ಬೆಂಗಳೂರು: ರಾಯಲ್ ಚಾಲೆಂಜರ್ಸ್ ಬೆಂಗಳೂರು (Royal Challengers Bangalore) ತಂಡದ ಫೀಲ್ಡರ್ಗಳು ಎಸ್ಆರ್ಎಚ್ ವಿರುದ್ಧದ ಐಪಿಎಲ್ (IPL 2024) ಪಂದ್ಯದಲ್ಲಿ ಕನಿಷ್ಠ 22 ಬಾರಿ ಆಕಾಶದತ್ತ ನೋಡಿದ್ದಾರೆ. ಯಾಕೆ ಗೊತ್ತಾ. ಎಸ್ಆರ್ಎಚ್ ಬ್ಯಾಟರ್ಗಳು ಈ ಪಂದ್ಯದಲ್ಲಿ 22 ಸಿಕ್ಸರ್ಗಳನ್ನು ಸಿಡಿಸಿದ್ದಾರೆ. ಅಂದ ಹಾಗೆ ಇದು ಐಪಿಎಲ್ ಇತಿಹಾಸದಲ್ಲಿ ದಾಖಲೆ. ಇನಿಂಗ್ಸ್ವೊಂದರಲ್ಲಿ 21 ಸಿಕ್ಸರ್ಗಳನ್ನು ಬಾರಿಸಿ ಆರ್ಸಿಬಿ ಮಾಡಿದ್ದ ದಾಖಲೆಯನ್ನು ಎಸ್ಆರ್ಚ್ ಮುರಿದಿದೆ. ಅದೂ ಎಸ್ಆರ್ಎಚ್ ತಿರುದ್ದವೇ ಎನ್ನುವುದು ವಿಶೇಷ.
Abdul Samad in the house now 😎
— IndianPremierLeague (@IPL) April 15, 2024
Flurry of sixes at the Chinnaswamy 💥
Watch the match LIVE on @JioCinema and @StarSportsIndia 💻📱#TATAIPL | #RCBvSRH pic.twitter.com/eWFCtZ5Usq
ಸನ್ರೈಸರ್ಸ್ ಹೈದರಾಬಾದ್ ಈ ಪಂದ್ಯದಲ್ಲಿ 287 ರನ್ಗಳನ್ನು ಬಾರಿಸಿದ್ದು. ಫ್ರ್ಯಾಂಚೈಸ್ ಕ್ರಿಕೆಟ್ನಲ್ಲಿ ಇದುವರೆಗಿನ ಗರಿಷ್ಠ ಸ್ಕೋರ್ ಆಗಿದೆ. ಬೆಂಗಳೂರಿನ ಚಿನ್ನಸ್ವಾಮಿ ಸ್ಟೇಡಿಯಮ್ ಬ್ಯಾಟರ್ಗಳಿಗೆ ಸ್ವರ್ಗ ಎಂಬುದು ಗೊತ್ತಿರುವ ವಿಚಾರ. ಅದರಲ್ಲೂ ಹೊಡೆಬಡಿಯ ಬ್ಯಾಟರ್ಗಳು ಇದ್ದರೆ ಅಂದು ಹಬ್ಬ ಗ್ಯಾರಂಟಿ. ಅಂತೆಯೇ ಆರ್ಸಿಬಿ ವಿರುದ್ಧದ ಪಂದ್ಯದಲ್ಲಿ ಎಸ್ಆರ್ಎಚ್ ಬ್ಯಾಟರ್ಗಳು ಹಬ್ಬ ಮಾಡಿದ್ದಾರೆ.
ಗರಿಷ್ಠ ಸಿಕ್ಸರ್ಗಳ ದಾಖಲೆ ವಿವರ ಇಲ್ಲಿದೆ
22 ಸಿಕ್ಸರ್, ಎಸ್ಆರ್ಎಚ್ ತಂಡ, ಆರ್ಸಿಬಿ ವಿರುದ್ಧ, 2024, ಬೆಂಗಳೂರು
21 ಸಿಕ್ಸರ್, ಆರ್ಸಿಬಿ ತಂಡ, ಪಿಡಬ್ಲ್ಯುಐ ವಿರುದ್ಧ, 2013, ಬೆಂಗಳೂರು
20 ಸಿಕ್ಸರ್, ಆರ್ಸಿಬಿ ತಂಡ, ಜಿಎಲ್ ವಿರುದ್ಧ, 2016, ಬೆಂಗಳೂರು
20 ಸಿಕ್ಸರ್, ಡಿಸಿ ತಂಡ, ಜಿಎಲ್ ವಿರುದ್ಧ, 2017, ದೆಹಲಿ
20 ಸಿಕ್ಸರ್, ಎಂಐ ತಂಡ, ಎಸ್ಆರ್ಎಚ್ ವಿರುದ್ಧ, 2024, ಹೈದರಾಬಾದ್
ವೇಗದ ಶತಕದ ಪಟ್ಟಿಗೆ ಸೇರಿದ ಟ್ರಾವಿಸ್ ಹೆಡ್
ಬೆಂಗಳೂರು: ಐಪಿಎಲ್ 2024ರಲ್ಲಿ ಹಲವಾರು ದಾಖಲೆಗಳು ಮೂಡಿ ಬರುತ್ತಿವೆ. ಅಂತೆಯೇ ಸನ್ರೈಸರ್ಸ್ ಹೈದರಾಬಾದ್ ತಂಡದ ಆರಂಭಿಕ ಬ್ಯಾಟರ್ ಟ್ರಾವಿಸ್ ಹೆಡ್ (Travis Head) ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ (IPL 2024) co ಚ್ಚಲ ಶತಕ ಬಾರಿಸಿದ್ದಾರೆ. ಅದು ಕೂಡ ದಾಖಲೆಯ ವೇಗದ ಶತಕವಾಗಿ. ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದ ಆರ್ಸಿಬಿ ವಿರುದ್ಧದ ಪಂದ್ಯದಲ್ಲಿ ಹೆಡ್ 39 ಎಸೆತಗಳಲ್ಲಿ ಶತಕ ಬಾರಿಸಿದ್ದಾರೆ. ಇನ್ನಿಂಗ್ಸ್ ನ ಆರಂಭದಿಂದಲೂ ಅಬ್ಬರಿಸಿದ ಅವರು ಆರ್ಸಿಬಿ ಬೌಲರ್ಗಳ ಬುರುಡೆ ಮೇಲೆ ಬಾರಿಸಿದಂತೆ ಸಿಕ್ಸರ್ ಹಾಗೂ ಬೌಂಡರಿಗಳ ಸುರಿಮಳೆ ಸುರಿಸಿದರು. ಅಭಿಷೇಕ್ ಶರ್ಮಾ ಅವರೊಂದಿಗೆ ಪವರ್ ಪ್ಲೇನಲ್ಲಿ ಪ್ರಾಬಲ್ಯ ಸಾಧಿಸಿದ ಹೆಡ್, ಶತಕದ ಜೊತೆಯಾಟ ತಂದರು. ಬಳಿಕ ಹೆಡ್ ಹೆನ್ರಿಚ್ ಕ್ಲಾಸೆನ್ ಅವರೊಂದಿಗೆ ಅಬ್ಬರ ಮುಂದುವರಿಸಿದರು.
ಇದನ್ನೂ ಓದಿ: MS Dhoni : ಮುಂಬೈ ವಿರುದ್ಧದ ಗೆಲುವಿನ ಬಳಿಕ ಕೇಕ್ ಕಟ್ ಮಾಡಿದ ಎಂ. ಎಸ್. ಧೋನಿ
ಇದು ಐಪಿಎಲ್ ಇತಿಹಾಸದಲ್ಲಿ ಕ್ರಿಸ್ ಗೇಲ್, ಯೂಸುಫ್ ಪಠಾಣ್ ಮತ್ತು ಡೇವಿಡ್ ಮಿಲ್ಲರ್ ಬಳಿಕ ಇದು ನಾಲ್ಕನೇ ವೇಗದ ಶತಕವಾಗಿದೆ. ಹೆಡ್ ಆ ದಿನ 9 ಬೌಂಡರಿಗಳು ಮತ್ತು 8 ಸಿಕ್ಸರ್ ಗಳನ್ನು ಹೊಡೆದರು. ಪಂದ್ಯದ 13 ನೇ ಓವರ್ನಲ್ಲಿ ಲಾಕಿ ಫರ್ಗುಸನ್ ಹೆಡ್ ಅವರನ್ನು ಔಟ್ ಮಾಡಿದರು. ಆದರೆ ಆ ಹೊತ್ತಿಗೆ ಬ್ಯಾಟ್ಸ್ಮನ್ ಕೇವಲ 41 ಎಸೆತಗಳಲ್ಲಿ 102 ರನ್ ಗಳಿಸಿದ್ದರು.
- ಕ್ರಿಸ್ ಗೇಲ್, 30 ಎಸೆತ, ಆರ್ಸಿಬಿ ತಂಡ, ಪುಣೆ ವಿರುದ್ಧ , ಬೆಂಗಳೂರು, 23 ಏಪ್ರಿಲ್ 2013
- ಯೂಸುಫ್ ಪಠಾಣ್, 37 ಎಸೆತ, ರಾಜಸ್ಥಾನ್ ತಂಡ, ಮುಂಬೈ ವಿರುದ್ಧ, 13 ಮಾರ್ಚ್ 2010
- ಡೇವಿಡ್ ಮಿಲ್ಲರ್, 38 ಎಸೆತ ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡ, ಆರ್ಸಿಬಿ ವಿರುದ್ಧ, ಮೊಹಾಲಿ 6 ಮೇ 2013
- ಟ್ರಾವಿಸ್ ಹೆಡ್, 39 ಎಸೆತ ಎಸ್ಆರ್ಎಚ್ ತಂಡ, ಆರ್ಸಿಬಿ ವಿರುದ್ಧ, ಬೆಂಗಳೂರು 15 ಏಪ್ರಿಲ್ 2024
ಆಡಮ್ ಗಿಲ್ಕ್ರಿಸ್ಟ್, 42 ಎಸೆತ. ಡಿಸಿ ತಂಡ, ಮುಂಬೈ ವಿರುದ್ಧ, 27 ಏಪ್ರಿಲ್ 2008