ಮೆಲ್ಬೊರ್ನ್: ಆಸ್ಟ್ರೇಲಿಯನ್ ಓಪನ್ ಟೆನಿಸ್ ಟೂರ್ನಿಯಲ್ಲಿ(Australian Open 2024) 11 ವರ್ಷಗಳ ಬಳಿಕ ದ್ವಿತೀಯ ಸುತ್ತು ಪ್ರವೇಶಿಸಿದ ಭಾರತೀಯ ಎಂಬ ಇತಿಹಾಸ ನಿರ್ಮಿಸಿದ್ದ ಸುಮಿತ್ ನಾಗಲ್(Sumit Nagal) 2ನೇ ಸುತ್ತಿನ ಪಂದ್ಯದಲ್ಲಿ ಸೋತು ಟೂರ್ನಿಯಿಂದ ಹೊರಬಿದ್ದಿದ್ದಾರೆ.
ಗುರುವಾರ ನಡೆದ ಪುರುಷರ ಸಿಂಗಲ್ಸ್ ವಿಭಾಗದ ಎರಡನೇ ಸುತ್ತಿನ ಪಂದ್ಯದಲ್ಲಿ ನಗಾಲ್ ಚೀನಾದ 18 ವರ್ಷದ ಆಟಗಾರ ಜುಂಚೆಂಗ್ ಶಾಂಗ್ ವಿರುದ್ಧ 6-2, 3-6, 5-7, 4-6 ಸೆಟ್ಗಳಿಂದ ಸೋತು ನಿರಾಸೆ ಮೂಡಿಸಿದ್ದಾರೆ. ಮೂರು ಅರ್ಹತಾ ಪಂದ್ಯಗಳಲ್ಲಿ ಮತ್ತು ಮೊದಲ ಸುತ್ತಿನಲ್ಲಿ ಒಂದೇ ಒಂದು ಸೆಟ್ ಸೋಲು ಕಾಣದ ನಗಾಲ್ ದ್ವಿತೀಯ ಸುತ್ತಿನಲ್ಲಿ ಈ ಪ್ರದರ್ಶನವನ್ನು ತೋರ್ಪಡಿಸುವಲ್ಲಿ ವಿಫಲರಾದರು.
ಮೊದಲ ಸುತ್ತಿನ ಹಣಾಹಣಿಯಲ್ಲಿ ವಿಶ್ವದ ನಂ. 27 ಅಲೆಕ್ಸಾಂಡರ್ ಬುಬ್ಲಿಕ್(Alexander Bublik) ಅವರನ್ನು ನಗಾಲ್ 6-4, 6-2, 7-6 ರ ನೇರ ಸೆಟ್ಗಳಿಂದ ಮಣಿಸಿ ದ್ವಿತೀಯ ಸುತ್ತಿಗೆ ಲಗ್ಗೆಯಿಟ್ಟಿದ್ದರು. ಅವರ ಈ ಪ್ರದರ್ಶನ ಕಂಡಾಗ ಕನಿಷ್ಠ ಕ್ವಾರ್ಟರ್ ಫೈನಲ್ ಪ್ರವೇಶ ಕಾಣುವು ನಿರೀಕ್ಷೆ ಮಾಡಲಾಗಿತ್ತು. ಆದರೆ ಈ ನಿರೀಕ್ಷೆ ಹುಸಿಯಾಗಿದೆ.
ಗೆಲುವು ಸಾಧಿಸಿದ ಬೋಪಣ್ಣ–ಎಬ್ಡೆನ್‌ ಜೋಡಿ
ಪುರುಷರ ಡಬಲ್ಸ್ನಲ್ಲಿ ಭಾರತದ ರೋಹನ್ ಬೋಪಣ್ಣ (Rohan Bopanna) ಮತ್ತು ಮ್ಯಾಥ್ಯೂ ಎಬ್ಡೆನ್‌(Matthew Ebden) ಜೋಡಿ ಮೊದಲ ಸುತ್ತಿನಲ್ಲಿ ಗದ್ದು ದ್ವಿತೀಯ ಸುತ್ತಿಗ ಲಗ್ಗೆಯಿಟ್ಟಿದೆ. ಜಿದ್ದಾಜಿದ್ದಿನ ಪೈಪೋಟಿಯಿಂದ ನಡೆದ ಈ ಪಂದ್ಯದಲ್ಲಿ ಬೋಪಣ್ಣ–ಎಬ್ಡೆನ್‌ ಜೋಡಿ ಜೇಮ್ಸ್ ಡಕ್ವರ್ತ್ ಮತ್ತು ಮಾರ್ಕ್ ಪೋಲ್ಮನ್ಸ್ ವಿರುದ್ಧ 7-6 (5), 4-6, 7-6 (10-2) ಸೂಪರ್ ಟ್ರೈ ಬ್ರೇಕರ್ ಮೂಲಕ ಗೆಲುವು ತಮ್ಮದಾಗಿಸಿಕೊಂಡರು.
News Flash:
— India_AllSports (@India_AllSports) January 18, 2024
Rohan Bopanna & Mathhew Ebden advance into 2nd round of Men's Doubles at Australian Open.
The 2nd seeded Indo-Australian Express made a stunning comeback from 0-5 down in 1st set to take it via a tie-break and eventually won 7-6, 4-6, 7-6 (10-2) #AusOpen pic.twitter.com/3ImxFQEoiH
ಎಲೆನಾ ರೈಬಾಕಿನಾಗೆ ಆಘಾತಕಾರಿ ಸೋಲು
ಆಸ್ಟ್ರೇಲಿಯಾ ಓಪನ್ನ ಗುರುವಾರದ ಮಹಿಳಾ ಸಿಂಗಲ್ಸ್ನಲ್ಲಿ ಅಚ್ಚರಿಯ ಫಲಿತಾಂಶವೊಂದು ದಾಖಲಾಗಿದೆ. ಶ್ರೇಯಾಂಕ ರಹಿತ ರಷ್ಯಾದ ಅನ್ನಾ ಬ್ಲಿಂಕೋವಾ ಅವರು ಗ್ರ್ಯಾನ್‌ಸ್ಲಾಮ್ ಇತಿಹಾಸದಲ್ಲಿ ಸಿಂಗಲ್ಸ್ ಪಂದ್ಯವೊಂದರಲ್ಲಿ ಸುದೀರ್ಘ ಟೈ ಬ್ರೇಕ್‌ನ ನಂತರ ವಿಶ್ವದ ಮೂರನೇ ಶ್ರೇಯಾಂಕಿತ ಆಟಗಾರ್ತಿ ಎಲೆನಾ ರೈಬಾಕಿನಾ ಅವರನ್ನು 6-4, 4-6, 7-6(20) ಮಣಿಸಿದ್ದಾರೆ.
Elena Rybakina walks over to give Anna Blinkova a hug after their match.
— The Tennis Letter (@TheTennisLetter) January 18, 2024
Beautiful sportsmanship after the longest tiebreak in Australian Open history for the women.
Gracious as always.
What a special match from these two ladies. ❤️ pic.twitter.com/KwWN1d62z1
ಬ್ಲಿಂಕೋವಾ ಅವು ಅಂತಿಮ ಸೆಟನ್ನು ಟ್ರೈ ಬ್ರೇಕರ್ ಮೂಲಕ 22-20 ಅಂತರದಿಂದ ಗೆದ್ದರು. ಈ ಹೋರಾಟ 31 ನಿಮಿಷಗಳಿಗಿಂತ ಹೆಚ್ಚು ಕಾಲ ನಡೆಯಿತು. ಅಂತಾರಾಷ್ಟ್ರೀಯ ಟೆನಿಸ್ ಫೆಡರೇಶನ್ ಪ್ರಕಾರ, ಇದು 38 ಪಾಯಿಂಟ್‌ಗಳ ಹಿಂದಿನ ಸುದೀರ್ಘ ಟೈ-ಬ್ರೇಕ್ ಅನ್ನು ಮೀರಿಸಿದೆ.