ರಾಂಚಿ: ಟೀಮ್ ಇಂಡಿಯಾ ನ್ಯೂಜಿಲ್ಯಾಂಡ್ ವಿರುದ್ಧ ಮೂರು ಪಂದ್ಯಗಳ ಟಿ20 ಸರಣಿಯನ್ನಾಡಲು ಸಜ್ಜಾಗಿದೆ. ಮೊದಲ ಪಂದ್ಯ ಶುಕ್ರವಾರ ರಾಂಚಿಯಲ್ಲಿ ನಡೆಯಲಿದೆ. ಈಗಾಗಲೇ ಉಭಯ ತಂಡಗಳ ಆಟಗಾರರು ರಾಂಚಿಗೆ ತಲುಪಿದ್ದಾರೆ. ಇದೇ ವೇಳೆ ಭಾರತ ಟಿ20 ತಂಡದ ನಾಯಕ ಹಾರ್ದಿಕ್ ಪಾಂಡ್ಯ(‘Sholay 2 coming soon’) ಅವರು ಎಂ.ಎಸ್. ಧೋನಿ ಮನೆಗೆ ಭೇಟಿ ನೀಡಿ(Hardik Pandya- MS Dhoni), ಶೋಲೆ ಸಿನಿಮಾದ ಜೈ-ವೀರು ರೀತಿಯ ಫೋಟೊಗೆ ಪೋಸ್ ನೀಡಿದ್ದು, ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ(Viral Photo).
ರಾಂಚಿಯಲ್ಲಿರುವ ಟೀಮ್ ಇಂಡಿಯಾದ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಅವರ ಮನೆಗೆ ಭೇಟಿ ನೀಡಿದ ಹಾರ್ದಿಕ್ ಪಾಂಡ್ಯ ಅವರು ಧೋನಿ ಜತೆ ವಿಂಟೇಜ್ ಕಾರು ಮತ್ತು ಬಲೆಟ್‌ನಲ್ಲಿ ಜತೆಯಾಗಿ ಕೂತಿರುವ ಫೋಟೊವೊಂದನ್ನು ಇನ್ಸ್ಟಾಗ್ರಾಮ್ನಲ್ಲಿ ಪ್ರಕಟಿಸಿದ್ದಾರೆ. ಈ ಫೋಟೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಇದನ್ನೂ ಓದಿ | IND VS NZ: ಮೈದಾನದಲ್ಲೇ ಶಾರ್ದೂಲ್ ಠಾಕೂರ್ಗೆ ಕ್ಲಾಸ್ ತೆಗೆದುಕೊಂಡ ರೋಹಿತ್; ವಿಡಿಯೊ ವೈರಲ್
ಬಾಲಿವುಡ್ನ ಶೋಲೆ(‘Sholay 2 coming soon’) ಸಿನಿಮಾದ ಅಪ್ರತಿಮ ಜೋಡಿಯಾದ ಜೈ ಮತ್ತು ವೀರು ಅವರ ರೀತಿಯಲ್ಲೇ ಧೋನಿ ಮತ್ತು ಪಾಂಡ್ಯ ಕೂಡ ಫೋಟೊಗೆ ಪೋಸ್ ನೀಡಿದ್ದಾರೆ. ಇದಕ್ಕೆ ‘ಶೋಲೆ-2 ಕಮಿಂಗ್ ಸೂನ್’ ಎಂದು ಶೀರ್ಷಿಕೆ ನೀಡಿದ್ದಾರೆ. ಈ ಫೋಟೊ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದೆ. ಶೋಲೆ ಸಿನಿಮಾದಲ್ಲಿ ಅಮಿತಾ ಬಚ್ಚನ್ ಮತ್ತು ಧರ್ಮೇಂದ್ರ ಅವರು ಜೈ ಮತ್ತು ವೀರು ಸ್ನೇಹಿತರ ಪಾತ್ರ ನಿರ್ವಹಿಸಿದ್ದರು. ಇದು ಭಾರೀ ಜನಪ್ರಿಯವಾಗಿತ್ತು. ಇದೀಗ ಪಾಂಡ್ಯ ಮತ್ತು ಧೋನಿ ಬುಲೆಟ್ ಬೈಕ್ನಲ್ಲಿ ಕೂತು ಇದೇ ರೀತಿ ಫೋಟೊಗೆ ಫೋಸ್ ನೀಡಿದ್ದಾರೆ.
ಇದನ್ನೂ ಓದಿ | MS Dhoni | ಐಪಿಎಲ್ಗೆ ಭರ್ಜರಿ ಅಭ್ಯಾಸ ಆರಂಭಿಸಿದ ಧೋನಿ; ವಿಡಿಯೊ ವೈರಲ್