ಮುಂಬಯಿ: ವಿಶ್ವ ಮಹಿಳಾ ದಿನಾಚರಣೆಯಂದೇ(International Women’s Day) ಟೀಮ್ ಇಂಡಿಯಾದ ವೇಗಿ ಉಮೇಶ್ ಯಾದವ್ ತಂದೆಯಾದ ಸಂಭ್ರದಲ್ಲಿದ್ದಾರೆ. ಉಮೇಶ್ ಯಾದವ್(Umesh Yadav) ಪತ್ನಿ ತಾನ್ಯಾ ಇಂದು(ಬುಧವಾರ ಮಾರ್ಚ್ 8) ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದಾರೆ.
ಈ ಬಗ್ಗೆ ಉಮೇಶ್ ಯಾದವ್ ಸ್ವತಃ ಟ್ವೀಟ್ ಮಾಡಿದ್ದು, ನಾವು ರೋಮಾಂಚನಗೊಂಡಿದ್ದೇವೆ. ಇಂದು(ಬುಧವಾರ ಮಾರ್ಚ್ 8) ಬೆಳಗ್ಗೆ ತಾನ್ಯಾ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದಾರೆ. ತಾನ್ಯಾ ಮತ್ತು ಮಗು ಇಬ್ಬರೂ ಆರೋಗ್ಯವಾಗಿದ್ದಾರೆ. ನಮಗಾಗಿ ಪ್ರಾರ್ಥಿಸಿದ ಎಲ್ಲರಿಗೂ ಧನ್ಯವಾದಗಳು ಎಂದು ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ Team India Holi: ಹೋಳಿ ಆಚರಿಸಿದ ಟೀಮ್ ಇಂಡಿಯಾ
2013 ರಲ್ಲಿ ವೈವಾಹಿಕ ಜೀವನಕ್ಕೆ ಕಾಲಿರಿಸಿದ್ದ ಉಮೇಶ್ ಯಾದವ್ ಮತ್ತು ತಾನ್ಯಾ ದಂಪತಿಗಳಿಗೆ 2021 ರಲ್ಲಿ ಮೊದಲ ಹೆಣ್ಣು ಮಗು ಜನಿಸಿತ್ತು. ಇದೀಗ ಅವರ ಮನೆಗೆ ಮತ್ತೊಂದು ಹೆಣ್ಣು ಮಗು ಆಗಮನವಾಗಿದೆ. ಇತ್ತೀಚಿಗಷ್ಟೇ ಉಮೇಶ್ ಯಾದವ್ ಅವರ ತಂದೆ ಸಾವನ್ನಪ್ಪಿದ್ದರು. ಈ ನೋವಿನಲ್ಲಿದ್ದ ಅವರ ಮನೆಗೆ ಇದೀಗ ಮಗುವೊಂದು ಬಂದಿರುವುದು ಉಮೇಶ್ ಕುಟುಂಬದ ನೋವನ್ನು ಕೊಂಚ ಕಡಿಮೆ ಮಾಡಿದೆ. ತಂದೆಯಾದ ಉಮೇಶ್ ಯಾದವ್ ಸ್ಟ್ರೇಲಿಯಾ ವಿರುದ್ಧ ನಡೆಯುವ ಅಂತಿಮ ಟೆಸ್ಟ್ ಪಂದ್ಯಕ್ಕೆ ಅಲಭ್ಯರಾಗಲಿದ್ದಾರೆ ಎಂದು ವರದಿಯಾಗಿದೆ.