ಮುಂಬಯಿ: ಈ ಬಾರಿ ಐಪಿಎಲ್ (IPL 2023) ಪಂದ್ಯಗಳ ಆನ್ಲೈನ್ ಸ್ಟ್ರೀಮಿಂಗ್ ಹಕ್ಕು ರಿಲಯನ್ಸ್ ಕಂಪನಿಯ ಜಿಯೊ ಬಳಿ ಇದೆ. ಟಿವಿ ನೇರ ಪ್ರಸಾರದ ಹಕ್ಕನ್ನು ಸ್ಟಾರ್ ಸ್ಪೋರ್ಟ್ಸ್ ಕಂಪನಿ ತನ್ನದಾಗಿಸಿಕೊಂಡಿದೆ. ಎರಡೂ ಪ್ರತ್ಯೇಕ ಸಂಸ್ಥೆಗಳಾಗಿರುವ ಕಾರಣ ಪ್ರಸಾರದ ವಿಚಾರದಲ್ಲಿ ಪೈಪೋಟಿ ಗ್ಯಾರಂಟಿ. ಯಾಕೆಂದರೆ ಹಿಂದಿನ ಆವೃತ್ತಿಗಳಲ್ಲಿ ಟೀಮ್ ಸ್ಟಾರ್ ಸ್ಪೋರ್ಟ್ಸ್ ಸಂಸ್ಥೆಗೆ ಸೇರಿರುವ ಡಿಸ್ನಿ ಹಾಟ್ಸ್ಟಾರ್ ಆನ್ಲೈನ್ ಸ್ಟ್ರೀಮಿಂಗ್ ಹಕ್ಕನ್ನು ತನ್ನದಾಗಿಸಿಕೊಂಡಿತ್ತು. ಹೀಗಾಗಿ ಪೈಪೋಟಿಯಿಲ್ಲದೇ ಪ್ರಸಾರ ನಡೆದಿತ್ತು. ಆದರೆ, ಜಿಯೊ ಈ ಕ್ಷೇತ್ರಕ್ಕೆ ಎಂಟ್ರಿಯಾಗಿರುವ ಕಾರಣ ಇನ್ನಷ್ಟು ಹೊಸತನಗಳ ನಿರೀಕ್ಷೆಯಿತ್ತು. ಅದರಲ್ಲೊಂದು 4ಕೆ ಸ್ಟ್ರೀಮಿಂಗ್ ಗ್ರಾಹಕರ ಪಾಲಿಗೆ ಇದು ಖಂಡಿತವಾಗಿಯೂ ಸಂತಸದ ಸುದ್ದಿ.
ಮೊಬೈಲ್ ನೆಟ್ವರ್ಕ್ ಪೂರೈಕೆದಾರ ಕಂಪನಿಗಳು ಈಗಾಗಲೇ 5ಜಿ ಸೇವೆಯನ್ನು ನೀಡುತ್ತಿದೆ. ಹೀಗಾಗಿ 4 ಲೈವ್ ಸ್ಟ್ರೀಮಿಂಗ್ ನೀಡುವುದು ಸುಲಭ. ಅದೇ ರೀತಿ ಟಿವಿಯಲ್ಲಿ ತಾಂತ್ರಿಕತೆಯೂ ಸುಧಾರಣೆಯಾಗುತ್ತಿದೆ. ಹೀಗಾಗಿ 4ಕೆ ಟೆಕ್ನಾಲಜಿ ಸಾಮಾನ್ಯ ಎನಿಸಿಕೊಂಡಿದೆ. ಇದೇ ಕಾರಣಕ್ಕೆ ಜಿಯೊ ಟಿವಿ ಐಪಿಎಲ್ ಪಂದ್ಯಗಳನ್ನು 4ಕೆಯಲ್ಲಿ ನೀಡಲು ಮುಂದಾಗಿದೆ.
ಇದನ್ನೂ ಓದಿ : IPL 2023: ಮಹೇಂದ್ರ ಸಿಂಗ್ ಧೋನಿ ಐಪಿಎಲ್ ನಿವೃತ್ತಿಗೆ ದಿನಾಂಕ ನಿಗದಿ; ಚೆಪಾಕ್ನಲ್ಲಿ ಕೊನೆಯ ಪಂದ್ಯ!
ಮುಂದಿನ ಬಾರಿಯ ಐಪಿಎಲ್ ಮಾರ್ಚ್ 31ರಿಂದ ಆರಂಭಗೊಂಡು ಮೇ 28ರವರೆಗೆ ನಡೆಯಲಿದೆ. ಈ ಟೂರ್ನಿಯ ಪಂದ್ಯಗಳು ನಡೆಯು ಸ್ಟೇಡಿಯಮ್ನಲ್ಲಿ 4ಕೆ ಅಲ್ಟ್ರಾ ಎಚ್ಡಿಗೆ ಪೂರಕವಾಗಿರುವ ಕ್ಯಾಮೆರಾಗಳನ್ನು ಅಳವಡಿಸಲು ಜಿಯೊ ಕಂಪನಿ ಮುಂದಾಗಿದೆ. ದೊಡ್ಡ ಗಾತ್ರದ ಸ್ಕ್ರೀನ್ ಹೊಂದಿರುವ ಟಿವಿಗಳಲ್ಲಿ ಈ ಪಂದ್ಯಗಳನ್ನು ವೀಕ್ಷಿಸುವುದು ಸುಲಭ ಎನಿಸಿದೆ.