ಅಡಿಲೇಡ್: ಟಿ20 ವಿಶ್ವ ಕಪ್(T20 World Cup)ನ ಬುಧವಾರದ ನೆದರ್ಲೆಂಡ್ಸ್ ವಿರುದ್ಧದ ಪಂದ್ಯದಲ್ಲಿ ಫೀಲ್ಡಿಂಗ್ ನಡೆಸುತ್ತಿದ್ದ ಜಿಂಬಾಬ್ವೆ ತಂಡದ ಆಟಗಾರ ಮಿಲ್ಟನ್ ಶುಂಬಾ ಅವರ ಪ್ಯಾಂಟ್ ಕಳಚಿದ ಪ್ರಸಂಗ ನಡೆದಿದೆ. ಬೌಂಡರಿ ರೋಪ್ ಮೇಲೆ ಬಿದ್ದು ಜಾರಿದ ಪರಿಣಾಮ ಶುಂಬಾ ಅವರ ಪ್ಯಾಂಟ್ ಕಳಚಿದೆ. ಈ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಅಡಿಲೇಡ್ ಓವಲ್ ಮೈದಾನದಲ್ಲಿ ನಡೆದ ದಿನದ ಮೊದಲ ಮುಖಾಮುಖಿಯಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ನಡೆಸಿದ ಜಿಂಬಾಬ್ವೆ ತಂಡ 19.2 ಓವರ್ಗಳಲ್ಲಿ 117ಕ್ಕೆ ಆಲೌಟ್ ಆಯಿತು. ಗುರಿ ಬೆನ್ನಟ್ಟಿದ ನೆದರ್ಲೆಂಡ್ಸ್ 18 ಓವರ್ಗಳಲ್ಲಿ 5 ವಿಕೆಟ್ಗೆ 120 ರನ್ ಬಾರಿಸಿ ಗೆಲುವಿನ ನಗೆ ಬೀರಿತು. ಚೇಸಿಂಗ್ ವೇಳೆ ಮ್ಯಾಕ್ಸ್ ಒ’ಡೌಡ್(52) ಮತ್ತು ಟಾಮ್ ಕೂಪರ್ (32) ಉತ್ತಮ ಜತೆಯಾಟ ನಡೆಸುವ ಮೂಲಕ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು.
ನೆದರ್ಲೆಂಡ್ಸ್ ತಂಡದ ಚೇಸಿಂಗ್ ವೇಳೆ ಮ್ಯಾಕ್ಸ್ ಒ’ಡೌಡ್ ಹೊಡೆದ ಚೆಂಡನ್ನು ಬೌಂಡರಿ ಲೈನ್ನಲ್ಲಿ ಡೈವಿಂಗ್ ಮೂಲಕ ಕ್ಯಾಚ್ ಹಿಡಿಯಲು ಯತ್ನಿಸಿದ ಶುಂಬಾ ಬೌಂಡರಿ ರೋಪ್ ಮೇಲೆ ಬಿದ್ದ ಪರಿಣಾಮ ಅವರ ಪ್ಯಾಂಡ್ ಹಗ್ಗಕ್ಕೆ ಸಿಲುಕಿ ಜಾರಿದೆ. ಇದೇ ವಿಡಿಯೊವನ್ನು ಮುಂದಿಟ್ಟು ಕೆಲವರು ಸಾಮಾಜಿಕ ಜಾಲತಾಣದಲ್ಲಿ ಟ್ರೋಲ್ ಮಾಡಿದ್ದಾರೆ. ಮೊದಲು ಸರಿಯಾಗಿ ಪ್ಯಾಂಟ್ ಕಟ್ಟಿಕೊಳ್ಳಲು ಕಲಿತುಕೊಳ್ಳಿ ಬಳಿಕ ಕ್ಯಾಚ್ ಹಿಡಿಯಲು ಪ್ರಯತ್ನ ಮಾಡಿ ಎಂದು ಟ್ರೋಲ್ ಮಾಡಿದ್ದಾರೆ.
ಇದನ್ನೂ ಓದಿ | Indian 2 Film | ʻಇಂಡಿಯನ್‌ 2ʼ ಚಿತ್ರದಲ್ಲಿ ಬಣ್ಣ ಹಚ್ಚುತ್ತಿದ್ದಾರೆ ಖ್ಯಾತ ಕ್ರಿಕೆಟರ್‌ ತಂದೆ, ಯಾರವರು?