ದುಬೈ: ಐಸಿಸಿ ವರ್ಷದ ಏಕದಿನ ಕ್ರಿಕೆಟಿಗ(ICC ODI Cricketer of the Year) ಪ್ರಶಸ್ತಿಗೆ ನಾಮನಿರ್ದೇಶನಗೊಂಡ ಆಟಗಾರರ ಹೆಸರನ್ನು ಪ್ರಕಟಿಸಿದ್ದು ಈ ಪಟ್ಟಿಯಲ್ಲಿ ಭಾರತದ ತಂಡದ ಆಟಗಾರರೇ ಪ್ರಾಬಲ್ಯ ಮೆರೆದಿದ್ದಾರೆ. ನಾಲ್ವರು ಆಟಗಾರ ಪೈಕಿ ಮೂವರು ಭಾರತೀಯ ಆಟಗಾರರು ಸ್ಥಾನ ಪಡೆದಿದ್ದಾರೆ.
ನಾಮನಿರ್ದೇಶನಗೊಂಡ ಆಟಗಾರರೆಂದರೆ ವಿರಾಟ್ ಕೊಹ್ಲಿ(Virat Kohli), ಶುಭ್ಮನ್ ಗಿಲ್(Shubman Gill), ಮೊಹಮ್ಮದ್ ಶಮಿ(Mohammed Shami) ಮತ್ತು ನ್ಯೂಜಿಲ್ಯಾಂಡ್ನ ಡೇರಿಯಲ್ ಮಿಚೆಲ್(Daryl Mitchell). ಮೂವರು ಭಾರತೀಯರ ಪೈಕಿ ಓರ್ವ ಭಾರತೀಯ ಆಟಗಾರ ಈ ಪ್ರಶಸ್ತಿ ಪಡೆಯುವುದರಲ್ಲಿ ಅನುಮಾನವ ಇಲ್ಲ.
Three terrific batters and one fearsome bowler 🏏
— ICC (@ICC) January 4, 2024
Shortlist for the ICC Men’s ODI Cricketer of the Year 2023 is out!#ICCAwards | Details 👇
ಕೊಹ್ಲಿ ಸಾಧನೆ
ವಿರಾಟ್ ಕೊಹ್ಲಿ 2023 ರಲ್ಲಿ ಒಟ್ಟು 27 ಏಕದಿನ ಪಂದ್ಯಗಳನ್ನಾಡಿ 1,377 ರನ್ ಬಾರಿಸಿದ್ದರು. ಜತೆಗೆ ಒಂದು ವಿಕೆಟ್ ಕೂಡ ಪಡೆದಿದ್ದರು. 12 ಕ್ಯಾಚ್ ಸಾಧನೆಯೂ ಸೇರಿದೆ. ಕದಿನ ವಿಶ್ವಕಪ್ನಲ್ಲಿ ಅದ್ಭುತ ಪ್ರದರ್ಶನ ನೀಡಿದ ಕೊಹ್ಲಿ 11 ಇನ್ನಿಂಗ್ಸ್‌ಗಳಲ್ಲಿ 765 ರನ್ ಬಾರಿಸಿ ವಿಶ್ವಕಪ್ನಲ್ಲಿ ಅತ್ಯಧಿಕ ರನ್ ಗಳಿಸಿದ ಆಟಗಾರ ಎನಿಸಿಕೊಂಡಿದ್ದರು. ಏಕದಿನ ಕ್ರಿಕೆಟ್ನಲ್ಲಿ ಸಚಿನ್ ಅವರ ಸಾರ್ವಕಾಲಿಕ 49 ಶತಕದ ದಾಖಲೆ ಮುರಿದು 50 ಶತಕ ಬಾರಿಸಿದ ವಿಶ್ವದ ಮೊದಲ ಆಟಗಾರ ಎಂಬ ಹಿರಿಮೆಗೂ ಕೊಹ್ಲಿ ಪಾತ್ರರಾಗಿದ್ದರು.
Virat Kohli lights up the biggest stage with a record 50th ODI century 👊#CWC23 | #INDvNZ pic.twitter.com/0nT93od7KE
— ICC (@ICC) November 15, 2023
ಮೊಹಮ್ಮದ್ ಶಮಿ
ವಿಶ್ವಕಪ್ ಟೂರ್ನಿಯಲ್ಲಿ ಮೊನಚಾದ ಬೌಲಿಂಗ್ ಪ್ರದರ್ಶನ ತೋರಿದ್ದ ಟೀಮ್ ಇಂಡಿಯಾದ ಅನುಭವಿ ಬೌಲರ್ ಮೊಹಮ್ಮದ್ ಶಮಿ 2023ರಲ್ಲಿ ಒಟ್ಟು 19 ಪಂದ್ಯಗಳನ್ನು ಆಡಿ 43 ವಿಕೆಟ್, 36 ರನ್ ಮತ್ತು 3 ಕ್ಯಾಚ್ ಹಿಡಿದ ಸಾಧನೆ ಮಾಡಿದ್ದಾರೆ. ವಿಶ್ವಕಪ್ ಟೂರ್ನಿಯಲ್ಲಿ ಶಮಿ ಅವರು ಕೇವಲ 7 ಪಂದ್ಯಗಳನ್ನು ಆಡಿ 24 ವಿಕೆಟ್‌ಗಳನ್ನು ಕಬಳಿಸಿ ಟೂರ್ನಿಯಲ್ಲಿ ಅತ್ಯಧಿಕ ವಿಕೆಟ್ ಕಿತ್ತ ಬೌಲರ್ ಎನಿಸಿಕೊಂಡಿದ್ದರು. ಎರಡು ಬಾರಿ ಐದು ವಿಕೆಟ್‌ಗಳು ಮತ್ತು ಒಂದು ಬಾರಿ ಏಳು ವಿಕೆಟ್ ಕಿತ್ತ ಸಾಧನೆ ಮಾಡಿದ್ದರು. ಶಮಿಯ ಘಾತಕ ಬೌಲಿಂಗ್ ಮುಂದೆ ಎದುರಾಳಿ ತಂಡದ ಬ್ಯಾಟರ್ಗಳು ರನ್ ಗಳಿಸಲು ಪರದಾಟ ನಡೆಸಿದ್ದರು.
ಇದನ್ನೂ ಓದಿ IND vs SA 2nd Test: ಪಂದ್ಯ ಗೆದ್ದು ನೂತನ ದಾಖಲೆ ಬರೆದ ಭಾರತ ತಂಡ
ಶುಭಮನ್ ಗಿಲ್
ಟೀಮ್ ಇಂಡಿಯಾದ ಯುವ ಬ್ಯಾಟರ್ ಶುಭಮನ್ ಗಿಲ್ 2023ರಲ್ಲಿ 29 ಏಕದಿನ ಪಂದ್ಯಗಳನ್ನಾಡಿ 63.36 ಸರಾಸರಿಯಲ್ಲಿ 1584 ರನ್ ಬಾರಿಸಿದ್ದಾರೆ. 24 ಕ್ಯಾಚ್‌ಗಳನ್ನು ಸಹ ಪಡೆದಿದ್ದಾರೆ. ಒಟ್ಟು ಐದು ಶತಕ ಮತ್ತು ಒಂದು ದ್ವಿಶತಕ ಕೂಡ ಬಾರಿಸಿದ್ದಾರೆ. ಏಕದಿನ ವಿಶ್ವಕಪ್ನಲ್ಲಿ ಶುಭ್ಮನ್ ಗಿಲ್ ಒಟ್ಟು 354 ರನ್ ಬಾರಿಸಿದ್ದರು.
A hat-trick of sixes to get to his double hundred ⭐
— ICC (@ICC) January 18, 2023
Shubman Gill becomes the fifth Indian player to get to an ODI double ton 🤩#INDvNZ | 📝: https://t.co/raJtMjMaEn pic.twitter.com/UNSRQK11Rt
ಡೇರಿಯಲ್ ಮಿಚೆಲ್
ನ್ಯೂಜಿಲ್ಯಾಂಡ್ ತಂಡದ ಮಧ್ಯಮ ಕ್ರಮಾಂಕದ ಸ್ಟಾರ್ ಆಟಗಾರ ಡೇರಿಯಲ್ ಮಿಚೆಲ್ ಕಳೆದ ವರ್ಷ 26 ಏಕದಿನ ಪಂದ್ಯ ಆಡಿ 1204 ರನ್ ಬಾರಿಸಿದ್ದರೆ ಜತೆಗೆ 9 ವಿಕೆಟ್ ಮತ್ತು 22 ಕ್ಯಾಚ್‌ಗಳನ್ನು ಸಹ ಪಡೆದಿದ್ದಾರೆ. ಏಕದಿನ ವಿಶ್ವಕಪ್ನಲ್ಲಿ ಭಾರತ ವಿರುದ್ಧ ಲೀಗ್ ಮತ್ತು ಸೆಮಿಫೈನಲ್ ಪಂದ್ಯದಲ್ಲಿ ಶತಕ ಬಾರಿಸಿ ಮಿಂಚಿದ್ದರು. ಒಟ್ಟಾರೆ ಅವರು ಆಡಿದ 10 ಪಂದ್ಯಗಳಿಂದ 552 ರನ್ ಬಾರಿಸಿದ್ದರು.