ಕರಾಚಿ : ಪ್ರವಾಸಿ ನ್ಯೂಜಿಲ್ಯಾಂಡ್ ಹಾಗೂ ಪಾಕಿಸ್ತಾನ ತಂಡಗಳ ನಡುವೆ ಎರಡನೇ ಟೆಸ್ಟ್ ಪಂದ್ಯ ಕರಾಚಿಯಲ್ಲಿ ಸೋಮವಾರ ಆರಂಭಗೊಂಡಿದೆ. ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಿರುವ ನ್ಯೂಜಿಲ್ಯಾಂಡ್ ತಂಡ ಚಹಾ ವಿರಾಮದ ವೇಳೆ 4 ವಿಕೆಟ್ ನಷ್ಟಕ್ಕೆ 270 ರನ್ ಬಾರಿಸಿದೆ. ಅದರಲ್ಲೂ ಮೊದಲ ವಿಕೆಟ್ಗೆ ಕಿವೀಸ್ ಆಟಗಾರರು 134 ರನ್ಗಳ ಜತೆಯಾಟ ನೀಡಿದ್ದರು. ಒಟ್ಟಿನಲ್ಲಿ ಈ ಪಿಚ್ ಕೂಡ ಬ್ಯಾಟ್ಸ್ಮನ್ಗಳಿಗೆ ಪೂರಕವಾಗಿರುವುದು ನ್ಯೂಜಿಲೆಂಡ್ನ ವೇಗದ ಬೌಲರ್ ಮಿಚೆಲ್ ಮೆಕ್ಲ್ಯಾಗನ್ ಅವರನ್ನು ಕೆರಳಿಸಿದೆ. ಈ ಬಗ್ಗೆ ಟ್ವೀಟ್ ಮಾಡಿರುವ ಅವರು ಇದೇನು ರಸ್ತೆಯಾ, ಬ್ಯಾಟರ್ಗಳ ಸ್ವರ್ಗ ಎಂದು ಕರೆದಿದ್ದಾರೆ.
ಪಾಕಿಸ್ತಾನ ಕ್ರಿಕೆಟ್ ಮಂಡಳಿ ಅಂತಾರಾಷ್ಟ್ರೀಯ ಮಟ್ಟದ ಕ್ರಿಕೆಟ್ ಪಿಚ್ಗಳನ್ನು ತಯಾರಿಸಲು ಸೋಲುತ್ತಿದೆ ಎಂಬ ಆರೋಪಗಳು ಇತ್ತೀಚಿನ ದಿನಗಳಲ್ಲಿ ಕೇಳಿ ಬರುತ್ತಿವೆ. ರಾವಲ್ಪಿಂಡಿ ಪಿಚ್ ಎರಡು ವರ್ಷದ ಅವಧಿಯಲ್ಲಿ ಎರಡು ಬಾರಿ ಡಿಮೆರಿಟ್ ಅಂಕಗಳನ್ನು ಪಡೆದುಕೊಂಡಿರುವುದೇ ಇದಕ್ಕೆ ಸೂಕ್ತ ಉದಾಹರಣೆ. ಹೀಗಾಗಿ ಕರಾಚಿಯಲ್ಲಿ ಮೂರನೇ ಪಂದ್ಯ ಆರಂಭಗೊಂಡು ಬ್ಯಾಟರ್ಗಳು ವಿಜೃಂಭಿಸುತ್ತಿದ್ದಂತೆ ಮೆಕ್ಲ್ಯಾಗನ್ ಅವರು ಕೋಪದಿಂದ, ಕರಾಚಿ ಪಿಚ್ ರಸ್ತೆಯಂತಿದೆ ಎಂದು ಬರೆದುಕೊಂಡಿದ್ದಾರೆ.
ಮೆಕ್ಲ್ಯಾಗನ್ ಅವರ ಟ್ವೀಟ್ಗೆ ಹಲವಾರು ಮಂದಿ ಪ್ರತಿಕ್ರಿಯೆ ಕೊಟ್ಟಿದ್ದಾರೆ. ಪಾಕಿಸ್ತಾನ ಕ್ರಿಕೆಟ್ ಮಂಡಳಿ ತಮ್ಮ ತಂಡದ ಬ್ಯಾಟರ್ಗಳಿಗಾಗಿ ಪಿಚ್ ನಿರ್ಮಿಸುತ್ತಿದ್ದಾರೆ. ಅವರಿಗೆ ಪಂದ್ಯ ಸ್ಪರ್ಧಾತ್ಮಕವಾಗಿ ನಡೆಯಬೇಕೆನ್ನುವ ಯಾವುದೇ ಇಚ್ಛೆಯಿಲ್ಲ. ಬಾಬರ್ ಅಜಮ್ ದೊಡ್ಡ ಸ್ಕೋರ್ ಮಾಡಿ ನಂಬರ್ ಒನ್ ಬ್ಯಾಟರ್ ಆಗುವುದಷ್ಟೇ ಅವರ ಉದ್ದೇಶ. ಪಾಕಿಸ್ತಾನ ಕ್ರಿಕೆಟ್ ಮಂಡಳಿ ಈ ರೀತಿ ಮಾಡುವ ಕಾರಣವೇ ಆ ತಂಡ ಟೆಸ್ ಶ್ರೇಯಾಂಕದಲ್ಲಿ ಏಳನೇ ಸ್ಥಾನ ಪಡೆದುಕೊಂಡಿದೆ ಎಂದು ಬರೆದುಕೊಂಡಿದ್ದಾರೆ,
ಟೆಸ್ಟ್ ಕ್ರಿಕೆಟ್ ಪಿಚ್ಗಳನ್ನು ಸ್ಪರ್ಧಾತ್ಮಕವಾಗಿ ನಿರ್ಮಿಸಬೇಕು. ಕ್ರೀಡಾ ಪ್ರೇಮಿಗಳ ಕೌತುಕ ಕಳೆದುಕೊಳ್ಳದಂತೆ ನೋಡಿಕೊಳ್ಳಬೇಕು ಎಂದು ಐಸಿಸಿ ತನ್ನ ಸದಸ್ಯ ಸಂಸ್ಥೆಗಳಿಗೆ ಸಲಹೆ ಕೊಟ್ಟಿದೆ. ಆದರೆ ಪಾಕಿಸ್ತಾನ ಕ್ರಿಕೆಟ್ ಮಂಡಳಿ ತನ್ನ ಚಾಳಿ ಬಿಡುತ್ತಿಲ್ಲ.
ಇದನ್ನೂ ಓದಿ | INDvsPAK | ಅಧಿಕಾರ ಕಳೆದುಕೊಂಡರೂ ಅಹಂಕಾರ ಬಿಡದ ರಮೀಜ್!; ಭಾರತವನ್ನು ಪದೇ ಪದ ಸೋಲಿಸಿ ಎಂದ ಪಿಸಿಬಿ ಮಾಜಿ ಅಧ್ಯಕ್ಷ