ಮುಂಬಯಿ: ಭಾರತ ಮಹಿಳಾ ಕ್ರಿಕೆಟ್ ತಂಡದ ಸ್ಟಾರ್ ಆಟಗಾರ್ತಿ ಸ್ಮೃತಿ ಮಂಧಾನ(Smriti Mandhana) ಟಿ20 ಕ್ರಿಕೆಟ್ನಲ್ಲಿ(T20 Cricket) ದಾಖಲೆಯೊಂದನ್ನು ಬರೆದಿದ್ದಾರೆ. ಶುಕ್ರವಾರ ನಡೆದ ಆಸ್ಟ್ರೇಲಿಯಾ ವಿರುದ್ಧದ ಮೊದಲ ಟಿ20 ಪಂದ್ಯದಲ್ಲಿ ಅರ್ಧಶತಕ ಬಾರಿಸಿ ಮಿಂಚಿದ ಮಂಧಾನ ಚುಟುಕು ಮಾದರಿಯ ಕ್ರಿಕೆಟ್ನಲ್ಲಿ ಮೂರು ಸಾವಿರ ರನ್ ಪೂರೈಸಿದ ಸಾಧನೆ ಮಾಡಿದರು.
ಮಂಧಾನ ಟಿ20 ಕ್ರಿಕೆಟ್ನಲ್ಲಿ ಮೂರು ಸಾವಿರ ರನ್ ಪೂರ್ತಿಗೊಳಿಸುವ ಮೂಲಕ ಭಾರತೀಯ ಪುರುಷರ ತಂಡದ ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ ಮತ್ತು ಹರ್ಮನ್‌ಪ್ರೀತ್ ಕೌರ್ ಜತೆಗೆಗಿನ ಎಲೈಟ್ ಪಟ್ಟಿ ಸೇರ್ಪಡೆಗೊಂಡರು. ಜತೆಗೆ ವೇಗವಾಗಿ ಟಿ20 ಕ್ರಿಕೆಟ್ನಲ್ಲಿ 3000 ರನ್ ಗಳಿಸಿದ ಮೊದಲ ಭಾರತೀಯ ಮಹಿಳಾ ಆಟಗಾರ್ತಿ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.
🚨 Milestone 🚨
— BCCI Women (@BCCIWomen) January 5, 2024
3⃣0⃣0⃣0⃣ T20I runs & counting! 🙌 🙌
Congratulations, Smriti Mandhana 👏 👏
Follow the Match ▶️ https://t.co/rNWyVNHrmk #TeamIndia | #INDvAUS | @IDFCFIRSTBank pic.twitter.com/9m2VOSZYBW
ಇದಕ್ಕೂ ಮುನ್ನ ಕಡಿಮೆ ಇನಿಂಗ್ಸ್ನಲ್ಲಿ ಮೂರು ಸಾವಿರ ಟಿ20 ರನ್ ಮಾಡಿದ ಭಾರತೀಯ ಆಟಗಾರ್ತಿ ಎನ್ನುವ ದಾಖಲೆ ಹರ್ಮನ್‌ಪ್ರೀತ್ ಕೌರ್ ಹೆಸರಿನಲ್ಲಿತ್ತು. ಕಳೆದ ವರ್ಷ ನಡೆದಿದ್ದ ಮಹಿಳಾ ಟಿ20 ವಿಶ್ವಕಪ್ ಪಂದ್ಯದಲ್ಲಿ ಕೌರ್ ತಮ್ಮ 135ನೇ ಇನ್ನಿಂಗ್ಸ್‌ನಲ್ಲಿ 3000 ರನ್ ತಲುಪಿದ್ದರು. ಇದೀಗ ಮಂಧಾನ ಕೇವಲ 126 ಇನಿಂಗ್ಸ್ನಲ್ಲಿ 3052* ರನ್ ಗಳಿಸಿ ನೂತನ ದಾಖಲೆಯನ್ನು ತಮ್ಮ ಹೆಸರಿಗೆ ಬರೆದಿದ್ದಾರೆ.
ಇದನ್ನೂ ಓದಿ INDW vs AUSW: ಸ್ಮೃತಿ, ಶಫಾಲಿ ಬೊಂಬಾಟ್ ಬ್ಯಾಟಿಂಗ್; ಆಸೀಸ್ಗೆ ಹೀನಾಯ ಸೋಲು
2013ರಲ್ಲಿ 17 ವರ್ಷದಲ್ಲಿ ಮಂಧಾನ ಭಾರತ ಟಿ20 ಕ್ರಿಕೆಟ್ಗೆ ಪದಾರ್ಪಣೆ ಮಾಡಿದ್ದರು. ಎಡಗೈ ಆರಂಭಿಕ ಆಟಗಾರ್ತಿಯಾಗಿರುವ ಅವರು ಬಳಿಕ ಮೂರು ಮಾದರಿಯ ಕ್ರಿಕೆಟ್ನಲ್ಲಿ ಭಾರತ ತಂಡದ ಪ್ರಮುಖ ಆಟಗಾರ್ತಿಯಾಗಿ ಸ್ಥಾನ ಪಡೆದರು. ಟಿ20ಯಲ್ಲಿ ಒಟ್ಟು 23 ಅರ್ಧಶತಕ ಬಾರಿಸಿದ ದಾಖಲೆ ಹೊಂದಿದ್ದಾರೆ. ಆಸ್ಟ್ರೇಲಿಯಾ ವಿರುದ್ಧ ನಡೆದ ಮೊದಲ ಟಿ20 ಪಂದ್ಯದಲ್ಲಿ 7 ಬೌಂಡರಿ ಹಾಗೂ ಒಂದು ಸಿಕ್ಸರ್ನಿಂದ 54 ರನ್ ಗಳಿಸಿ ಗೆಲುವಿಗೆ 5 ರನ್ ಬೇಕಿದ್ದಾಗ ವಿಕೆಟ್ ಕೈ ಚೆಲ್ಲಿದರು. ಸಿಕ್ಸರ್ಗೆ ಬಾರಿಸಿದ ಚೆಂಡನ್ನು ಬೌಂಡರಿ ಲೈನ್ನಲ್ಲಿ ತಾಲಿಯಾ ಮೆಕ್‌ಗ್ರಾತ್ ಯಾರೂ ಊಹಿಸಿದ ರೀತಿಯಲ್ಲಿ ಮೇಲಕ್ಕೆ ಜಿಗಿದು ಕ್ಯಾಚ್ ಹಿಡಿಯುವ ಮೂಲಕ ಈ ವಿಕೆಟ್ ಪತನಕ್ಕೆ ಕಾರಣರಾದರು.
.@JemiRodrigues with the winning runs! 😃🙌#TeamIndia win the 1st T20I by 9 wickets and take a 1⃣-0⃣ lead in the series 👏👏
— BCCI Women (@BCCIWomen) January 5, 2024
Scorecard ▶️ https://t.co/rNWyVNHrmk#INDvAUS | @IDFCFIRSTBank pic.twitter.com/LAVr1uo3Yl
ಪಂದ್ಯ ಗೆದ್ದ ಭಾರತ
ನವಿ ಮುಂಬಯಿಯ ಡಿ.ವೈ ಪಾಟೀಲ್ ಸ್ಟೇಡಿಯಂನಲ್ಲಿ ನಡೆದ ಈ ಪಂದ್ಯದಲ್ಲಿ ಟಾಸ್ ಗೆದ್ದು ಬೌಲಿಂಗ್ ಆಯ್ದುಕೊಂಡ ಭಾರತ ತನ್ನ ಆಯ್ಕೆಗೆ ತಕ್ಕ ಪ್ರದರ್ಶನ ತೋರುವ ಮೂಲಕ ಎದುರಾಳಿ ಆಸೀಸ್ ತಂಡವನ್ನು 19.2 ಓವರ್ಗಳಲ್ಲಿ 141 ರನ್ಗೆ ಕಟ್ಟಿ ಹಾಕಿತು. ಬಳಿಕ ಗುರಿ ಬೆನ್ನಟ್ಟಿದ ಭಾರತ ಬ್ಯಾಟಿಂಗ್ನಲ್ಲಿಯೂ ಶ್ರೇಷ್ಠ ಪ್ರದರ್ಶನ ತೋರುವ ಮೂಲಕ 17.4 ಓವರ್ನಲ್ಲಿ ಕೇವಲ ಒಂದು ವಿಕೆಟ್ ಕಳೆದುಕೊಂಡು 145 ರನ್ ಬಾರಿಸಿ 9 ವಿಕೆಟ್ ಅಂತರದಿಂದ ಗೆದ್ದು ಬೀಗಿತು. ಶಫಾಲಿ ವರ್ಮ(64*) ಮತ್ತು ಸ್ಮೃತಿ ಮಂಧಾನ(54) ಅವರ ಅರ್ಧಶತಕ, ಬೌಲಿಂಗ್ನಲ್ಲಿ ಟಿಟಾಸ್‌ ಸಾಧು(4 ವಿಕೆಟ್) ಪರಾಕ್ರಮ ಭಾರತದ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿತು.