ಲಂಡನ್: ಆ್ಯಶಸ್ ಸರಣಿಯ ಅಂತಿಮ ಟೆಸ್ಟ್ ಪಂದ್ಯ ಆಡುವ ಮೂಲಕ ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ವಿದಾಯ ಹೇಳಿದ ಇಂಗ್ಲೆಂಡ್ ತಂಡದ ಪ್ರಧಾನ ವೇಗಿ ಸ್ಟುವರ್ಟ್ ಬ್ರಾಡ್(Stuart Broad) ಅವರಿಗೆ ಯುವರಾಜ್ ಸಿಂಗ್(Yuvraj Singh) ಅಭಿನಂದನೆ ಸಲ್ಲಿಸಿದ್ದಾರೆ. ಬ್ರಾಡ್ ಅವರ ಓವರ್ನಲ್ಲಿ 6 ಸಿಕ್ಸರ್ ಬಾರಿಸಿದರೂ ಯುವಿ ಅವರು ಬ್ರಾಡ್ ಅವರನ್ನು ಲೆಜೆಂಡ್ ಆಟಗಾರ ಎಂದು ಗುಣಗಾನ ಮಾಡಿದ್ದಾರೆ.
ಟ್ವೀಟ್ ಮೂಲಕ ಬ್ರಾಡ್ ಅವರ ಸಾಧನೆಯನ್ನು ಕೊಂಡಾಡುವ ಮೂಲಕ ಅವರ ನಿವೃತ್ತ ಕ್ರಿಕೆಟ್ ಬದುಕಿಗೆ ಶುಭಹಾರೈಸಿದ್ದಾರೆ. “ಟೆಸ್ಟ್ ಕ್ರಿಕೆಟ್ನ ಅತ್ಯಂತ ಶ್ರೇಷ್ಠ ಬೌಲರ್ಗಳಲ್ಲಿ ನೀವು ಕೂಡ ಒಬ್ಬರು. ರೆಡ್ ಬೌಲ್ ಕ್ರಿಕೆಟ್ನಲ್ಲಿ ನಿಮ್ಮ ಸಾಧನೆ ಅದ್ಭುತ. ನಿಜವಾದ ದಂತಕಥೆ. ನಿಮ್ಮ ಪಯಣ ಮತ್ತು ಸಂಕಲ್ಪವು ಸ್ಪೂರ್ತಿದಾಯಕವಾಗಿದೆ. ಮುಂದಿನ ಪಯಣಕ್ಕೆ ಶುಭವಾಗಲಿ” ಎಂದು ಯುವರಾಜ್ ಶುಭಹಾರೈಸಿದ್ದಾರೆ.
ವಿದಾಯದ ಸಂದರ್ಭದಲ್ಲಿ ಯುವರಾಜ್ ಸಿಂಗ್ ಬಗ್ಗೆ ಬ್ರಾಡ್ ವಿಶೇಷವಾಗಿ ಮಾತನಾಡಿ, ಅಂದು ಯುವಿ ನನ್ನ ಓವರ್ನಲ್ಲಿ 6 ಸಿಕ್ಸರ್ ಬಾರಿಸದೇ ಹೋಗುತ್ತಿದ್ದರೆ ನಾನು ಕ್ರಿಕೆಟ್ನಲ್ಲಿ ಈ ಮಟ್ಟದ ಸಾಧನೆ ಮಾಡಲು ಸಾಧ್ಯವಾಗುತ್ತಿಲ್ಲ. ಅವರು ಬಾರಿಸಿದ ಸಿಕ್ಸರ್ನಿಂದ ನನಗೆ ಕ್ರಿಕೆಟ್ನಲ್ಲಿ ಏನಾದರೂ ಸಾಧಿಸಬೇಕು ಎಂಬ ಛಲ ಹುಟ್ಟಿಕೊಂಡಿತು. ಒಂದರ್ಥದಲ್ಲಿ ಅವರೂ ಕೂಡ ನನಗೆ ಸ್ಪೂರ್ತಿ ಎಂದು ಹೇಳಿದ್ದರು.
ಇದನ್ನೂ ಓದಿ Stuart Broad: ಯುವಿಯಿಂದ 6 ಸಿಕ್ಸರ್ ಚಚ್ಚಿಸಿಕೊಂಡ ಸ್ಟುವರ್ಟ್ ಬ್ರಾಡ್ ಕ್ರಿಕೆಟ್ಗೆ ವಿದಾಯ
Take a bow @StuartBroad8 🙇🏻♂️
— Yuvraj Singh (@YUVSTRONG12) July 30, 2023
Congratulations on an incredible Test career 🏏👏 one of the finest and most feared red ball bowlers, and a real legend!
Your journey and determination have been super inspiring. Good luck for the next leg Broady! 🙌🏻 pic.twitter.com/d5GRlAVFa3
ಟಿ20 ಇತಿಹಾಸದ ಮೊದಲ ವಿಶ್ವಕಪ್‌ ನಡೆದಿದ್ದು 2007ರಲ್ಲಿ.(2007 t20 world cup) ಈ ಕೂಟದಲ್ಲಿ ಹಲವು ಅಚ್ಚರಿಗಳು, ಮರೆಯಲಾಗದ ಘಟನೆಗಳು ನಡೆದವು. ಅದರಲ್ಲಿ ಯುವರಾಜ್ ಸಿಂಗ್ ಸತತ 6 ಸಿಕ್ಸರ್‌ಗಳನ್ನು ಬಾರಿಸಿದ್ದು ಅತ್ಯಂತ ಮಹತ್ವದ್ದು. ಇಂಗ್ಲೆಂಡ್ ವಿರುದ್ಧ ಅತ್ಯಂತ ಮಹತ್ವದ ಪಂದ್ಯದಲ್ಲಿ ಮೊದಲು ಬ್ಯಾಟ್‌ ಮಾಡಿದ ಭಾರತದ ಪರ 19ನೇ ಓವರ್ನಲ್ಲಿ ಯುವರಾಜ್ ಸಿಂಗ್ ಅವರನ್ನು ಇಂಗ್ಲೆಂಡ್ ನಾಯಕ ಆ್ಯಂಡ್ರೂ ಫ್ಲಿಂಟಾಫ್ ಕೆಣಕಿದರು. ಇದರಿಂದ ಕೋಪಗೊಂಡ ಯುವಿ ಸ್ಟುವರ್ಟ್ ಬ್ರಾಡ್ ಅವರ ಓವರ್ನಲ್ಲಿ ನಂಬಲಸಾಧ್ಯ ರೀತಿಯಲ್ಲಿ ಸತತ 6 ಸಿಕ್ಸರ್ ಬಾರಿಸಿದರು. ಇದು ಅಂತಾರಾಷ್ಟ್ರೀಯ ಟಿ20ಯಲ್ಲಿ ಬಾರಿಸಲ್ಪಟ್ಟ ಮೊದಲ ಸತತ 6 ಸಿಕ್ಸರ್‌ಗಳ ದಾಖಲೆಯಾಗಿ ಹೊರಹೊಮ್ಮಿತು. ಆದರೆ 21 ವರ್ಷದ ಸ್ಟುವರ್ಟ್ ಬ್ರಾಡ್ ಅಂದು ಇಂಗ್ಲೆಂಡ್ ಪಾಲಿಗೆ ಕಳನಾಯಕನಾದರು.