ಮುಂಬಯಿ: ಭಾರತ ತಂಡದ ಆರಂಭಿಕ ಬ್ಯಾಟರ್ ಶುಭ್ಮನ್ ಗಿಲ್ (Shubhman Gill) ಪ್ರವಾಸಿ ನ್ಯೂಜಿಲ್ಯಾಂಡ್ ವಿರುದ್ಧದ ಏಕ ದಿನ ಸರಣಿಯ ಮೊದಲ ಪಂದ್ಯದಲ್ಲಿ 208 ರನ್ ಬಾರಿಸುವ ಮೂಲಕ ಚೊಚ್ಚಲ ದ್ವಿ ಶತಕದ ಸಾಧನೆ ಮಾಡಿದ್ದಾರೆ. ಅವರ ರನ್ ಶಿಖರದ ನೆರವಿನಿಂದ ನಿಗದಿತ 50 ಓವರ್ಗಳಲ್ಲಿ 349 ರನ್ ಪೇರಿಸಿದ ಭಾರತ ತಂಡ ಬಳಿಕ ಎದುರಾಳಿ ತಂಡವನ್ನು 337 ರನ್ಗಳಿಗೆ ಆಲ್ಔಟ್ ಮಾಡಿ 12 ರನ್ಗಳ ವಿಜಯ ದಾಖಲಿಸಿತ್ತು. ಆದರೆ, ಭಾರತ ತಂಡದ ಇನಿಂಗ್ಸ್ನಲ್ಲಿ 23 ವರ್ಷದ ಯುವ ಬ್ಯಾಟರ್ ಶುಭ್ಮನ್ ಗಿಲ್ ದ್ವಿಶತಕ ದಾಖಲಿಸುತ್ತಿದ್ದಂತೆ ದಿಗ್ಗಜ ಕ್ರಿಕೆಟಿಗ ಸಚಿನ್ ತೆಂಡೂಲ್ಕರ್ ಅವರ ಪುತ್ರಿ ಸಾರಾ ತೆಂಡೂಲ್ಕರ್ ಸಾಮಾಜಿಕ ಜಾಲತಾಣಗಳಲ್ಲಿ ಟ್ರೆಂಡ್ ಆದರು.
ಶುಭ್ಮನ್ ಗಿಲ್ ಹಾಗೂ ಸಾರಾ ತೆಂಡೂಲ್ಕರ್ ಕೆಲವು ವರ್ಷಗಳ ಹಿಂದೆ ಡೇಟಿಂಗ್ ಮಾಡುತ್ತಿದ್ದರು ಎಂಬ ಗಾಸಿಪ್ಗಳು ಹರಿದಾಡಿದ್ದವು. ಅವರಿಬ್ಬರು ಜತೆಯಾಗಿ ಸುತ್ತಾಡುತ್ತಿದ್ದಾರೆ ಎಂಬ ಸುದ್ದಿಗಳೂ ಅಲ್ಲಲ್ಲಿ ಕೇಳಿ ಬಂದಿದ್ದವು. ಆದರೆ, ಅದಕ್ಕೆ ಸೂಕ್ತ ಸಾಕ್ಷಿಗಳು ಇನ್ನೂ ಸಿಕ್ಕಿಲ್ಲ. ಇದೇ ಕಾರಣಕ್ಕೆ ಶುಭ್ಮನ್ ದ್ವಿ ಶತಕದ ಸಾಧನೆ ಮಾಡುತ್ತಿದ್ದಂತೆ ಸಾರಾ ತೆಂಡೂಲ್ಕರ್ ಟ್ರೆಂಡ್ ಆದರು. ನೆಟ್ಟಿಗರು ನಾನಾ ರೀತಿಯ ಮೀಮ್ಸ್ಗಳೂ, ಮೆಸೇಜ್ಗಳನ್ನು ಹಾಕುತ್ತಾ ಮತ್ತೆ ಗಾಸಿಫ್ ಹರಡಲು ಶುರು ಮಾಡಿದ್ದರು.
ಶುಭ್ಮನ್ ಗಿಲ್ ಸಾರಾ ತೆಂಡೂಲ್ಕರ್ ಅವರ ಜತೆ ಡೇಟಿಂಗ್ ಮುಂದುವರಿಸಿದ್ದಾರೆ ಎಂಬುದಕ್ಕೆ ಯಾವ ಪುರಾವೆಯೂ ಇಲ್ಲ .ಯಾಕೆಂದರೆ ಅವರು ಇತ್ತೀಚೆಗೆ ಬಾಲಿವುಡ್ ನಟಿ ಸಾರಾ ಅಲಿ ಖಾನ್ ಜತೆ ಹೆಚ್ಚು ಕಾಣಿಸಿಕೊಂಡಿದ್ದರು. ರೆಸ್ಟೋರೆಂಟ್ನಲ್ಲಿ, ವಿಮಾನದಲ್ಲಿ ಅವರಿಬ್ಬರು ಜತೆಯಾಗಿ ಇರುವುದನ್ನು ಪ್ಯಾಪರಾಜಿಗಳು ನೋಡಿದ್ದರು. ಹೀಗಾಗಿ ಅವರಿಬ್ಬರು ವಿಡಿಯೊಗಳು ಹಾಗೂ ಪೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಓಡಾಡುತ್ತಿವೆ.
ಇದನ್ನೂ ಓದಿ | Sara Ali Khan | ಬಾಲಿವುಡ್ ನಟಿ ಸಾರಾ ಜತೆ ಡೇಟಿಂಗ್ ; ಶುಬ್ಮನ್‌ ಗಿಲ್ ಕೊಟ್ಟ ಉತ್ತರ ಹೀಗಿದೆ