Shubman Gill: ವಿರಾಟ್​ ಕೊಹ್ಲಿಯ ರನ್​ ದಾಖಲೆ ಮುರಿದ ಶುಭಮನ್​ ಗಿಲ್​

ಜೈಪುರ: ಗುಜರಾತ್​ ಟೈಟಾನ್ಸ್(Gujarat Titans)​ ತಂಡದ ಸ್ಟಾರ್​ ಆಟಗಾರ ಶುಭಮನ್​ ಗಿಲ್(Shubman Gill)​ ಅವರು ಐಪಿಎಲ್​ನಲ್ಲಿ(IPL 2024) 3 ಸಾವಿರ ರನ್​ ಗಳಿಸಿದ ಮೊದಲ ಅತಿ ಕಿರಿಯ ಆಟಗಾರ ಎಂದ ದಾಖಲೆ ಬರೆದಿದ್ದಾರೆ. ಈ ಮೂಲಕ ವಿರಾಟ್​ ಕೊಹ್ಲಿಯ ದಾಖಲೆಯನ್ನು ಮುರಿದಿದ್ದಾರೆ. ರಾಜಸ್ಥಾನ್​ ರಾಯಲ್ಸ್(Rajasthan Royals)​ ಎದುರಿನ ಪಂದ್ಯದಲ್ಲಿ ಗಿಲ್​ ಈ ದಾಖಲೆ ಬರೆದರು. ಕೊಹ್ಲಿ 26 ವರ್ಷದಲ್ಲಿ ಈ ಸಾಧನೆ ಮಾಡಿದರೆ, ಗಿಲ್​ ಕೇವಲ 24 ವರ್ಷದಲ್ಲಿ ಈ ದಾಖಲೆಯನ್ನು ಮೀರಿ ನಿಂತರು.

See more

Shubman Gill
CEO | Academy of Asthetic Shots pic.twitter.com/GqJKF5KHdE

— Dinda Academy (@academy_dinda) April 10, 2024

ಜೈಪುರದಲ್ಲಿ ನಡೆಯುತ್ತಿರುವ ಈ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್​ ನಡೆಸಿದ ರಾಜಸ್ಥಾನ್​ ತಂಡ ಸಂಜು ಸ್ಯಾಮ್ಸನ್​ ಮತ್ತು ರಿಯಾನ್​ ಪರಾಗ್​ ಅವರ ವಿಸ್ಫೋಟಕ ಬ್ಯಾಟಿಂಗ್​ ಹಾಗೂ ಅರ್ಧಶತಕದ ನೆರವಿನಿಂದ ನಿಗದಿತ 20 ಓವರ್​ಗಳಲ್ಲಿ 3 ವಿಕೆಟ್​ಗೆ 196 ರನ್​ ಬಾರಿಸಿದೆ. ಈ ಬೃಹತ್​ ಮೊತ್ತವನ್ನು ಬೆನ್ನಟ್ಟುವ ವೇಳೆ ಗಿಲ್​ ಅವರು 27 ರನ್​ ಗಳಿಸುತ್ತಿದ್ದಂತೆ ಐಪಿಎಲ್​ನಲ್ಲಿ 3 ಸಾವಿರ ರನ್​ಗಳ ಗಡಿ ದಾಟಿದರು. ಇದೇ ವೇಳೆ ಅತಿ ಕಡಿಮೆ ಇನಿಂಗ್ಸ್​ನಲ್ಲಿ ಈ ದಾಖಲೆ ಬರೆದ 4ನೇ ಆಟಗಾರ ಎನಿಸಿಕೊಂಡರು. 75 ಇನಿಂಗ್ಸ್​ನಿಂದ ಈ ದಾಖಲೆ ಬರೆದ ಕ್ರಿಸ್​ ಗೇಲ್​ಗೆ ಅಗ್ರಸ್ಥಾನ. ಗಿಲ್​ 94 ಇನಿಂಗ್ಸ್​ನಿಂದ ಈ ದಾಖಲೆ ಬರೆದರು.

ಇದನ್ನೂ ಓದಿ IPL 2024: ಹೆಲಿಕಾಪ್ಟರ್ ಶಾಟ್ ಮೂಲಕ ಬೌಂಡರಿ ಬಾರಿಸಿದ ಪರಾಗ್; ವಿಡಿಯೊ ವೈರಲ್​

ಅತಿ ಕಿರಿಯನಾಗಿ ಐಪಿಎಲ್​ನಲ್ಲಿ 3 ಸಾವಿರ ರನ್​ ಗಳಿಸಿದ ಆಟಗಾರರು

ಶುಭಮನ್​ ಗಿಲ್​- 24 ವರ್ಷ 215 ದಿನ

ವಿರಾಟ್​ ಕೊಹ್ಲಿ-26 ವರ್ಷ 186 ದಿನ

ಸಂಜು ಸ್ಯಾಮ್ಸನ್​-26 ವರ್ಷ 320 ದಿನ

ಸುರೇಶ್​ ರೈನಾ-27 ವರ್ಷ 161 ದಿನ

ರೋಹಿತ್​ ಶರ್ಮ-27 ವರ್ಷ 343 ದಿನ

See more

Youngest at time of 3000 IPL runs:
(Cricbuzz)

24y 215 – Shubhman Gill*
26y 186d – Virat Kohli
26y 320d – Sanju Samson
27y 161d – Suresh Raina
27y 343d – Rohit Sharma

📷 BCCI pic.twitter.com/0N0b2k44AN

— CricketGully (@thecricketgully) April 10, 2024

ಅತಿ ಕಡಿಮೆ ಇನಿಂಗ್ಸ್​ನಲ್ಲಿ 3 ಸಾವಿರ ರನ್​ ಬಾರಿಸಿ ಆಟಗಾರರು

ಕ್ರಿಸ್​ ಗೇಲ್​-75 ಇನಿಂಗ್ಸ್​

ಕೆಎಲ್​ ರಾಹುಲ್​-80 ಇನಿಂಗ್ಸ್​

ಜಾಸ್​ ಬಟ್ಲರ್​-85 ಇನಿಂಗ್ಸ್​

ಶುಭಮನ್​ ಗಿಲ್​-94 ಇನಿಂಗ್ಸ್​

ಡೇವಿಡ್​ ವಾರ್ನರ್​-94 ಇನಿಂಗ್ಸ್​

ಫಾಫ್​ ಡು ಪ್ಲೆಸಿಸ್- 94 ಇನಿಂಗ್ಸ್​​

ತಾಳ್ಮೆ ಕಳೆದುಕೊಂಡ ಗಿಲ್​

ಇದೇ ಪಂದ್ಯದಲ್ಲಿ ಶುಭಮನ್​ ಗಿಲ್​ ಅವರು ವೈಡ್​ ವಿಚಾರದಲ್ಲಿ ತಾಳ್ಮೆ ಕಳೆದುಕೊಂಡು ಅಂಪೈರ್​ ಜತೆ ವಾಗ್ವಾದ ಕೂಡ ನಡೆಸಿದ ಪಸಂಗ ನಡೆಯಿತು. ಮೋಹಿತ್​ ಶರ್ಮ ಅವರು ಎಸೆತ ಓವರ್​ನಲ್ಲಿ ಅಂಪೈರ್​ ವೈಡ್​ ನೀಡಿದರು. ಈ ವೇಳೆ ಗಿಲ್​ ರಿವ್ಯೂ ಪಡೆದರು. ಸಮಯ ಮುಗಿದಿದೆ ಎಂದು ಅಂಪೈರ್​ ಇದನ್ನು ಮಾನ್ಯ ಮಾನ್ಯ ಮಾಡಲಿಲ್ಲ. ಅಸಲಿಗೆ ಗಿಲ್​ ನಿಗದಿತ ಸಮಯದಲ್ಲೇ ರಿವ್ಯೂ ಪಡೆದಿದ್ದರು. ಆದರೆ ಇದನ್ನು ಸರಿಯಾಗಿ ಅಂಪೈರ್​ ಗಮನಿಸದ ಕಾರಣ ಗೊಂದಲ ಉಂಟಾಯಿತು. ಈ ಸಿಟ್ಟಿನಿಂದ ಗಿಲ್​ ಅಂಪೈರ್​ ಬಳಿ ಕೊಂಚ ಗರಂ ಆಗಿಯೇ ವರ್ತಿಸಿದರು.