ಟೀಮ್ ಇಂಡಿಯಾದ ಬ್ಯಾಟರ್ ಸೂರ್ಯಕುಮಾರ್ ಯಾದವ್(Suryakumar Yadav) ಶಸ್ತ್ರಚಿಕಿತ್ಸೆಗೆ ಒಳಗಾದ ನಂತರ ಮೊದಲ ಬಾರಿಗೆ ನೆಟ್ಸ್ನಲ್ಲಿ ಬ್ಯಾಟಿಂಗ್ ಅಭ್ಯಾಸ ನಡೆಸಿದ್ದಾರೆ. ಈ ವಿಡಿಯೊವನ್ನು ಅವರು ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.
ಕಳೆದ ವರ್ಷದ ಡಿಸೆಂಬರ್ನಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧದ ಟಿ20 ಸರಣಿಯಲ್ಲಿ ಆಡುತ್ತಿದ್ದ ವೇಳೆ ಸೂರ್ಯಕುಮಾರ್ ಫೀಲ್ಡಿಂಗ್ ಮಾಡುವಾಗ ಪಾದದ ಗಾಯಕ್ಕೀಡಾಗಿದ್ದರು. ಹಿಗಾಗಿ ಅವರನ್ನು ಬಿಸಿಸಿಐ, ವರ್ಷಾರಂಭದ ಅಪಘಾನಿಸ್ತಾನ ವಿರುದ್ಧದ ಸರಣಿಯಿಂದ ಕೈಬಿಟ್ಟು ಲಂಡನ್ನಲ್ಲಿ ಶಸ್ತ್ರಚಿಕಿತ್ಸೆ ಮಾಡಿಸಿತ್ತು. ಸದ್ಯ ಚೇತರಿಕೆ ಕಂಡಿರುವ ಸೂರ್ಯಕುಮಾರ್ ನೆಟ್ಸ್ನಲ್ಲಿ ಸಣ್ಣ ಪ್ರಮಾಣದಲ್ಲಿ ಬ್ಯಾಟಿಂಗ್ ಅಭ್ಯಾಸ ಶುರು ಮಾಡಿದ್ದಾರೆ.
33ರ ಹರೆಯದ ಸೂರ್ಯಕುಮಾರ್ ಅವರು ನೆಟ್ ಪ್ರಾಕ್ಟೀಸ್ ಮಾಡುವ ವಿಡಿಯೊವನ್ನು ಮುಂಬೈ ಇಂಡಿಯನ್ಸ್ ಕೂಡ ಶೇರ್ ಮಾಡಿಕೊಂಡಿದೆ. ಸೂರ್ಯ ಮುಂಬೈ ತಂಡದ ಆಟಗಾರನಾಗಿದ್ದಾರೆ. ಮಾರ್ಚ್ 22ರಿಂದ ಆರಂಭಗೊಳ್ಳಲಿರುವ ಮೊದಲ ಹಂತದ ಐಪಿಎಲ್ ಪಂದ್ಯಗಳಿಗಾಗಿ ಈಗಾಗಲೇ ಎಲ್ಲ ಫ್ರಾಂಚೈಸಿಗಳು ಅಭ್ಯಾಸ ಆರಂಭಿಸಿದೆ.
Suryakumar Yadav had Started batting in the nets after recovering from his surgery ahead of #IPL2024 pic.twitter.com/wFZlyQv6HM
— Priyanka Joshi (@Priyank79476502) March 6, 2024
ನಂ. 1 ಟಿ20 ಬ್ಯಾಟರ್ ಆಗಿರುವ ಸೂರ್ಯಕುಮಾರ್ ಯಾದವ್, ಟಿ20 ಕ್ರಿಕೆಟ್ನಲ್ಲಿ ಅತ್ಯಂತ ಯಶಸ್ವಿ ಆಟಗಾರನಾಗಿ ಗುರುತಿಸಿಕೊಂಡಿದ್ದಾರೆ. ಅತ್ಯಂತ ಕಡಿಮೆ ಪಂದ್ಯಗಳಿಂದ ಹೆಚ್ಚಿನ ರನ್ ಕಲೆ ಹಾಕಿದ ಸಾಧನೆಯೂ ಇವರದ್ದಾಗಿದೆ. 2021 ರಲ್ಲಿ ಅವರು ಭಾರತ ಪರ ತಮ್ಮ ಚೊಚ್ಚಲ ಟಿ20 ಪಂದ್ಯ ಆಡಿದ್ದರು. ಇದುವರೆಗೆ ಭಾರತ ಪರ 60 ಟಿ20 ಪಂದ್ಯಗಳನ್ನು ಆಡಿ 45.55 ಸರಾಸರಿಯಲ್ಲಿ 2,141 ರನ್ ಬಾರಿಸಿದ್ದಾರೆ. ನಾಲ್ಕು ಶತಕ ಮತ್ತು 17 ಅರ್ಧ ಶತಕಗಳನ್ನು ಸಿಡಿಸಿದ್ದಾರೆ. 2023 ಐಪಿಎಲ್ನಲ್ಲಿ ಮುಂಬೈ ಇಂಡಿಯನ್ಸ್ ಪರ 605 ರನ್‌ಗಳನ್ನು ಸೂರ್ಯಕುಮಾರ್ ಬಾರಿಸಿದ್ದರು.
ಇದನ್ನೂ ಓದಿ IPL 2024: ಅಭಿಮಾನಿಗಳಿಗೆ ಸಿಹಿ ಸುದ್ದಿ; ಸಂಪೂರ್ಣ ಐಪಿಎಲ್ ಆಡಲಿದ್ದಾರೆ ಈ ಸ್ಟಾರ್ ಆಟಗಾರ
ಐಪಿಎಲ್ ಆರಂಭಿಕ ಪಂದ್ಯಗಳಿಗೆ ಅನುಮಾನ
ಸದ್ಯ ಸೂರ್ಯಕುಮಾರ್ ಅವರು ಬೆಂಗಳೂರಿನಲ್ಲಿ ರಾಷ್ಟ್ರೀಯ ಕ್ರಿಕೆಟ್ ಅಕಾಡೆಮಿ(ಎನ್ಸಿಎ)ಯಲ್ಲಿ ಫಿಟ್ನೆಸ್ ತರಬೇತಿ ಪಡೆಯುತ್ತಿದ್ದಾರೆ. ಜತೆಗೆ ಬ್ಯಾಟಿಂಗ್ ಅಭ್ಯಾಸ ಕೂಡ ನಡೆಸುತ್ತಿದ್ದಾರೆ. ಮೂಲಗಳ ಪ್ರಕಾರ ಸೂರ್ಯಕುಮಾರ್ ಅವರು ಮೊದಲ ಹಂತದ ಐಪಿಎಲ್ ಪಂದ್ಯಗಳಿಗೆ ಅಲಭ್ಯರಾಗುವ ಸಾಧ್ಯತೆ ಅಧಿಕ ಎಂದು ತಿಳಿದುಬಂದಿದೆ. ಏಕೆಂದರೆ ಅವರ ಫಿಟ್ನೆಸ್ ಇನಷ್ಟೇ ತಿಳಿಯಬೇಕಿದೆ. ಬಿಸಿಸಿಐ ಕೂಡ ಸೂರ್ಯ ಅವರನ್ನು ಸಂಪೂರ್ಣ ಫಿಟ್ ಆಗದ ಹೊರತು ಐಪಿಎಲ್ ಆಡಲು ಅನುಮತುಇ ನೀಡುವುದು ಸದ್ಯಕ್ಕೆ ಕಷ್ಟದ ಮಾತು. ಏಕೆಂದರೆ ಟಿ20 ವಿಶ್ವ ಕಪ್ ಟೂರ್ನಿ ಆರಂಭಕ್ಕೂ ಇನ್ನು ಹೆಚ್ಚಿನ ಕೆಲವೇ ತಿಂಗಳು ಬಾಕಿ ಇದೆ. ಐಪಿಎಲ್ ಆಡಿ ಮತ್ತೆ ಗಾಯಗೊಂಡರೆ ಕಷ್ಟ ಎನ್ನುವ ನಿಟ್ಟಿನಲ್ಲಿ ಬಿಸಿಸಿಐ ಕೂಡ ಮುಂಜಾಗ್ರತೆ ವಹಿಸುವ ಸಾಧ್ಯತೆ ಇದೆ.
ಈ ಬಾರಿ ಮುಂಬೈ ತಂಡವನ್ನು ಹಾರ್ದಿಕ್ ಪಾಂಡ್ಯ ಮುನ್ನಡೆಸಲಿದ್ದಾರೆ. ರೋಹಿತ್ ಅವರನ್ನು ತಂಡದ ನಾಯಕತ್ವದಿಂದ ಕೈಬಿಟ್ಟದ್ದಕ್ಕೆ ಸೂರ್ಯಕುಮಾರ್ ಅವರು ಒಡೆದು ಹೋದ ಹೃದಯದ ಎಮೊಜಿಯನ್ನು ಪೋಸ್ಟ್ ಮಾಡಿ ಫ್ರಾಂಚೈಸಿ ವಿರುದ್ಧ ಪರೋಕ್ಷ ಅಸಮಾಧಾನ ಹೊರಹಾಕಿದ್ದರು.