ಬೆಂಗಳೂರು: ವಿಶ್ವ ಕಪ್ 2023ರ (ICC World Cup 2023) ಲೀಗ್ ಹಂತದ ಪಂದ್ಯಗಳು ಮುಕ್ತಾಯಗೊಂಡಿದೆ. ಅಕ್ಟೋಬರ್ 5ರಂದು ಇಂಗ್ಲೆಂಡ್ ಹಾಗೂ ನ್ಯೂಜಿಲ್ಯಾಂಡ್ ನಡುವಿನ ಸ್ಪರ್ಧೆಯ ಮೂಲಕ ಪ್ರಾರಂಭಗೊಂಡ ಹಣಾಹಣಿಗಳು ಭಾರತ ಹಾಗೂ ನೆದರ್ಲ್ಯಾಂಡ್ಸ್ ನಡುವಿನ ಪಂದ್ಯದೊಂದಿಗೆ ಮುಕ್ತಾಯಗೊಂಡಿದೆ. ಒಟ್ಟು 45 ಪಂದ್ಯಗಳು ನಡೆದಿದ್ದು 10 ತಂಡಗಳು ತಲಾ 9 ಪಂದ್ಯಗಳನ್ನು ಆಡಿವೆ. ಭಾರತ, ದಕ್ಷಿಣ ಆಫ್ರಿಕಾ, ಆಸ್ಟ್ರೇಲಿಯಾ ಹಾಗೂ ನ್ಯೂಜಿಲ್ಯಾಂಡ್ ತಂಡಗಳು ಸೆಮಿಫೈನಲ್ಗೇರಿವೆ. ನೆವೆಂಬರ್ 15 ಮತ್ತು 16ರಂದು ಸೆಮಿಫೈನಲ್ ಪಂದ್ಯ ನಡೆಯಿದ್ದು, 19ರಂದು ಪ್ರಶಸ್ತಿ ಸುತ್ತಿನ ಹಣಾಹಣಿ ನಿಯೋಜನೆಗೊಂಡಿದೆ. ಇದೀಗ ಲೀಗ್ ಹಂತದ ಪಂದ್ಯಗಳು ಮುಕ್ತಾಯಗೊಂಡ ಬಳಿಕ ವಿಶ್ವಕಪ್ನ ಅಂಕಪಟ್ಟಿ ಹೇಗಿದೆ ಎಂಬುದನ್ನು ನೋಡೋಣ.
ಅಂಕಪಟ್ಟಿ ಹೀಗಿದೆ
| ತಂಡ | ಪಂದ್ಯ | ಗೆಲುವು | ಸೋಲು | ಅಂಕ | ನೆಟ್ ರನ್ರೇಟ್ |
| ಭಾರತ | 9 | 9 | 0 | 18 | +2.570 |
| ದಕ್ಷಿಣ ಆಫ್ರಿಕಾ | 9 | 7 | 2 | 14 | +1.261 |
| ಆಸ್ಟ್ರೇಲಿಯಾ | 9 | 7 | 2 | 14 | +0.841 |
| ನ್ಯೂಜಿಲ್ಯಾಂಡ್ | 9 | 5 | 4 | 10 | +0.743 |
| ಪಾಕಿಸ್ತಾನ | 9 | 4 | 5 | 8 | -0.199 |
| ಅಫಘಾನಿಸ್ತಾನ | 9 | 4 | 5 | 8 | -0.336 |
| ಇಂಗ್ಲೆಂಡ್ | 9 | 3 | 6 | 6 | -0.572 |
| ಬಾಂಗ್ಲಾದೇಶ | 9 | 2 | 7 | 4 | -1.419 |
| ಶ್ರೀಲಂಕಾ | 9 | 2 | 7 | 4 | -1.419 |
| ನೆದರ್ಲ್ಯಾಂಡ್ಸ್ | 9 | 2 | 7 | 4 | -1.825 |
ಭಾರತ ಹಾಗೂ ನೆದರ್ಲ್ಯಾಂಡ್ಸ್ ತಂಡಗಳ ನಡುವಿನ ಪಂದ್ಯದ ಬಳಿಕ ಅಂಕಪಟ್ಟಿಯಲ್ಲಿ ಯಾವುದೇ ಬದಲಾವಣೆ ಉಂಟಾಗಿಲ್ಲ. ಆದರೆ, ಭಾರತ ತಂ ತನ್ನ ಖಾತೆಗೆ ಇನ್ನೆರಡು ಅಂಕಗಳನ್ನು ಸೇರಿಸಿಕೊಂಡಿತು. +2.570 ರನ್ ರೇಟ್ನೊಂದಿಗೆ ಅಗ್ರಸ್ಥಾನದಲ್ಲಿ ಮುಂದುವರಿಯಿತು. ಇನ್ನು ನೆದರ್ಲ್ಯಾಂಡ್ಸ್ ತಂಡಕ್ಕೆ ಕೊನೇ ಸ್ಥಾನ ಖಾತರಿಯಾಯತು. ಆ ತಂಡ 9 ರಲ್ಲಿ ಕೇವಲ 2 ಪಂದ್ಯಗಳನ್ನು ಗೆದ್ದು 4 ಅಂಕಗಳನ್ನು ಸಂಪಾದಿಸಿತು. +2.570 ನೆಟ್ರನ್ರೇಟ್ ಪಡೆದುಕೊಂಡಿತು.
Predict the winners of the #CWC23 semi-finals and final 🏆⬇️ pic.twitter.com/thXrekcajZ
— ICC Cricket World Cup (@cricketworldcup) November 12, 2023
7 ಗೆಲುವಿನೊಂದಿಗೆ 14 ಅಂಕ ಗಳಿಸಿರುವ ದಕ್ಷಿಣ ಆಫ್ರಿಕಾ ತಂಡ ಎರಡನೇ ಸ್ಥಾನದಲ್ಲಿದೆ. ಅಷ್ಟೇ ಗಲುವಿನೊಂದಿಗೆ ಅಷ್ಟೇ ಅಂಕ ಹೊಂದಿರು ಆಸ್ಟ್ರೇಲಿಯಾ ಮೂರನೇ ಸ್ಥಾನದಲ್ಲಿದೆ. ದ. ಆಫ್ರಿಕಾ (+1.261) ಆಸ್ಟ್ರೇಲಿಯಾ ತಂಡಕ್ಕಿಂತ (+0.841) ಅಧಿಕ ನೆಟ್ರನ್ರೇಟ್ ಹೊಂದಿದೆ.
ಇದನ್ನೂ ಓದಿ : Rohit Sharma : ನಿನಗೊಂದು ವಿಕೆಟ್, ನನಗೊಂದು ವಿಕೆಟ್; ರೋಹಿತ್- ಕೊಹ್ಲಿ ಹಂಚಿಕೆ ಸೂತ್ರ!
ಇಂಗ್ಲೆಂಡ್ ವಿರುದ್ಧ ಸೋತಿರುವ ಪಾಕಿಸ್ತಾನ ಐದನೇ ಸ್ಥಾನ ಪಡೆದುಕೊಂಡು ಹಾಲಿ ವಿಶ್ವ ಕಪ್ ಅಭಿಯಾನ ಮುಗಿಸಿದೆ. ಅಫಘಾನಿಸ್ತಾನ 6ನೇ ಸ್ಥಾನದಲ್ಲಿದೆ. ಇಂಗ್ಲೆಂಡ್ ತಂಡ ಪಾಕ್ ವಿರುದ್ದ ಗೆದ್ದು ಒಟ್ಟು 3 ಗೆಲುವಿನ ಶ್ರೇಯಸ್ಸಿಗೆ ಪಾತ್ರವಾಗಿದೆ. ಆ ತಂಡ ಬಳಿ 6 ಅಂಕಗಳಿವೆ ಹಾಗೂ -0.572 ನೆಟ್ರನ್ರೇಟ್ ಇದೆ. ಪಾಕ್ ವಿರುದ್ಧ ಗೆದ್ದ ಕಾರಣ 2025ರ ಚಾಂಪಿಯನ್ಸ್ ಟ್ರೋಫಿಯಲ್ಲಿ ಆಡುವ ಅರ್ಹತೆ ಗಳಿಸಿಕೊಂಡಿದೆ. ಆಸೀಸ್ ವಿರುದ್ಧ ಶನಿವಾರದ ಪಂದ್ಯದಲ್ಲಿ ಸೋತ ಬಾಂಗ್ಲಾದೇಶ ಎಂಟನೇ ಹಾಗೂ ಶ್ರೀಲಂಕಾ 9ನೇ ಹಾಗೂ ನೆದರ್ಲ್ಯಾಂಡ್ಸ್ 10ನೇ ಸ್ಥಾನ ಪಡೆದುಕೊಂಡಿದೆ.