ಬೆಂಗಳೂರು: ಟೀಮ್ ಇಂಡಿಯಾದ ಆಟಗಾರರಾದ ಶಿಖರ್ ಧವನ್ ಮತ್ತು ಶ್ರೇಯಸ್ ಅಯ್ಯರ್(Dhawan And Iyer) ಅವರು ಇಂಗ್ಲೀಷ್ ಹಾಡಿಗೆ ನೃತ್ಯ ಮಾಡಿದ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಬೆಂಗಳೂರಿನ ರಾಷ್ಟ್ರೀಯ ಕ್ರಿಕೆಟ್ ಅಕಾಡೆಮಿ(ಎನ್ಸಿಎ)ಯಲ್ಲಿ ತರಬೇತಿ ಪಡೆಯುತ್ತಿರುವ ಧವನ್ ಮತ್ತು ಅಯ್ಯರ್ ಬಿಡುವಿನ ವೇಳೆ ನೃತ್ಯ ಮಾಡಿದ್ದಾರೆ. ಧವನ್ ಅವರ ಕೈಯಿಂದ ಅಯ್ಯರ್ ಮೊಬೈಲ್ ಫೋನ್ ಕಸಿದು ಒಡೆದು ಹಾಕುವ ಸನ್ನೆ ಮಾಡುವ ಮೂಲಕ ಇಬ್ಬರು ಕಾಮ್ ಡೌನ್…ಕಾಮ್ ಡೌನ್ ಬೇಬಿ(Rema’s ‘Calm Down Baby) ಎನ್ನುವ ಇಂಗ್ಲೀಷ್ ಹಾಡಿಗೆ ಹೆಜ್ಜೆ ಹಾಕಿದ್ದಾರೆ. ಈ ವಿಡಿಯೊವನ್ನು ಧವನ್ ತಮ್ಮ ಅಧಿಕೃತ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.
ಇದನ್ನೂ ಓದಿ Shubman Gill: ನ್ಯೂ ಬ್ಯಾಟಿಂಗ್ ಸೆನ್ಷೇಷನಲ್ ಗಿಲ್ ಇನ್ಸ್ಟಾಗ್ರಾಮ್ ಪೋಸ್ಟ್ ವೈರಲ್
ಧವನ್ ಮತ್ತು ಅಯ್ಯರ್ ನೃತ್ಯ ಮಾಡುತ್ತಿರುವುದು ಇದೇ ಮೊದಲೇನಲ್ಲ. ಈ ಹಿಂದೆಯೂ ಐಪಿಎಲ್ ವೇಳೆ ಇಬ್ಬರು ಜತೆಯಾಗಿ ಡ್ಯಾನ್ಸ್ ಮಾಡಿದ್ದರು. ಕ್ರಿಕೆಟ್ ಜತೆಗೆ ನೃತ್ಯದಲ್ಲಿಯೂ ಉಭಯ ಆಟಗಾರರು ತುಂಬಾ ಆಸಕ್ತಿ ಹೊಂದಿದ್ದಾರೆ. ಬೆನ್ನು ನೋವಿನಿಂದ ಸಂಫೂರ್ಣ ಚೇತರಿಕೆ ಕಾಣದ ಹಿನ್ನೆಲೆ ಅಯ್ಯರ್ ಅವರು ಆಸೀಸ್ ವಿರುದ್ಧದ ಮೊದಲ ಟೆಸ್ಟ್ನಿಂದ ಹೊರಗುಳಿದಿದ್ದಾರೆ. ಫಿಟ್ನೆಸ್ ವರದಿಯಲ್ಲಿ ಪಾಸ್ ಆದರೆ ಆಸೀಸ್ ವಿರುದ್ಧದ ದ್ವಿತೀಯ ಪಂದ್ಯಕ್ಕೆ ತಂಡ ಸೇರಿಕೊಳ್ಳುವ ಸಾಧ್ಯತೆ ಇದೆ.