ವಿಶಾಖಪಟ್ಟಣಂ: ಹಲವು ಪಂದ್ಯಗಳ ಬಳಿಕ ಟೆಸ್ಟ್ನಲ್ಲಿ ಶತಕ ಬಾರಿಸಿದ ಶುಭಮನ್ ಗಿಲ್(Shubman Gill) ಅವರು ಈ ಶತಕದ ಶ್ರೇಯವನ್ನು ಸಹ ಆಟಗಾರ ಶ್ರೇಯಸ್ ಅಯ್ಯರ್ಗೆ(Shreyas Iyer) ಅರ್ಪಿಸಿದ್ದಾರೆ. ಕಳೆದ 11 ಇನಿಂಗ್ಸ್ನಲ್ಲಿ ಕಳಪೆ ಬ್ಯಾಟಿಂಗ್ ವೈಫಲ್ಯ ಕಂಡ ಬಳಿಕ ಗಿಲ್ ಬಾರಿಸಿದ ಶತಕ ಇದಾಗಿತ್ತು.
ಇಂಗ್ಲೆಂಡ್(India vs England 2nd Test) ವಿರುದ್ಧ ಇಂದು ನಡೆದ ಮೂರನೇ ದಿನದಾಟದಲ್ಲಿ 4 ರನ್ ಗಳಿಸಿದ್ದ ವೇಳೆ ಟಾಮ್ ಹಾರ್ಟ್ಲಿ ಎಸೆತದಲ್ಲಿ ಎಲ್ಬಿಡಬ್ಲ್ಯು ಬಲೆಗೆ ಬಿದ್ದರು. ಅಂಪೈರ್ ಕೂಡ ಔಟ್ ನೀಡಿದರು. ಆದರೆ, ನಾನ್ ಸ್ಟ್ರೈಕ್ನಲ್ಲಿದ್ದ ಶ್ರೇಯಸ್ ಅವರು ಗಿಲ್ಗೆ ರಿವ್ಯೂ ಪಡೆಯುವಂತೆ ಒತ್ತಾಯಿಸಿದರು. ಅಯ್ಯರ್ ಅವರ ಸೂಚನೆಯಂತೆ ಗಿಲ್ ರಿವ್ಯೂ ಪಡೆದರು. ಈ ವೇಳೆ ಚೆಂಡು ಮೊದಲು ಬ್ಯಾಟ್ಗೆ ಬಡಿದು ಆ ಬಳಿಕ ಪ್ಯಾಡ್ಗೆ ಬಡಿದಿರುವುದು ಕಂಡುಬಂತು. ಅಂಪೈರ್ ತಮ್ಮ ಮನವಿಯನ್ನು ಹಿಂಪಡೆದು ನಾಟ್ ಔಟ್ ತೀರ್ಪು ನೀಡಿದರು. ಜೀವಾದಾನ ಪಡೆದ ಗಿಲ್ ಆ ಬಳಿಕ ತಾಳ್ಮೆಯು ಆಟವಾಡುವ ಮೂಲಕ ಶತಕ ಬಾರಿಸಿ ಸಂಭ್ರಮಿಸಿದರು. ಹೀಗಾಗಿ ಈ ಶತಕವನ್ನು ಅಯ್ಯರ್ಗೆ ಅರ್ಪಿಸಿದರು.
Shubman Gill credits Shreyas Iyer for the successful DRS early on Day 3. pic.twitter.com/BSffssfkLE
— CricTelegraph (@CricTelegraph) February 4, 2024
ಪಂದ್ಯದ ಬಳಿಕ ಮಾತನಾಡಿದ ಗಿಲ್ ಅವರು, ಈ ಶತಕವನ್ನು ನಾನು ಅಯ್ಯರ್ಗೆ ಅರ್ಪಿಸುತ್ತೇನೆ. ಏಕೆಂದರೆ ಅವರು ರಿವ್ಯೂ ಪಡೆಯುವಂತೆ ಒತ್ತಾಯಿಸದಿದ್ದರೆ ಈ ಶತಕ ಸಾಧ್ಯವಾಗುತ್ತಿರಲಿಲ್ಲ. ಬ್ಯಾಟ್ಗೆ ಚೆಂಡು ಬಡಿದಿರುವುದು ನನಗೆ ಅರಿವಿಗೆ ಬಾರದ ಕಾರಣ ನಾನು ನಿರಾಸೆಯಲ್ಲಿ ಪೆವಿಲಿಯನ್ ಕಡೆಗೆ ತೆರಳಲು ಸಜ್ಜಾಗಿದ್ದೆ. ಈ ವೇಳೆ ಅಯ್ಯರ್ ಒತ್ತಾಯ ಮಾಡಿ ರಿವ್ಯೂ ಪಡೆಯುವಂತೆ ಹೇಳಿದರು. ಇದರಿಂದ ನಾನು ಸೇಫ್ ಆದೆ. ಈ ಎಲ್ಲ ಕ್ರೆಡಿಟ್ ಅವರಿಗೆ ಸಲ್ಲಬೇಕು ಎಂದು ಗಿಲ್ ಹೇಳಿದರು.
ಇದನ್ನೂ ಓದಿ IND vs ENG 2nd Test: ತಿರುಗೇಟು ನೀಡುತ್ತಿರುವ ಇಂಗ್ಲೆಂಡ್; ಗೆಲುವಿಗೆ ಬೇಕು 332 ರನ್
Shubman Gill Post Match Interview pt(1/2) –#ShubmanGill #IndVsEngpic.twitter.com/UTqG0wbMEp
— harsh🛸 (@harshonx_) February 4, 2024
147 ಎಸೆತ ಎದುರಿಸಿ 11 ಬೌಂಡರಿ ಮತ್ತು 2 ಸಿಕ್ಸರ್ ನೆರವಿನಿಂದ 104 ರನ್ ಬಾರಿಸಿದರು. ಗಿಲ್ ಅವರ ಈ ಶತಕದ ಆಟದ ನೆರವಿನಿಂದ ಭಾರತ ದ್ವಿತೀಯ ಇನಿಂಗ್ಸ್ನಲ್ಲಿ ಉತ್ತಮ ರನ್ ಗಳಿಸಲು ಸಾಧ್ಯವಾಯಿತು. ಶುಭಮನ್ ಗಿಲ್ ಶತಕಕ್ಕೆ ಮಾಜಿ ಕ್ರಿಕೆಟ್ ದಿಗ್ಗಜ ಸಚಿನ್ ತೆಂಡೂಲ್ಕರ್(Sachin Tendulkar) ಅವರು ಟ್ವೀಟ್ ಮೂಲಕ ಮೆಚ್ಚು ಸೂಚಿಸಿದ್ದಾರೆ. ಗಿಲ್ ಅವರ ಶತಕದ ಫೋಟೊ ಹಂಚಿಕೊಂಡು, “ಶುಭಮನ್ ಗಿಲ್ ಅವರ ಈ ಇನ್ನಿಂಗ್ಸ್ ಕೌಶಲ್ಯದಿಂದ ತುಂಬಿತ್ತು! ಉತ್ತಮ ಸಮಯ. ಶತತಕ್ಕೆ ಅಭಿನಂದನೆಗಳು!” ಎಂದು ಸಚಿನ್ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಇದಕ್ಕೂ ಮುನ್ನ ಶುಭಮನ್ ಗಿಲ್ ಆಡಿದ್ದ 11 ಇನಿಂಗ್ಸ್ನಲ್ಲಿ 13, 8, 6, 10, 29*, 2, 26, 36, 10, 23, 0. ರನ್ ಬಾರಿಸಿ ಘೋರ ಬ್ಯಾಟಿಂಗ್ ವೈಫಲ್ಯ ಎದುರಿಸಿದ್ದರು. ಇದೀಗ ಮತ್ತೆ ತಮ್ಮ ಹಳೆಯ ಬ್ಯಾಟಿಂಗ್ ಲಯಕ್ಕೆ ಮರಳುವಲ್ಲಿ ಯಶಸ್ಸು ಕಂಡಿದ್ದಾರೆ.