‘ಆಧುನಿಕ ಕ್ರಿಕೆಟ್​ನ ಅತ್ಯುತ್ತಮ ಫಿನಿಶರ್’; ಕೊಹ್ಲಿಯನ್ನು ಹಾಡಿ ಹೊಗಳಿದ ಬದ್ಧ ವೈರಿ

ಬೆಂಗಳೂರು: ವಿರಾಟ್​ ಕೊಹ್ಲಿ(Virat Kohli) ಮೇಲೆ ಸದಾ ದ್ವೇಷ ಕಾರುವ, ಏನೇ ಸಾಧನೆ ಮಾಡಿದರೂ ಅದನ್ನು ಟೀಕಿಸುವ ಟೀಮ್​ ಇಂಡಿಯಾದ ಮಾಜಿ ಆಟಗಾರ ಗೌತಮ್​ ಗಂಭೀರ್(Gautam Gambhir)​ ಅವರು ನ್ಯೂಜಿಲ್ಯಾಂಡ್(India vs New Zealand)​ ವಿರುದ್ಧದ ಪಂದ್ಯದ ಬಳಿಕ ವಿರಾಟ್​ ಕೊಹ್ಲಿಯನ್ನು ಹಾಡಿ ಹೊಗಳಿದ್ದಾರೆ. ಆಧುನಿಕ ಕ್ರಿಕೆಟ್​ನಲ್ಲಿ ಕೊಹ್ಲಿ ಶ್ರೇಷ್ಠ ಆಟಗಾರ ಎಂದಿದ್ದಾರೆ. ಗಂಭೀರ್​ ಅವರ ಈ ಪ್ರಶಂಸೆಯ ಮಾತುಗಳನ್ನು ಕೇಳಿ ಕೊಹ್ಲಿ ಅಭಿಮಾನಿಗಳು ಅಚ್ಚರಿಗೊಂಡಿದ್ದಾರೆ.

ಚೇಸಿಂಗ್​ಗೆ ಕಷ್ಟಕರವಾದ ಧರ್ಮಶಾದಲ್ಲಿ ವಿರಾಟ್​ ಕೊಹ್ಲಿ ಅವರು 104 ಎಸೆತ ಎದುರಿಸಿ 8 ಬೌಂಡರಿ ಮತ್ತು 2 ಸಿಕ್ಸರ್​ ನೆರವಿನಿಂದ 95 ರನ್​ ಗಳಿಸಿ ಭಾರತ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು. ಕೇವಲ 5 ರನ್​ ಅಂತರದಲ್ಲಿ ಶತಕ ಕಳೆದುಕೊಂಡರು. ಒಂದೊಮ್ಮೆ ಕೊಹ್ಲಿ ಅವರು ಶತಕ ಬಾರಿಸುತ್ತಿದ್ದರೆ, ಸಚಿನ್​ ತೆಂಡೂಲ್ಕರ್​ ಅವರ ಏಕದಿನ ಕ್ರಿಕೆಟ್​ನ ಸಾರ್ವಕಾಲಿಕ 49 ಶತಕದ ದಾಖಲೆಯನ್ನು ಸರಿಗಟ್ಟುತ್ತಿದ್ದರು.

ಚೇಸಿಂಗ್ ಮಾಸ್ಟರ್

ಕೊಹ್ಲಿಯ ಬ್ಯಾಟಿಂಗ್​ ಸಾಹಸ ಕಂಡ ಗಂಭೀರ್​ ಅವರು ಪಂದ್ಯ ಬಳಿಕ ಸ್ಟಾರ್​ಸ್ಟೋರ್ಟ್ಸ್​ ಸಂದರ್ಶನಲ್ಲಿ ಮಾತನಾಡಿ, “ಆಧುನಿಕ ಕ್ರಿಕೆಟ್​ನಲ್ಲಿ ವಿರಾಟ್ ಕೊಹ್ಲಿ ವಿಶ್ವದ ಅತ್ಯುತ್ತಮ ಫಿನಿಶರ್ ಆಗಿದ್ದಾರೆ. ಅವರನ್ನು ಬಿಟ್ಟು ಈ ರೀತಿಯ ಫಿನಿಶರ್ ಕ್ರಿಕೆಟ್​ನಲ್ಲಿ ಸದ್ಯ ಮತ್ತೊಬ್ಬರಿಲ್ಲ. ವಿರಾಟ್​ ಯಾವುವೇ ಕ್ರಮಂಕದಲ್ಲಿ ಬ್ಯಾಟ್​ ಬೀಸಿದರೂ ಅವರಿಗೆ ಪಂದ್ಯವನ್ನು ಫಿನಿಶಿಂಗ್​ ಮಾಡುವ ಸಾಮರ್ಥ್ಯವಿದೆ. ಎಲ್ಲ ವಿಕೆಟ್​ ಆಧಾರದಲ್ಲೂ ಕೊಹ್ಲಿ ಚೇಸಿಂಗ್ ಮಾಸ್ಟರ್ ಆಗಿದ್ದಾರೆ” ಎಂದು ಗೌತಮ್ ಗಂಭೀರ್ ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ.

ಐಪಿಎಲ್​ನಿಂದ ಆರಂಭವಾದ ಮುನಿಸು

ವಿರಾಟ್​ ಕೊಹ್ಲಿ ಅವರ ಆರಂಭಿಕ ಕ್ರಿಕೆಟ್​ ಜರ್ನಿಯಲ್ಲಿ ಗಂಭೀರ್​ ಅವರು ತಮಗೆ ಸಿಕ್ಕ ಪಂದ್ಯಶ್ರೇಷ್ಠ ಪ್ರಶಸ್ತಿಯನ್ನು ಕೊಹ್ಲಿಗೆ ನೀಡಿ ಕ್ರೀಡಾಸ್ಫೂರ್ತಿ ಮರೆದ್ದರು. ಅಲ್ಲದೆ ಯುವ ಕ್ರಿಕೆಟಿಗರಿಗೆ ಈ ರೀತಿಯ ಗೌರವ ನೀಡಿದರೆ ಅವರು ಮುಂದೆ ಶ್ರೇಷ್ಠ ಕ್ರಿಕೆಟ್​ ಆಟಗಾರರಾಗಿ ಬೆಳೆಯುತ್ತಾರೆ ಎಂದಿದ್ದರು. ಆದರೆ ಆ ಬಳಿಕ ಉಭಯ ಆಟಗಾರರು ಹಾವು ಮುಂಗುಸಿಯಂತೆ ಕಚ್ಚಾಡುತ್ತಾ ದ್ವೇಷ ಸಾಧಿಸಿದರು. ಇದಕ್ಕೆ ಕಾರಣ 2013ರ ಐಪಿಎಲ್​ನಲ್ಲಿ ನಡೆದ ಒಂದು ಘಟನೆ. ಗಂಭೀರ್​ ಅವರು ಕೊಹ್ಲಿ ಔಟಾದಾಗ ಸಂಭ್ರಮಿಸಿದ್ದನ್ನು ಕಂಡ ಕೊಹ್ಲಿ ಸಿಟ್ಟಿನಲ್ಲಿ ಗಂಭೀರ್​ಗೆ ಏನೋ ಹೇಳಿದ್ದರು. ಬಳಿಕ ವಾಗ್ವಾದ ನಡೆದು ಸಹ ಆಟಗಾರರು ಮತ್ತು ಅಂಪೈರ್​ ಮಧ್ಯಪ್ರವೇಶಿಸಿ ಇಬ್ಬರ ಜಗಳವನ್ನು ತಿಳಿಗೊಳಿದ್ದರು. ಇಲ್ಲಿಂದ ಆರಂಭಗೊಂಡ ಇಬರಿಬ್ಬರ ಮುನಿಸು ಈಗಾಗಲೂ ಮುಂದುವರಿದಿದೆ. ಇದೇ ಆವೃತ್ತಿಯ ಐಪಿಎಲ್​ ಟೂರ್ನಿಯಲ್ಲಿಯೂ ಕೊಹ್ಲಿ ಮತ್ತು ಗಂಭೀರ್​ ಕಿತ್ತಾಡ ನಡೆಸಿದ್ದರು. ಕೈಕೈ ಮಿಲಾಯಿಸುವ ಹಂತಕ್ಕೂ ಹೋಗಿತ್ತು ಉಭಯ ಆಟಗಾರರ ಜಗಳ. ಇದೀಗ ಗಂಭೀರ್​ ಅವರು ಮುಕ್ತ ಕಂಠದಿಂದ ಕೊಹ್ಲಿಯನ್ನು ಹೊಗಳಿದ್ದಾರೆ.

ಇದನ್ನೂ ಓದಿ ICC World Cup 2023: ಸೆಮಿಫೈನಲ್​ ಪ್ರವೇಶಕ್ಕೆ ಭಾರತ ಇನ್ನೆಷ್ಟು ಪಂದ್ಯ ಗೆಲ್ಲಬೇಕು?

ಅಭಿಮಾನಿಗಳಿಗೆ ಅಚ್ಚರಿ

ಗೌತಮ್​ ಗಂಭೀರ್​ ಅವರು ಕೊಹ್ಲಿಯನ್ನು ಹೊಗಳುತ್ತಿದಂತೆ ಕೊಹ್ಲಿಯ ಅಭಿಮಾನಿಗಳು ಅಚ್ಚರಿಗೊಂಡಿದ್ದಾರೆ. ಈ ಕುರಿತು ಸಾಮಾಜಿಕ ಜಾಲತಾಣದಲ್ಲಿ ಅಭಿಪ್ರಾಯ ಹಂಚಿಕೊಂಡು ಅರೇ ಸೂರ್ಯ ದಕ್ಷಿಣದಲ್ಲಿ ಮೂಡಿದಂತಿದೆ ಎಂದಿದ್ದಾರೆ. ಇನ್ನು ಕೆಲವರು ಕೊನೆಗೂ ಕೊಹ್ಲಿಯ ಸಾಧನೆ ಏನೆಂಬಹುದು ನಿಮಗೆ ತಿಳಿಯಿತಲ್ಲವೇ ಎಂದು ಹೇಳಿದ್ದಾರೆ.

ಇದನ್ನೂ ಓದಿ IND vs NZ: 2 ಕ್ಯಾಚ್​ ಹಿಡಿದು ದಾಖಲೆ ಬರೆದ ಕಿಂಗ್​ ಕೊಹ್ಲಿ; ದಿಗ್ಗಜ ಆಟಗಾರನ ದಾಖಲೆ ಉಡೀಸ್​

ರೋಹಿತ್​ ಪ್ರದರ್ಶನಕ್ಕೂ ಮೆಚ್ಚುಗೆ ವ್ಯಕ್ತಪಡಿಸಿರುವ ಗಂಭೀರ್​, ಹಿಟ್ ಮ್ಯಾನ್ ರೋಹಿತ್​ ಇದೇ ರೀತಿಯ ಪರದರ್ಶನ ತೋರುತ್ತಿರುದರಿಂದ ಭಾರತಕ್ಕೆ ಆರಂಭದಲ್ಲಿ ಉತ್ತಮ ರನ್​ ಹರಿದುಬರುತ್ತಿದೆ. ಇದರಿಂದ ಆ ಬಳಿಕ ಬ್ಯಾಟ್​ ಬೀಸುವ ಆಟಗಾರರು ಒತ್ತಡ ರಹಿತವಾಗಿ ಬ್ಯಾಟ್​ ಬೀಸಿ ತಂಡವನ್ನು ಗೆಲುವಿನ ದಡ ಸೇರಿಸಲು ಸಹಕಾರಿಯಾಗುತ್ತಿದೆ ಎಂದರು. ರೋಹಿತ್​ ಅವರು ಕಿವೀಸ್​ ವಿರುದ್ಧ 4 ಸೊಗಸಾದ ಸಿಕ್ಸರ್​ ಮತ್ತು 4 ಬೌಂಡರಿ ಬಾರಿಸಿ 46 ರನ್​ ಬಾರಿಸಿದರು.