ಸಿಡ್ನಿ: ಮೆಲ್ಬೋರ್ನ್ನಲ್ಲಿ ಪಾಕ್ ವಿರುದ್ಧ ಗೆದ್ದ ಹುಮ್ಮಸ್ಸಿನಲ್ಲಿರುವ ಟೀಮ್ ಇಂಡಿಯಾ ಇದೀಗ ದೀಪಾವಳಿ ಹಬ್ಬದ ಸಂಭ್ರಮದಲ್ಲಿದೆ. ಮೆಲ್ಬೋರ್ನ್ನಲ್ಲಿ ರಾತ್ರಿ ಇಡೀ ಸಂಭ್ರಮಿಸಿದ ಆಟಗಾರರು ಬಳಿಕ ಸಿಡ್ನಿಯತ್ತ ಪ್ರಯಾಣ ಬೆಳೆಸಿದ್ದಾರೆ. ಕುಟುಂಬ ಸಮೇತ ಅಲ್ಲಿಗೆ ತೆರಳಿರುವ ಆಟಗಾರರು ದೀಪಗಳ ಹಬ್ಬವನ್ನು ಆಚರಿಸುತ್ತಿದ್ದಾರೆ.
ಪಾಕ್ ಎದುರು ಅಬ್ಬರಿಸಿದ ಭಾರತ ತಂಡ, ಅದೇ ಖುಷಿಯಲ್ಲಿ ರಾತ್ರಿ ಇಡೀ ಸೆಲೇಬ್ರೇಷನ್ ಮಾಡಿತ್ತು ಟೀಮ್ ಇಂಡಿಯಾ. ಕಳೆದ ವರ್ಷದ ಸೋಲಿಗೆ ಪ್ರತಿಕಾರವನ್ನ ತೀರಿಸಿಕೊಂಡ ರೋಹಿತ್ ಪಡೆ ಅಭಿಮಾನಿಗಳಿಗೂ ದೀಪಾವಳಿಯ ರಂಗನ್ನು ಹೆಚ್ಚಿಸಿದೆ.
ಸಿಡ್ನಿಯಲ್ಲಿ ನೆದರ್ಲೆಂಡ್ಸ್ ಎದುರಾಳಿ
ಭಾರತ ತಂಡ ಮುಂದಿನ ಪಂದ್ಯದಲ್ಲಿ ನೆದರ್ಲೆಂಡ್ಸ್ ತಂಡವನ್ನು ಗುರುವಾರ ಎದುರಿಸಲಿದೆ. ಇದಕ್ಕಾಗಿ ಮೂರು ದಿನ ಮುಂಚಿತವಾಗಿಯೇ ಸಿಡ್ನಿ ತಲುಪಿರುವ ಬ್ಲೂ ಬಾಯ್ಸ್, ಇದೇ ಟೈಮ್ನಲ್ಲಿ ದೀಪಾವಳಿ ಹಬ್ಬವನ್ನು ಆಚರಿಸುತ್ತಿದೆ. ಡಬಲ್ ಸಂಭ್ರಮದಲ್ಲಿರುವ ಟೀಮ್ ಇಂಡಿಯಾ ಆಟಗಾರರು, ಅಭಿಮಾನಿಗಳಿಗೆ ಸಾಮಾಜಿಕ ಜಾಲತಾಣಗಳ ಮೂಲಕ ಶುಭಾಶಯ ಕೋರಿದ್ದಾರೆ. ಟೀಂ ಇಂಡಿಯಾದ ಸ್ಟಾರ್ ಬ್ಯಾಟರ್ ವಿರಾಟ್ ಕೊಹ್ಲಿ , ಕೆ.ಎಲ್ ರಾಹುಲ್, ರೋಹಿತ್ ಶರ್ಮ, ಆಲ್ರೌಂಡರ್ಗಳಾದ ದೀಪಕ್ ಹೂಡಾ, ರವೀಂದ್ರ ಜಡೇಜಾ ಶುಭ ಹಾರೈಸಿದ್ದಾರೆ.. ಜತೆಗೆ ಆಸ್ಟ್ರೇಲಿಯಾ ತಂಡದ ದಿಗ್ಗಜ ಬ್ರೆಟ್ ಲೀ ದೀಪವಾಳಿಗೆ ವಿಷ್ ಮಾಡಿದ್ದಾರೆ.. ಅಲ್ಲದೆ, ಟಿ20 ವಿಶ್ವಕಪ್ಗೆ ಆತಿಥ್ಯ ವಹಿಸಿಕೊಂಡಿರುವ ಕ್ರಿಕೆಟ್ ಆಸ್ಟ್ರೇಲಿಯಾ ಕೂಡ ವಿಷ್ ಮಾಡಿದೆ.
ಇದನ್ನೂ ಓದಿ | Team India | ಪಾಕ್ ವಿರುದ್ಧ ಗೆದ್ದು ನೂತನ ವಿಶ್ವ ದಾಖಲೆ ಬರೆದ ಟೀಮ್ ಇಂಡಿಯಾ