ಮುಂಬಯಿ : ಶ್ರೀಲಂಕಾ ವಿರುದ್ಧದ ಟಿ 20 ಸರಣಿಯ ಮೊದಲ ಪಂದ್ಯದಲ್ಲಿ ಕಣಕ್ಕೆ ಇಳಿಯುವ ಮೂಲಕ ಯುವ ಬ್ಯಾಟರ್ ಶುಬ್ಮನ್ ಗಿಲ್ ಹಾಗೂ ಬೌಲರ್ ಶಿವಂ ಮಾವಿ ಭಾರತ ಚುಟಕು ಕ್ರಿಕೆಟ್ ತಂಡಕ್ಕೆ ಪದಾರ್ಪಣೆ ಮಾಡಿದ್ದಾರೆ. ಭವಿಷ್ಯದ ತಂಡ ರಚಿಸುವ ಉದ್ದೇಶದಿಂದ ಶುಬ್ಮನ್ ಗಿಲ್ಗೆ ಬಿಸಿಸಿಐ ಅವಕಾಶ ನೀಡಿತ್ತು. ಇದೀಗ ಅವರನ್ನು ಕಣಕ್ಕಿಳಿಸುವ ಮೂಲಕ ಪದಾರ್ಪಣೆಗೂ ಅವಕಾಶ ನೀಡಲಾಗಿದೆ.
ಶುಬ್ಮನ್ ಗಿಲ್ ಅವಕಾಶ ಪಡೆಯುವ ಮೂಲಕ ವಿಜಯ್ ಹಜಾರೆ ಟ್ರೋಫಿಯಲ್ಲಿ ಒಂದು ಓವರ್ನಲ್ಲಿ ಸತತ ಆರು ಸಿಕ್ಸರ್ ಬಾರಿಸುವ ಮೂಲಕ ದಾಖಲೆ ಬರೆದಿದ್ದ ಋತುರಾಜ್ ಗಾಯಕ್ವಾಡ್ ಬೆಂಚು ಕಾಯುವಂತಾಗಿದೆ. ಇದೇ ವೇಳೆ ಕಳೆದ ತಿಂಗಳು ನಡೆದ ಐಪಿಎಲ್ ಹರಾಜು ಪ್ರಕ್ರಿಯೆಯಲ್ಲಿ 6 ಕೋಟಿ ರೂಪಾಯಿ ಗಳಿಸಿಕೊಂಡಿದ್ದ ಯುವ ಬೌಲರ್ ಶಿವಂ ಮಾವಿಗೂ ಅವಕಾಶ ನೀಡಲಾಗಿದೆ.
ತಂಡಗಳು
ಭಾರತ: 1 ಇಶಾನ್ ಕಿಶನ್, 2 ಶುಬ್ಮನ್ ಗಿಲ್, 3 ಸೂರ್ಯಕುಮಾರ್ ಯಾದವ್, 4 ಸಂಜು ಸ್ಯಾಮ್ಸನ್ (ವಿಕೆಟ್ ಕೀಪರ್), 5 ಹಾರ್ದಿಕ್ ಪಾಂಡ್ಯ (ನಾಯಕ), 6 ದೀಪಕ್ ಹೂಡಾ, 7 ಅಕ್ಷರ್ ಪಟೇಲ್, 8 ಹರ್ಷಲ್ ಪಟೇಲ್, 9 ಶಿವಂ ಮಾವಿ, 10 ಉಮ್ರಾನ್ ಮಲಿಕ್, 11 ಯಜ್ವೇಂದ್ರ ಚಾಹಲ್
ಶ್ರೀಲಂಕಾ: 1 ಪಾತುಮ್ ನಿಸ್ಸಾಂಕ, 2 ಕುಸಾಲ್ ಮೆಂಡಿಸ್ (ವಿಕೆಟ್ ಕೀಪರ್), 3 ಧನಂಜಯ ಡಿ ಸಿಲ್ವಾ, 4 ಚರಿತ್ ಅಸಲಂಕಾ, 5 ಭಾನುಕಾ ರಾಜಪಕ್ಷ, 6 ದಸುನ್ ಶನಕ (ನಾಯಕ), 7 ವನಿಂದು ಹಸರಂಗ, 8 ಚಾಮಿಕಾ ಕರುಣಾರತ್ನೆ, 9 ಮಹೇಶ್ ತೀಕ್ಷಣ, 10. ದಿಲ್ಶನ್ ಮದುಶನಕ, 10 11 ಕಸುನ್ ರಜಿತಾ.
ಇದನ್ನೂ ಓದಿ | INDvsSL | ಮೊದಲ ಟಿ20 ಪಂದ್ಯದಲ್ಲಿ ಟಾಸ್ ಸೋತ ಭಾರತ ತಂಡಕ್ಕೆ ಬ್ಯಾಟಿಂಗ್ಗೆ ಆಹ್ವಾನ