ಪಾರ್ಲ್: ಭಾರತ ತಂಡ ದಕ್ಷಿಣ ಆಫ್ರಿಕಾ ವಿರುದ್ಧದ(South Africa vs India, 3rd ODI) ಮೂರು ಪಂದ್ಯಗಳ ಏಕದಿನ ಸರಣಿಯಲ್ಲಿ 2-1 ಅಂತರದ ಗೆಲುವು ಸಾಧಿಸಿ ಸರಣಿ ಗೆದ್ದ ಸಂಭ್ರದಲ್ಲಿದೆ. ಅಂತಿಮ ಪಂದ್ಯದಲ್ಲಿ ಟೀಮ್ ಇಂಡಿಯಾ(Most ODI wins in a calendar year) ಗೆಲುವು ದಾಖಲಿಸುವ ಮೂಲಕ ಆಸ್ಟ್ರೇಲಿಯಾದ ಹೆಸರಿನಲ್ಲಿದ್ದ ದಾಖಲೆಯೊಂದನ್ನು ಹಿಂದಿಕ್ಕಿದೆ.
ಕ್ಯಾಲೆಂಡರ್ ವರ್ಷವೊಂದರಲ್ಲಿ ಏಕದಿನ ಕ್ರಿಕೆಟ್ನಲ್ಲಿ(Most ODI Wins) ಅತ್ಯಧಿಕ ಗೆಲುವು ಸಾಧಿಸಿದ ದ್ವಿತೀಯ ತಂಡ ಎನ್ನುವ ಕೀರ್ತಿಗೆ ಟೀಮ್ ಇಂಡಿಯಾ ಪಾತ್ರವಾಗಿದೆ. ಈ ಮೂಲಕ ಆಸ್ಟ್ರೇಲಿಯಾ 1999ರಲ್ಲಿ ದಾಖಲಿಸಿದ್ದ 26 ಗೆಲುವಿನ ದಾಖಲೆಯನ್ನು ಹಿಂದಿಲ್ಲಿದೆ. ಭಾರತ 2023ರ ಕ್ಯಾಲೆಂಡರ್ ವರ್ಷದಲ್ಲಿ 27 ಗೆಲುವು ಕಂಡಿದೆ. ಒಂದು ದಾಖಲೆ ಮುರಿದರೂ ಕೂಡ ಸದ್ಯ ವಿಶ್ವ ದಾಖಲೆ ಆಸ್ಟ್ರೇಲಿಯಾ ತಂಡದ ಹೆಸರಿನಲ್ಲಿದೆ. ಆಸೀಸ್ 2023ರ ಕ್ಯಾಲೆಂಡರ್ ವರ್ಷದಲ್ಲಿ ಬರೋಬ್ಬರಿ 30 ಗೆಲುವು ಸಾಧಿಸಿದೆ.
ಇದನ್ನೂ ಓದಿ Viral Video: ‘ರಾಮ್ ಸಿಯಾ ರಾಮ್’ ಕುರಿತು ಸಂಭಾಷಣೆ ನಡೆಸಿದ ರಾಹುಲ್-ಮಹಾರಾಜ್
ಕ್ಯಾಲೆಂಡರ್ ವರ್ಷದಲ್ಲಿ ಅತ್ಯಧಿಕ ಗೆಲುವು ಕಂಡ ತಂಡಗಳು
ಆಸ್ಟ್ರೇಲಿಯಾ- 30 ಗೆಲುವು (2003)
ಭಾರತ-27 ಗೆಲುವು (2003)
ಆಸ್ಟ್ರೇಲಿಯಾ-26 ಗೆಲುವು (1999)
ದಕ್ಷಿಣ ಆಫ್ರಿಕಾ- 25 ಗೆಲುವು (1996)
ದಕ್ಷಿಣ ಆಫ್ರಿಕಾ- 25 ಗೆಲುವು (2000)
ಭಾರತಕ್ಕೆ 78 ರನ್ ಅಂತರದ ಗೆಲುವು
ಪಾರ್ಲ್‌ನಲ್ಲಿರುವ ಬೋಲ್ಯಾಂಡ್ ಪಾರ್ಕ್ನಲ್ಲಿ ನಡೆದ ಈ ಪಂದ್ಯದಲ್ಲಿ ಟಾಸ್ ಸೋತು ಬ್ಯಾಟಿಂಗ್ಗೆ ಇಳಿಸಲ್ಪಟ್ಟ ಭಾರತ ಭರ್ತಿ 50 ಓವರ್ ಆಡಿ 8 ವಿಕೆಟ್ ನಷ್ಟಕ್ಕೆ 297 ರನ್ ಬಾರಿಸಿತು. ಗುರಿ ಬೆನ್ನಟ್ಟಿದ ದಕ್ಷಿಣ ಆಫ್ರಿಕಾ ಆರಂಭಿಕ ಹಂತದಲ್ಲಿ ಉತ್ತಮ ಆಟವಾಡುವ ಮೂಲಕ ಗೆಲ್ಲುವ ವಿಶ್ವಾಸದಲ್ಲಿದ್ದರು. ಆದರೆ ಆ ಬಳಿಕ ಭಾರತದ ಬೌಲಿಂಗ್ ದಾಳಿಯನ್ನು ಎದುರಿಸಲು ಮಂಕಾಗಿ 45.5 ಓವರ್ಗಳಲ್ಲಿ 218 ರನ್ಗಳಿಗೆ ಎಲ್ಲ ವಿಕೆಟ್ಗಳನ್ನು ಕಳೆದುಕೊಂಡು ತವರಿನಲ್ಲಿ ಸರಣಿ ಸೋಲಿನ ಕಹಿ ಅನುಭವಿಸಿತು. ಭಾರತ 78 ರನ್ ಅಂತರದ ಗೆಲುವು ಸಾಧಿಸಿ ಸರಣಿ ಗೆಲುವು ದಾಖಲಿಸಿತು.
ಭಾರತ ತಂಡದ ಗೆಲುವಿನಲ್ಲಿ ಏಕ ದಿನ ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಚೊಚ್ಚಲ ಶತಕ ಬಾರಿಸಿದ ಸಂಜು ಸ್ಯಾಮ್ಸನ್ ಪ್ರಮುಖ ಪಾತ್ರ ವಹಿಸಿದರು. ಬೌಲಿಂಗ್ನಲ್ಲಿ ಅರ್ಶ್ದೀಪ್ ಸಿಂಗ್ ಮಿಂಚಿದರು. ಅವರು 9 ಓವರ್ ಎಸೆದು 30 ರನ್ ನೀಡಿ 4 ವಿಕೆಟ್ ಉರುಳಿಸಿ ಮಿಂಚಿದರು.
SANJU SAMSON You Beauty 😍
— Aman Raina (@ImRaina45) December 21, 2023
Maiden 💯 in ODI in series decider match 🔥🔥 I hope many more to come 🙌#INDvsSA#SanjuSamsonpic.twitter.com/D55Uh02KRK
ಸ್ಪರ್ಧಾತ್ಮಕ ಮೊತ್ತವನ್ನು ಬೆನ್ನಟ್ಟಲು ಆರಂಭಿಸಿದ ದಕ್ಷಿಣ ಆಫ್ರಿಕಾ ತಂಡ ಉತ್ತಮ ಆರಂಭ ಪಡೆಯಿತು. ಮೊದಲ ವಿಕೆಟ್ಗೆ 59 ರನ್ ಬಾರಿಸಿತು. ಆದರೆ ರೀಜಾ ಹೆಂಡ್ರಿಕ್ಸ್ 19 ರನ್ಗೆ ಔಟಾದ ಬಳಿಕ ಭಾರತಕ್ಕೆ ಹಿಡಿತ ಸಿಕ್ಕಿತು. ಆದರೆ ಮತ್ತೊಂದು ತುದಿಯಲ್ಲಿ ಟೋನಿ ಜೋರ್ಜಿ ಭಾರತದ ಬೌಲರ್ಗಳ ಬೆವರಿಳಿಸಲು ಆರಂಭಿಸಿದರು. ಏತನ್ಮಧ್ಯೆ ಮೂರನೇ ಕ್ರಮಾಂಕದಲ್ಲಿ ಆಡಲು ಬಂದ ವ್ಯಾನ್ ಡೆರ್ ಡಸ್ಸೆನ್ 2 ರನ್ಗೆ ಔಟಾದರು. ಬಳಿಕ ಬಂದ ಏಡೆನ್ ಮಾರ್ಕ್ರಮ್ 36 ರನ್ ಬಾರಿಸಿ ಭಾರತ ತಂಡಕ್ಕೆ ಭಯ ಹುಟ್ಟಿಸಿದರು. ಅವರನ್ನು ವಾಷಿಂಗ್ಟನ್ ಸುಂದರ್ ಪೆವಿಲಿಯನ್ಗೆ ಕಳುಹಿಸಿದರು.