ನವದೆಹಲಿ : ಕ್ರಿಕೆಟ್‌ ಆಟಗಾರರಿಗೆ ಅವರ ಅಭಿಮಾನಿಗಳು ನಾನಾ ರೀತಿಯಲ್ಲಿ ಕಾಟ ಕೊಡುವುದನ್ನು ನೋಡಿರುತ್ತೀರಿ. ಫೋಟೊ, ಸೆಲ್ಫಿ, ಆಟೋಗ್ರಾಫ್ ಎಂದೆಲ್ಲ ಮೆಸೇಜ್‌ ಮಾಡುತ್ತಾರೆ. ಆದರೆ, ಹಿರಿಯ ಸ್ಪಿನ್ನರ್‌ ಅಮಿತ್‌ ಮಿಶ್ರಾ ಅವರ ಅಭಿಮಾನಿಯೊಬ್ಬರು ವಿಚಿತ್ರ ಸನ್ನಿವೇಶ ಸೃಷ್ಟಿಸಿ ಅವರಿಂದ ೫೦೦ ರೂಪಾಯಿ ವಸೂಲಿ ಮಾಡಿಕೊಂಡಿದ್ದಾರೆ. ಆಗ ಕೊಟ್ಟ ಕಾರಣವೇನು ಗೊತ್ತೇ? ಪ್ರಿಯತಮೆಯನ್ನು ಸುತ್ತಾಡಿಸಲು ಹಣದ ಕೊರತೆಯಾಗಿದೆ ಎಂದು.
ಅಮಿತ್‌ ಮಿಶ್ರಾ ಅವರಿಗೆ ಮೆಸೇಜ್‌ ಮಾಡಿದ್ದ ಅಭಿಮಾನಿ ಗರ್ಲ್‌ಫ್ರೆಂಡ್‌ ಸುತ್ತಾಡಿಸಲು ಹೋಗಬೇಕಾಗಿದೆ. ಕೈಯಲ್ಲಿ ಹಣವಿಲ್ಲ. ೩೦೦ ರೂಪಾಯಿ ಕೊಟ್ಟರೆ ಉಪಕಾರ ಆಗುತ್ತದೆ ಎಂದು ಮನವಿ ಸಲ್ಲಿಸಿದ್ದ. ಅಮಿತ್‌ ಮಿಶ್ರಾ ಅವರು ಕರುಣೆ ಬಂದು ೩೦೦+೨೦೦ ಸೇರಿ ಒಟ್ಟಾರೆ ೫೦೦ ರೂಪಾಯಿ ನೀಡಿದ್ದಾರೆ.
ಅಭಿಮಾನಿಯ ಬೇಡಿಕೆಯ ಟ್ವೀಟ್‌ಗೆ ಮರುಟ್ವೀಟ್‌ ಮಾಡಿ “ಒಳ್ಳೆಯದಾಗಲಿ ಪ್ರಿಯತಮೆ ಜತೆಗಿನ ಸುತ್ತಾಟಕ್ಕೆ’ ಎಂದು ಬರೆದಿದ್ದಾರೆ. ಹಣ ಪಡೆದುಕೊಂಡ ಅಭಿಮಾನಿಗಳು ಅಮಿತ್‌ ಅವರಿಗೆ ಧನ್ಯವಾದ ಹೇಳಿದ್ದಾನೆ. ನಿಮ್ಮ ಉಡುಗೊರೆಗೆ ಧನ್ಯವಾದಗಳು ಸಾರ್‌. ಲವ್ಯೂ ಸಾರ್‌,” ಎಂದು ಬರೆದುಕೊಂಡಿದ್ದಾನೆ.
ಇದನ್ನೂ ಓದಿ | Jasprit Bumrah | ಮೂಳೆ ಮುರಿತ, ಟಿ-20 ವಿಶ್ವಕಪ್‌ನಿಂದಲೇ ಜಸ್‌ಪ್ರಿತ್‌ ಬುಮ್ರಾ ಔಟ್‌