ಬೆಂಗಳೂರು: ಅಫಘಾನಿಸ್ತಾನ ವಿರುದ್ಧದ ಅಂತಿಮ ಟಿ20 ಪಂದ್ಯವನ್ನು ಸೂಪರ್ ಓಪರ್ನಲ್ಲಿ ಗೆದ್ದ ಭಾರತ ತಂಡ ದಾಖಲೆಯೊಂದನ್ನು ಬರೆದಿದೆ. ಅತ್ಯಧಿಕ ಬಾರಿ ಟಿ20 ಸರಣಿಯನ್ನು ಕ್ಲೀನ್ಸ್ಪೀಪ್ ಮಾಡಿದ ವಿಶ್ವದಾಖಲೆಯನ್ನು ತನ್ನ ಹೆಸರಿಗೆ ಬರೆದಿದೆ. ಪಾಕಿಸ್ತಾನದ ದಾಖಲೆ ಪತನಗೊಂಡಿದೆ.
ಇದುವರೆಗೆ ಟಿ20ಯಲ್ಲಿ ಭಾರತ ಮತ್ತು ಪಾಕಿಸ್ತಾನ ತಂಡಗಳೆರಡೂ ಜಂಟಿಯಾಗಿ 8 ಬಾರಿ ದ್ವಿಪಕ್ಷೀಯ ಟಿ20 ಸರಣಿಯನ್ನು ಕ್ಲೀನ್‌ಸ್ವೀಪ್‌ ಮಾಡಿದ ದಾಖಲೆ ಹೊಂದಿತ್ತು. ಆದರೆ, ಇದೀಗ ಭಾರತ 9 ಬಾರಿ ಈ ಸಾಧನೆ ಮಾಡಿ ಪಾಕಿಸ್ತಾನದ ದಾಖಲೆಯನ್ನು ಹಿಂದಿಕ್ಕಿದೆ. ಇದೇ ವರ್ಷ ನಡೆಯುವ ಟಿ20 ವಿಶ್ವಕಪ್ಗೂ ಮುನ್ನ ಭಾರತದ ಈ ಸಾಧನೆ ವಿಶ್ವಕಪ್ಗೆ ಆತ್ಮವಿಶ್ವಾಸ ಹೆಚ್ಚಿಸಿದೆ.
𝙒𝙄𝙉𝙉𝙀𝙍𝙎!
— BCCI (@BCCI) January 17, 2024
Congratulations #TeamIndia on winning the #INDvAFG T20I series 3⃣-0⃣ 👏👏#INDvAFG | @IDFCFIRSTBank pic.twitter.com/5vxaw5SPYD
ಅತ್ಯಂತ ರೋಚಕವಾಗಿ ನಡೆದ ಪಂದ್ಯ
ಬೃಹತ್ ಮೊತ್ತದ ಅತ್ಯಂತ ರೋಚಕ ಹೋರಾಟ ಕಂಡ ಬುಧವಾರದ ಅಂತಿಮ ಟಿ20 ಪಂದ್ಯ ಟೈಯಲ್ಲಿ ಅಂತ್ಯಗೊಂಡ ಬಳಿಕ ಅಂತಿಮವಾಗಿ ಎರಡನೇ ಸೂಪರ್ ಓವರ್ನಲ್ಲಿ ಗೆಲುವು ಇತ್ಯರ್ಥ ಕಂಡಿತು. ಬೆಂಗಳೂರಿನ ಕ್ರಿಕೆಟ್ ಅಭಿಮಾನಿಗಳಿಗೆ ಈ ಪಂದ್ಯ ನಿಜಕ್ಕೂ ಸಂಪೂರ್ಣ ರಸದೌತಣ ನೀಡಿತು.
ಮೊದಲ ಸೂಪರ್ ಓವರ್ನಲ್ಲಿ ಆಡಲಿಳಿದ ಅಫಘಾನಿಸ್ತಾನ ಒಂದು ವಿಕೆಟಿಗೆ 16 ರನ್ ಗಳಿಸಿತು. ಗುರಿ ಬೆನ್ನಟ್ಟಿದ ಭಾರತ ಕೂಡ ವಿಕೆಟ್ ನಷ್ಟವಿಲ್ಲದೇ 16 ರನ್ ಗಳಿಸಿದ್ದರಿಂದ ಸೂಪರ್ ಓವರ್ ಕೂಡ ಟೈ ಆಯಿತು. ಎರಡನೇ ಸೂಪರ್ ಓವರಿನಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಭಾರತ 5 ಎಸೆತಗಳಲ್ಲಿ ಎರಡು ವಿಕೆಟಿಗೆ 11 ರನ್ ಗಳಿಸಿದ್ದರೆ, ಅಫಘಾನಿಸ್ತಾನ ತಂಡವು ಮೂರು ಎಸೆತಗಳಲ್ಲಿ 2 ವಿಕೆಟಿಗೆ ಕೇವಲ 1 ರನ್ ಗಳಿಸಲಷ್ಟೇ ಶಕ್ತವಾಗಿ ಶರಣಾಯಿತು. ಭಾರತ ಸರಣಿಯನ್ನು ಕ್ಲೀನ್ಸ್ಪೀಪ್ಗೈದ ಸಾಧನೆ ಮಾಡಿತು.
ಇದನ್ನೂ ಓದಿ IND vs AFG: ಹೋರಾಡಿ ಸೋತ ಆಫ್ಘನ್; ಸರಣಿ ಕ್ಲೀನ್ ಸ್ವೀಪ್ ಮಾಡಿದ ಭಾರತ
ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದ ಈ ಪಂದ್ಯದಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಭಾರತಕ್ಕೆ ಉತ್ತಮ ಆರಂಭ ಸಿಗಲಿಲ್ಲ. 22 ರನ್ ಒಟ್ಟುಗೂಡುವಷ್ಟರಲ್ಲಿ ಪ್ರಮುಖ ನಾಲ್ಕು ವಿಕೆಟ್ ಕಳೆದುಕೊಂಡು ಆರಂಭಿಕ ಆಘಾತ ಎದುರಿಸಿತು. ಇನ್ನೇನು 100 ರನ್ ಮಾಡುವುದು ಕಷ್ಟ ಎನ್ನುವ ಹಂತದಲ್ಲಿ ನಾಯಕ ರೋಹಿತ್ ಶರ್ಮ(121*) ಮತ್ತು ರಿಂಕು ಸಿಂಗ್(69*) ಅವರ ಸಮಯೋಚಿತ ಬ್ಯಾಟಿಂಗ್ ನಡೆಸಿದ ಪರಿಣಾಮ ಭಾರತ ನಿಗದಿತ 20 ಓವರ್ಗಳಲ್ಲಿ 4 ವಿಕೆಟ್ ಕಳೆದುಕೊಂಡು 212 ರನ್ ಬಾರಿಸಿತು. ಬೃಹತ್ ಮೊತ್ತವನ್ನು ದಿಟ್ಟವಾಗಿ ಬೆನ್ನಟ್ಟಿದ ಅಫಘಾನಿಸ್ತಾನ ಅಂತಿಮ ಎಸೆತದಲ್ಲಿ ಗೆಲುವಿಗೆ 3 ರನ್ ತೆಗೆಯುವ ಸವಾಲಿಗೆ ಸಿಲುಕಿತು. ಆದರೆ 2 ರನ್ ಗಳಿಸಿದ ಗುಲ್ಬದಿನ್ ಪಂದ್ಯವನ್ನು ಟೈ ಮಾಡಿಸಿದರು. ಆಫ್ಘನ್ 6 ವಿಕಟ್ಗೆ 212 ರನ್ ಬಾರಿಸಿತು.
Double the drama 🫣
— BCCI (@BCCI) January 18, 2024
Double the nerves 🥶
All thanks to a Double Super-Over 💥
A BTS view of the thriller from the M Chinnaswamy Stadium with #TeamIndia 👌👌
WATCH 🎥🔽 #INDvAFG | @IDFCFIRSTBank pic.twitter.com/Uy4OAXVTJz
ಭಾರತಕ್ಕೆ ರೋಹಿತ್ ಶರ್ಮ ಶತಕ ಬಾರಿಸುವ ಮೂಲಕ ನೆರವಾದರು. ಇವರಿಗೆ ರಿಂಕು ಸಿಂಗ್ ಉತ್ತಮ ಸಾಥ್ ನೀಡಿದರು. ಉಭಯ ಆಟಗಾರರು ಸೇರಿಕೊಂಡು ಜಿದ್ದಿಗೆ ಬಿದ್ದವರಂತೆ ಆಫ್ಘನ್ ಬೌಲರ್ಗಳ ಮೇಲೆರಗಿ ಸ್ಟೇಡಿಯಂನ ಮೂಲೆ ಮೂಲೆಗೂ ಸಿಕ್ಸರ್ ಮತ್ತು ಬೌಂಡರಿ ಬಾರಿಸಿ ನೆರದಿದ್ದ ಪ್ರೇಕ್ಷಕರಿಗೆ ಟಿ20ಯ ರಸದೌತಣ ನೀಡಿದರು.
ರಿಂಕು ಸಿಂಗ್ ಕೂಡ ಅರ್ಧಶತಕ ಬಾರಿಸಿ ತಂಡದ ಬೃಹತ್ ಮೊತಕ್ಕೆ ಕಾರಣರಾದರು. ರಿಂಕು ಮತ್ತು ರೋಹಿತ್ ಸೇರಿಕೊಂಡು 5ನೇ ವಿಕೆಟ್ಗೆ ಅಜೇಯ 190 ರನ್ ಜತೆಯಾಟ ನಡೆಸಿದರು. ರೋಹಿತ್ ಶರ್ಮ 69 ಎಸೆತಗಳಿಂದ 11 ಬೌಂಡರಿ ಮತ್ತು 8 ಸಿಕ್ಸರ್ ನೆರವಿನಿಂದ ಅಜೇಯ 121 ರನ್ ಬಾರಿಸಿದರು. ರಿಂಕು 38 ಎಸೆತ ಎದುರಿಸಿ ಅಜೇಯ 63 ರನ್ ಗಳಿಸಿದರು. ಸಿಡಿದದ್ದು 6 ಸಿಕ್ಸರ್ ಮತ್ತು 2 ಬೌಂಡರಿ. ಅದರಲ್ಲೂ ಕೊನೆಯ ಓವರ್ ಎಸೆದ ಕರೀಂ ಜನ್ನತ್ಗೆ ಹ್ಯಾಟ್ರಿಕ್ ಸಿಕ್ಸರ್ ಬಾರಿಸಿ ಮಿಂಚಿದರು. ಈ ಓವರ್ನಲ್ಲಿ ಒಟ್ಟು 36 ರನ್ ಹರಿದು ಬಂತು. ಆಫ್ಘನ್ ಪರ ಬೌಲಿಂಗ್ನಲ್ಲಿ ಮಿಂಚಿದ ಆಟಗಾರನೆಂದರೆ ಫರೀದ್ ಅಹ್ಮದ್ ಮಾತ್ರ. ಅವರು 4 ಓವರ್ ಎಸೆದು 20 ರನ್ ನೀಡಿ 3 ವಿಕೆಟ್ ಕಿತ್ತರು.