ಆಕ್ಲೆಂಡ್: ಬಾಂಗ್ಲಾದೇಶ ಬ್ಯಾಟರ್ ಸೌಮ್ಯ ಸರ್ಕಾರ್(Soumya Sarkar) ಬುಧವಾರ ನ್ಯೂಜಿಲ್ಯಾಂಡ್ ವಿರುದ್ಧದ ಎರಡನೇ ಏಕದಿನ ಪಂದ್ಯದಲ್ಲಿ ಆಕರ್ಷಕ ಶತಕ ಬಾರಿಸುವ ಮೂಲಕ ಕ್ರಿಕೆಟ್ ದಿಗ್ಗಜ ಸಚಿನ್ ತೆಂಡೂಲ್ಕರ್(Sachin Tendulkar) ಅವರ ದಾಖಲೆಯೊಂದನ್ನು ಮುರಿದಿದ್ದಾರೆ.
ಕಿವೀಸ್ ವಿರುದ್ಧದ ಪಂದ್ಯದಲ್ಲಿ ಎಡಗೈ ಆಟಗಾರನಾಗಿರುವ ಸೌಮ್ಯ ಸರ್ಕಾರ್ 151 ಎಸೆತಗಳಲ್ಲಿ 169 ರನ್ ಬಾರಿಸಿದರು. ಈ ಮೂಲಕ ಸಚಿನ್ ಅವರ ದಾಖಲೆಯೊಂದು ಪತನಗೊಂಡಿತು. ನ್ಯೂಜಿಲ್ಯಾಂಡ್ನಲ್ಲಿ ಅತಿದೊಡ್ಡ ಇನ್ನಿಂಗ್ಸ್ ಆಡಿದ ಏಷ್ಯಾದ ಮೊದಲ ಬ್ಯಾಟ್ಸ್‌ಮನ್ ಎಂಬ ಹೆಗ್ಗಳಿಕೆಗೆ ಸೌಮ್ಯ ಸರ್ಕಾರ್ ಪಾತ್ರರಾದರು. ಇದಕ್ಕೂ ಮುನ್ನ ಈ ದಾಖಲೆ ಸಚಿನ್ ತೆಂಡೂಲ್ಕರ್ ಹಸರಿನಲ್ಲಿತ್ತು.
ಸಚಿನ್ ತೆಂಡೂಲ್ಕರ್ ಅವರು ನ್ಯೂಜಿಲ್ಯಾಂಡ್ ವಿರುದ್ಧ 2009ರಲ್ಲಿ ಕ್ರೈಸ್ಟ್‌ಚರ್ಚ್‌ನಲ್ಲಿ ನಡೆದಿದ್ದ ಪಂದ್ಯದಲ್ಲಿ ತೆಂಡೂಲ್ಕರ್ ಅಜೇಯ 163 ರನ್ ಬಾರಿಸಿದ್ದರು. ಇದೀಗ 14 ವರ್ಷಗಳ ಬಳಿಕ ಸಚಿನ್ ದಾಖಲೆ ಮುರಿಯುವಲ್ಲಿ ಬಾಂಗ್ಲಾ ಆಟಗಾರ ಯಶಸ್ವಿಯಾದರು. ಅವರ ಈ ಸೊಗಾಸಾದ ಬ್ಯಾಟಿಂಗ್ ಇನಿಂಗ್ಸ್ನಲ್ಲಿ ಬರೋಬ್ಬರಿ 22 ಬೌಂಡರಿಗಳು ಮತ್ತು ಎರಡು ಸಿಕ್ಸರ್‌ಗಳು ಸಿಡಿದವು.
"Soumya Sarkar lights up Saxton Oval with a special knock, earning well-deserved applause from the crowd! 👏🏏 Spectacular moments in #NZvBAN. Cricket at its finest!" pic.twitter.com/jc8OIGbQ0g
— Hemant ( Sports Active ) (@hemantbhavsar86) December 20, 2023
ಸೋಲು ಕಂಡ ಬಾಂಗ್ಲಾ
ಸೌಮ್ಯ ಸರ್ಕಾರ್ ಅವರ ಶತಕದ ಹೊರತಾಗಿಯೂ ಬಾಂಗ್ಲಾದೇಶ ಈ ಪಂದ್ಯದಲ್ಲಿ ಸೋಲು ಕಂಡಿತು. ಮೊದಲು ಬ್ಯಾಟಿಂಗ್ ನಡೆಸಿದ ಬಾಂಗ್ಲಾದೇಶ 49.5 ಓವರ್ಗಳಲ್ಲಿ 291 ರನ್ಗಳಸಿ ಸವಾಲೊಡ್ಡಿತು. ಸ್ಪರ್ಧಾತ್ಮಕ ಮೊತ್ತವನ್ನು ಬೆನ್ನಟ್ಟಿದ ನ್ಯೂಜಿಲ್ಯಾಂಡ್ ಕೇವಲ ಮೂರು ವಿಕೆಟ್ ಕಳೆದುಕೊಂಡು 46.2 ಓವರ್ಗಳಲ್ಲಿ 296 ರನ್ ಗಳಿಸಿ ಗೆಲುವು ದಾಖಲಿಸಿತು.
ಚೇಸಿಂಗ್ ವೇಳೆ ನ್ಯೂಜಿಲ್ಯಾಂಡ್ ಪರ ಆರಂಭಿಕರಾದ ವಿಲ್ ಯಂಗ್ ಮತ್ತು ರಚಿನ್ ರವೀಂದ್ರ ಮೊದಲ ವಿಕೆಟ್ಗೆ 76 ರನ್ ಒಟ್ಟುಗೂಡಿಸಿ ಉತ್ತಮ ಅಡಿಪಾಯ ಹಾಕಿದರು. ರಚಿನ್ 7 ಬೌಂಡರಿ ಮತ್ತು 1 ಸಿಕ್ಸರ್ ನೆರವಿನಿಂದ 45 ರನ್ ಬಾರಿಸಿದರೆ, ವಿಲ್ ಯಂಗ್ 89 ರನ್ ಗಳಿಸಿದರು. ಅವರ ಈ ಅರ್ಧಶತಕದ ಇನಿಂಗ್ಸ್ನಲ್ಲಿ 8 ಬೌಂಡರಿ ಮತ್ತು 2 ಸಿಕ್ಸರ್ ದಾಖಲಾಯಿತು. ಮೂರನೇ ವಿಕೆಟ್ಗೆ ಆಡಲಿಳಿದ ಹೆನ್ಸಿ ನಿಕೋಲ್ಸ್ ಕೂಡ 95 ರನ್ ಬಾರಿಸಿದರು. ಕೇವಲ 5 ರನ್ ಅಂತರದಿಂದ ಶತಕ ತಪ್ಪಿಸಿಕೊಂಡರು.
ಇದನ್ನೂ ಓದಿ ಮುಂಬೈ ಇಂಡಿಯನ್ಸ್ ತೊರೆದರೇ ಸಚಿನ್ ತೆಂಡೂಲ್ಕರ್? ಪೋಸ್ಟ್ನಲ್ಲಿದೆ ಅಸಲಿಯತ್ತು!
A 7 wicket and Dulux ODI Series win in Nelson 🏏 Henry Nicholls (95), Will Young (89) and Rachin Ravindra (45) leading the batting effort. Catch up on the scores | https://t.co/M3gD9x3CYG. #NZvBAN pic.twitter.com/kLvQEdhJcY
— BLACKCAPS (@BLACKCAPS) December 20, 2023
ಅಂತಿಮ ಹಂತದಲ್ಲಿ ನಾಯಕ ಟಾಮ್ ಲ್ಯಾಥಂ(34) ಮತ್ತು ಟಾಮ್ ಬ್ಲಂಡೆಲ್(24) ಅಜೇಯ ರನ್ ಬಾರಿಸಿ ತಂಡವನ್ನು ಗೆಲುವಿನ ದಡ ಸೇರಿಸಿದರು. ಬಾಂಗ್ಲಾದೇಶ ಪರ ಸೌಮ್ಯ ಸರ್ಕಾರ್ ಹೊರತುಪಡಿಸಿ ಅನುಭವಿ ಹಾಗೂ ಹಿರಿಯ ಆಟಗಾರ ಮುಶ್ಫಿಕರ್ ರಹಿಂ 45 ರನ್ ಬಾರಿಸಿದರು. ಉಳಿದ ಆಟಗಾರರು ನಿರೀಕ್ಷಿತ ಬ್ಯಾಟಿಂಗ್ ನಡೆಸುವಲ್ಲಿ ವಿಫಲರಾದರು. ಕನಿಷ್ಠ ಇಬ್ಬರು ಆಟಗಾರರಾದರು 30 ಪ್ಲಸ್ ರನ್ ಬಾರಿಸುತ್ತಿದ್ದರೆ ಪಂದ್ಯದಲ್ಲಿ ಹಿಡಿತ ಸಾಧಿಸಬಹುದಿತ್ತು. ಈ ಪಂದ್ಯ ಗೆಲ್ಲುವ ಮೂಲಕ ಮೂರು ಪಂದ್ಯಗಳ ಸರಣಿಯಲ್ಲಿ ಕಿವೀಸ್2-0 ಮುನ್ನಡೆ ಸಾಧಿಸಿ, ಇನ್ನೊಂದು ಪಂದ್ಯ ಬಾಕಿ ಇರುವಂತೆಯೇ ಸರಣಿಯನ್ನು ವಶಪಡಿಸಿಕೊಂಡಿದೆ.