ಲಖನೌ: ವಿಶ್ವ ಕಪ್ ಟೂರ್ನಿಯಲ್ಲಿ (ICC World Cup 2023 ) ಶ್ರೀಲಂಕಾ ತಂಡ ಮೊದಲ ಜಯ ದಾಖಲಿಸಿದೆ. ನೆದರ್ಲ್ಯಾಂಡ್ಸ್ ವಿರುದ್ಧದ ಹಣಾಹಣಿಯಲ್ಲಿ ಐದು ವಿಕೆಟ್ ಗೆಲುವು ಸಾಧಿಸಿದೆ. ಇದರೊಂದಿಗೆ ಅಂಕಪಟ್ಟಿಯಲ್ಲಿ ಒಂದು ಸ್ಥಾನ ಮೇಲಕ್ಕೇರಿ 9ರಲ್ಲಿ ಅವಕಾಶ ಪಡೆದಿದೆ. ನೆದರ್ಲ್ಯಾಂಡ್ಸ್ ತಂಡ ಸೋಲಿನ ಹೊರತಾಗಿಯೂ ಎಂಟನೇ ಸ್ಥಾನಕ್ಕೆ ಎಂಟ್ರಿಪಡೆದಿದೆ. ಆದರೆ, ಎಂಟರಲ್ಲಿದ್ದ ಅಫಘಾನಿಸ್ತಾನ ತಂಡ 10ನೇ ಸ್ಥಾನಕ್ಕೆ ಕುಸಿದಿದೆ. ಅಜೇಯ 91 ರನ್ ಬಾರಿಸಿದ ಲಂಕಾ ವಿಕೆಟ್ಕೀಪರ್ ಬ್ಯಾಟರ್ ಸದೀರಾ ಸಮರವಿಕ್ರಮ ಲಂಕಾ ಗೆಲುವಿನ ರೂವಾರಿ ಎನಿಸಿಕೊಂಡರು.
Sri Lanka score their first points of #CWC23 as they defeat the Netherlands by five wickets 👏#SLvNED pic.twitter.com/90cTAEFp7L
— ICC Cricket World Cup (@cricketworldcup) October 21, 2023
ಇಲ್ಲಿನ ಭಾರತರತ್ನ ಅಟಲ್ಬಿಹಾರಿ ವಾಜಪೇಯಿ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ನಡೆದ ಹಣಾಹಣಿಯಲ್ಲಿ ಟಾಸ್ ಗೆದ್ದ ನೆದರ್ಲ್ಯಾಂಡ್ಸ್ ತಂಡ ಮೊದಲು ಬ್ಯಾಟ್ ಮಾಡಿ 49.4 ಓವರ್ಗಳಲ್ಲಿ 262 ರನ್ ಬಾರಿಸಿತು. ಪ್ರತಿಯಾಗಿ ಬ್ಯಾಟ್ ಮಾಡಿದ ಲಂಕಾ ಬಳಗ ಇನ್ನೂ 10 ಎಸೆತಗಳು ಬಾಕಿ ಇರುವಂತೆಯೇ 5 ವಿಕೆಟ್ ನಷ್ಟಕ್ಕೆ 263 ರನ್ ಬಾರಿಸಿ ಗೆಲುವು ಕಂಡಿತು.
ಈ ಸುದ್ದಿಗಳನ್ನು ಓದಿ
ICC World Cup 2023 : ಬಾಂಗ್ಲಾ ಹುಲಿಯ ಹೊಟ್ಟೆ ಸೀಳಿದ ಭಾರತೀಯ ಅಭಿಮಾನಿಗಳು; ಎಲ್ಲೆಡೆಯಿಂದ ಟೀಕೆ
‘ತಂಡ ಮೊದಲು, ದಾಖಲೆ ಆ ಮೇಲೆ’ ಕೊಹ್ಲಿಗೆ ಬುದ್ಧಿವಾದ ಹೇಳಿದ ಟೆಸ್ಟ್ ಸ್ಪೆಷಲಿಸ್ಟ್
IND vs NZ: ನ್ಯೂಜಿಲ್ಯಾಂಡ್ ಪಂದ್ಯಕ್ಕೆ ಟೀಮ್ ಇಂಡಿಯಾದಲ್ಲಿ 2 ಬದಲಾವಣೆ
ದೊಡ್ಡ ಮೊತ್ತವನ್ನು ಬೆನ್ನಟ್ಟಲು ಆರಂಭಿಸಿದ ಲಂಕಾ ತಂಡ 18 ರನ್ಗೆ ಮೊದಲ ವಿಕೆಟ್ ನಷ್ಟ ಮಾಡಿಕೊಂಡರೆ 52 ರನ್ಗೆ 2ನೇ ವಿಕೆಟ್ ಕಳೆದುಕೊಂಡಿತು. ಆದರೆ ಆ ಬಳಿಕ ಕ್ರೀಸ್ಗೆ ಬಂದ ಸದೀರಾ ಸಮರವಿಕ್ರಮ ಅಮೋಘ ಬ್ಯಾಟಿಂಗ್ ಪ್ರದರ್ಶನ ನೀಡಿದರು. 107 ಎಸೆತಗಳನ್ನು ಎದುರಿಸಿದ ಅವರು 7 ಫೋರ್ಗಳ ಸಮೇತ 91 ರನ್ ಬಾರಿಸಿದರು. ಆರಂಭದಲ್ಲಿ ಅವರಿಗೆ ಚರಿತ್ ಅಸಲಂಕಾ 44 ಬಾರಿಸಿ ಉತ್ತಮ ಸಾಥ್ ಕೊಟ್ಟರು. ಅದಕ್ಕಿಂತ ಮೊದಲು ಆರಂಭಿಕ ಬ್ಯಾಟರ್ ಪಾಥುಮ್ ನಿಸ್ಸಾಂಕ (52) ಅರ್ಧ ಶತಕ ಬಾರಿಸಿ ತಂಡದ ಗೆಲುವಿಗೆ ಮುನ್ನುಡಿ ಬರೆದರು. ಕೊನೆಯಲ್ಲಿ ಧನಂಜಯ ಡಿಸಿಲ್ವಾ 30 ರನ್ ಬಾರಿಸಿ ತಂಡವನ್ನು ಗೆಲುವಿನ ಸನಿಹ ಕೊಂಡೊಯ್ದರು. ನೆದರ್ಲ್ಯಾಂಡ್ಸ್ ಪರ ಆರ್ಯನ್ ದತ್ 44 ರನ್ಗಳಿಗೆ 3 ವಿಕೆಟ್ ಉರುಳಿಸಿದರು.
ಕೊನೇ ಕ್ಷಣ ಬ್ಯಾಟಿಂಗ್
ಮೊದಲು ಬ್ಯಾಟ್ ಮಾಡಿದ ನೆದರ್ಲ್ಯಾಂಡ್ಸ್ ತಂಡ ಎಂದಿನಂತೆಯೇ ಪೇಲವ ಪ್ರದರ್ಶನ ನೀಡಿರು. 71 ರನ್ಗಳಿಗೆ ತಂಡದ ಮೊದಲ ಐದು ವಿಕೆಟ್ಗಳು ಉರುಳಿದವು. 91 ರನ್ಗಳಿಗೆ ಆರನೇ ವಿಕೆಟ್ ಕೂಡ ಪತನಗೊಂಡಿತು. ಈ ಡಚ್ಚರ ಬಳಗ 150 ರನ್ಗೆ ಸೀಮಿತಗೊಳ್ಳಬಹುದು ಎಂದು ಅಂದಾಜಿಸಲಾಗಿತ್ತು. ಆದರೆ, ಸೈಬ್ರಾಂಡ್ (70) ಹಾಗೂ ಲೋಗೊನ್ ವ್ಯಾನ್ ಬೀಕ್ (59) ಏಳನೇ ವಿಕೆಟ್ಗೆ 130 ರನ್ಗಳ ಜತೆಯಾಟವಾಡಿದರು. ಇವರಿಬ್ಬರ ರನ್ ಗಳಿಕೆ ನೆರವಿನಿಂದ ಆಲ್ಔಟ್ ಆಗುವ ಮೊದಲು 262 ರನ್ ಬಾರಿಸಿತು. ಲಂಕಾ ಪರ ಮದುಶಂಕಾ ಹಾಗೂ ಕಸುನ್ ರಜಿತಾ ತಲಾ 4 ವಿಕೆಟ್ ಉರುಳಿಸಿದರು.