ಮುಂಬಯಿ : ನಟಿ ಊರ್ವಶಿ ರೌಟೆಲಾ (Urvashi Rautela | ಪಂತ್‌ ಹೆಸರು ಬಳಸಿ ಪ್ರಚಾರ ಗಿಟ್ಟಿಸಿಕೊಂಡ ಊರ್ವಶಿ; ಯುವ ಕ್ರಿಕೆಟಿಗನ ಆರೋಪ) ಹಾಗೂ ರಿಷಭ್‌ ಪಂತ್‌ ನಡುವಿನ ಜಗಳ್‌ಬಂದಿ ಸಾಮಾಜಿಕ ಜಾಲತಾಣಗಳಲ್ಲಿ ದೊಡ್ಡ ಮಟ್ಟದ ಸಂಚಲನ ಸೃಷ್ಟಿಸಿತ್ತು. ಅದಾದ ಬಳಿಕ ರಿಷಭ್‌ ಪಂತ್‌ ಸುಮ್ಮನಿದ್ದರು. ಆದರೆ, ಊರ್ವಶಿ ರೌಟೆಲಾ ಮಾತ್ರ ವಿಷಯವನ್ನು ಆಗಾಗ ಕೆದುಕುತ್ತಿದ್ದರು. ಆದರೆ, ಟೀಮ್‌ ಇಂಡಿಯಾ ಆರಂಭಿಕ ಬ್ಯಾಟರ್‌ ಶುಬ್ಮನ್‌ ಗಿಲ್‌ ಅವರು ಈ ವಿಷಯದಲ್ಲಿ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದ್ದು, ಊರ್ವಶಿ ಪ್ರಚಾರಕ್ಕಾಗಿ ಪಂತ್‌ ಹೆಸರು ಎತ್ತಿದ್ದಾರೆ ಎಂದು ಹೇಳಿದ್ದಾರೆ.
ಪಂತ್‌ ಹಾಗೂ ಶುಬ್ಮನ್‌ ಗಿಲ್‌ ನ್ಯೂಜಿಲ್ಯಾಂಡ್‌ ವಿರುದ್ಧದ ಸರಣಿಯಲ್ಲಿ ಪಾಲ್ಗೊಂಡಿದ್ದಾರೆ. ಅದಕ್ಕಿಂತ ಮೊದಲು ಅವರು ಪಂಜಾಬ್‌ನ ಚಾಟ್‌ ಶೋ ಒಂದರಲ್ಲಿ ಮಾತನಾಡುಡಿದ ಗಿಲ್‌, ಊರ್ವಶಿ ವಿಷಯದ ಬಗ್ಗೆಯೂ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.
ಈ ಗಲಾಟೆಯಲ್ಲಿ ರಿಷಭ್‌ ಪಂತ್‌ ಅವರ ಪಾತ್ರವಿಲ್ಲ. ಅವರಿಗೆ ಈ ವಿಷಯದ ಕುರಿತು ಯಾವುದೇ ಚಿಂತೆಯಿಲ್ಲ. ಆದರೆ, ಊರ್ವಶಿ ರೌಟೆಲಾಗೆ ಪ್ರಚಾರ ಬೇಕಾಗಿತ್ತು. ಹೀಗಾಗಿ ಅದೇ ವಿಷಯವನ್ನು ಆರಂಭಿಸಿ ಪದೇ ಪದೆ ಕೆಣಕುತ್ತಿದ್ದರು ಎಂದು ಗಿಲ್‌ ಹೇಳಿದ್ದಾರೆ.
ರಿಷಭ್‌ ಜತೆ ಈ ವಿಚಾರದ ಬಗ್ಗೆ ನಾವ್ಯಾರೂ ಮಾತನಾಡುತ್ತಿರಲಿಲ್ಲ. ಅಂತೆಯೇ ಅವರು ಅದನ್ನೂ ಗಂಭೀರವಾಗಿ ಪರಿಗಣಿಸಿರಲಿಲ್ಲ ಎಂಬುದಾಗಿ ಗಿಲ್‌ ನುಡಿದಿದ್ದಾರೆ.
ಇದನ್ನೂ ಓದಿ | IND VS SA | ರಿಷಭ್‌ ಪಂತ್‌ಗೆ ಗುಡ್‌ ನ್ಯೂಸ್‌, ಭಾರತ ತಂಡಕ್ಕೆ ಬ್ಯಾಡ್‌ ನ್ಯೂಸ್‌; ಏನಾಯಿತು?