Shivam Dube: ಯುವರಾಜ್, ಕೊಹ್ಲಿ ಅವರಿದ್ದ ಎಲೈಟ್‌ ಕ್ಲಬ್‌ ಸೇರಿದ ಶಿವಂ ದುಬೆ

Abhilash B C

11 ತಿಂಗಳುಗಳು ago

ಮೊಹಾಲಿ: ಗುರುವಾರ ನಡೆದ ಅಫಘಾನಿಸ್ತಾನ ವಿರುದ್ಧದ ಮೊದಲ ಟಿ20 ಪಂದ್ಯದಲ್ಲಿ(India vs Afghanistan, 1st T20I) ಒಂದು ವಿಕೆಟ್ ಮತ್ತು ಅಜೇಯ ಅರ್ಧಶತಕ ಬಾರಿಸಿ ಭಾರತ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದ ಶಿವಂ ದುಬೆ(Shivam Dube) ವಿಶೇಷ ದಾಖಲೆಯೊಂದನ್ನು ಬರೆದಿದ್ದಾರೆ. ಯುವರಾಜ್ ಸಿಂಗ್(Yuvraj Singh) ಮತ್ತು ವಿರಾಟ್ ಕೊಹ್ಲಿ(Virat Kohli) ಅವರಿದ್ದ ಎಲೈಟ್ ಕ್ಲಬ್‌ ಸೇರಿದ್ದಾರೆ.

ಚೇಸಿಂಗ್ ವೇಳೆ ದುಬೆ 40 ಎಸೆತಗಳನ್ನು ಎದುರಿಸಿ ಅಜೇಯ 60 ರನ್ ಗಳಿಸಿ ಭಾರತಕ್ಕೆ 6 ವಿಮಕೆಟ್ಗಳ ಅಂತರದ ಗೆಲುವು ತಂದುಕೊಟ್ಟರು. ದುಬೆ ಅವರ ಮ್ಯಾಚ್ ವಿನ್ನಿಂಗ್ ಇನ್ನಿಂಗ್ಸ್ನಲ್ಲಿ 5 ಬೌಂಡರಿ ಮತ್ತು 2 ಸಿಕ್ಸರ್ಗಳು ಸಿಡಿಯಿತು. ಬೌಲಿಂಗ್ನಲ್ಲಿಯೂ ಮಿಂಚಿದ ದುಬೆ 2 ಓವರ್ ಎಸೆದು ಕೇವಲ 9 ರನ್ ಬಿಟ್ಟುಕೊಟ್ಟು 1 ವಿಕೆಟ್ ಕಿತ್ತರು. ಈ ಸಾಧನೆಯೊಂದಿಗೆ ಭಾರತ ಪರ ಅಂತಾರಾಷ್ಟ್ರೀಯ ಟಿ20 ಪಂದ್ಯದಲ್ಲಿ ಅರ್ಧಶತಕ ಹಾಗೂ ಒಂದು ವಿಕೆಟ್ ಪಡೆದ ನಾಲ್ಕನೇ ಆಟಗಾರ ಎನಿಸಿಕೊಂಡರು.

Most times taking a wicket and scoring a fifty for India in T20is:

Yuvraj Singh – 3.
Virat Kohli – 2.
Hardik Pandya – 1.
Shivam Dube – 1*. pic.twitter.com/nzBy0uJ7j2
— Mufaddal Vohra (@mufaddal_vohra) January 11, 2024

ಇದಕ್ಕೂ ಮುನ್ನ ಹಾರ್ದಿಕ್ ಪಾಂಡ್ಯ, ಯುವರಾಜ್ ಸಿಂಗ್ ಮತ್ತು ವಿರಾಟ್ ಕೊಹ್ಲಿ ಈ ಸಾಧನೆ ಮಾಡಿದ್ದರು. ಅತ್ಯಧಿಕ ಬಾರಿ ಭಾರತ ಪರ ಈ ದಾಖಲೆ ಮಾಡಿದ್ದು ಯುವರಾಜ್ ಸಿಂಗ್. ಒಟ್ಟು 3 ಬಾರಿ ಯುವಿ ಪಂದ್ಯವೊಂದರಲ್ಲಿ 50 ಪ್ಲಸ್ ರನ್ ಮತ್ತು ವಿಕೆಟ್ ಕಿತ್ತ ಸಾಧನೆ ಮಾಡಿದ್ದಾರೆ. ಕಿಂಗ್ ಖ್ಯಾತಿಯ ವಿರಾಟ್ ಕೊಹ್ಲಿ 2 ಬಾರಿ ಮತ್ತು ಹಾರ್ದಿಕ್ ಪಾಂಡ್ಯ 1 ಬಾರಿ ಈ ಸಾಧನೆ ಮಾಡಿದ್ದಾರೆ. ಇದೀಗ ದುಬೆ ಕೂಡ 1 ಬಾರಿ ಈ ಸಾಧನೆ ಮಾಡಿ ಎಲೈಟ್ ಪಟ್ಟಿಗೆ ಸೇರಿದ್ದಾರೆ.

ಇದನ್ನೂ ಓದಿ Rohit Sharma: ಬೇಜವಾಬ್ದಾರಿ ತೋರಿದ ಗಿಲ್ಗೆ ಮೈದಾನದಲ್ಲೇ ಜಾಡಿಸಿದ ರೋಹಿತ್; ವಿಡಿಯೊ ವೈರಲ್

Shivam Dube, The Star. 🇮🇳

– Dube won the Player of the match in his return match for India. pic.twitter.com/0IVsaGXxbC
— Johns. (@CricCrazyJohns) January 11, 2024

ಪಂದ್ಯದಲ್ಲಿ ಆಲ್ರೌಂಡರ್ ಪ್ರದರ್ಶನ ತೋರಿದ ಶಿವಂ ದುಬೆಗೆ ಪಂದ್ಯ ಶ್ರೇಷ್ಠ ಪ್ರಶಸ್ತಿ ಕೂಡ ಒಲಿಯಿತು. ತಮ್ಮ ಈ ಬ್ಯಾಟಿಂಗ್ ಪ್ರದರ್ಶನಕ್ಕೆ ಮಹೇಂದ್ರ ಸಿಂಗ್ ಧೋನಿ ನೀಡಿದ ಅತ್ಯಮೂಲ್ಯ ಸಲಹೆಯೇ ಕಾರಣ ಎಂದು ದುಬೆ ಪಂದ್ಯದ ಬಳಿಕ ಹೇಳಿದರು. ಕಳೆದ ವರ್ಷ ನಡೆದ ಐಪಿಎಲ್ನಲ್ಲಿ ದುಬೆ ಚೆನ್ನೈ ತಂಡದ ಪರ ಶ್ರೇಷ್ಠ ಬ್ಯಾಟಿಂಗ್ ಪ್ರದರ್ಶನ ತೋರುವ ಮೂಲಕ ಗಮನ ಸೆಳೆದಿದ್ದರು. ಅವರ ಈ ಪ್ರದರ್ಶನ ಕಂಡು ಏಷ್ಯನ್ ಗೇಮ್ಸ್ 2023ರ ಕ್ರಿಕೆಟ್ ಸರಣಿಯಲ್ಲಿಯೂ ಅವಕಾಶ ನೀಡಲಾಗಿತ್ತು. ಇಲ್ಲಿಯೂ ನಿರೀಕ್ಷಿತಮಟ್ಟದ ಬ್ಯಾಟಿಂಗ್ ತೋರ್ಪಡಿಸಿದ್ದರು.

ಪಂದ್ಯ ಗೆದ್ದ ಭಾರತ

ಬುಧವಾರ ಇಲ್ಲಿನ ಪಂಜಾಬ್ ಕ್ರಿಕೆಟ್ ಅಸೋಸಿಯೇಷನ್ ಐಎಸ್ ಬಿಂದ್ರಾ ಸ್ಟೇಡಿಯಮ್ನಲ್ಲಿ ನಡೆದ ಹಣಾಹಣಿಯಲ್ಲಿ ಟಾಸ್ ಗೆದ್ದ ಭಾರತ ಮೊದಲು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. ಅಂತೆಯೇ ಮೊದಲು ಬ್ಯಾಟ್ ಮಾಡಿದ ಪ್ರವಾಸಿ ತಂಡ 5 ವಿಕೆಟ್ಗೆ 158 ರನ್ ಬಾರಿಸಿತು. ಪ್ರತಿಯಾಗಿ ಬ್ಯಾಟ್ ಮಾಡಿದ ಭಾರತ ತಂಡ ಇನ್ನೂ 15 ಎಸೆತಗಳು ಬಾಕಿ ಇರುವಂತೆಯೇ 4 ವಿಕೆಟ್ ನಷ್ಟಕ್ಕೆ 159 ರನ್ ಬಾರಿಸಿ 6 ವಿಕೆಟ್ಗಳ ಅಂತರದ ಗೆಲುವು ಸಾಧಿಸಿತು.