು ಟ್ವೀಟ್ ಮಾಡಿದ್ದಾರೆ.
ಈ ಇಬ್ಬರು ಸ್ಟಾರ್ ಸೆಲೆಬ್ರಿಟಿಗಳು ಯಾಕೆ ಭೇಟಿಯಾಗಿದ್ದಾರೆ ಎಂಬ ಕುರಿತು ಮಾಹಿತಿ ಇಲ್ಲ. ಆದರೆ ಅದೊಂದು ಆತ್ಮೀಯ ಭೇಟಿಯಾಗಿದೆ ಎಂದು ಹೇಳಲಾಗುತ್ತಿದೆ. ಆದರೆ ಇಬ್ಬರು ಜನಪ್ರಿಯ ತಾರೆಗಳ ಭೇಟಿ ಅಭಿಮಾನಿಗಳ ಪಾಲಿಗೆ ಅತ್ಯಂತ ಕೌತುಕದ ವಿಷಯವಾಗಿ ಮಾರ್ಪಟ್ಟಿದೆ.