ಮುಂಬಯಿ: ಕಾರು ಅಪಫಾತದಲ್ಲಿ ಗಾಯಗೊಂಡು ಚೇತರಿಕೆ ಕಾಣುತ್ತಿರುವ ಟೀಮ್ ಇಂಡಿಯಾ(team india cricket) ಕ್ರಿಕೆಟಿಗ ರಿಷಭ್ ಪಂತ್(Rishabh Pant) ಬಗ್ಗೆ ಸಂದರ್ಶಕರೊಬ್ಬರು ಕೇಳಿದ ಪ್ರಶ್ನೆಗೆ ಬಾಲಿವುಡ್ ನಟಿ ಊರ್ವಶಿ ರೌಟೇಲಾ (Urvashi Rautela) ಖಡಕ್ ಉತ್ತರ ನೀಡಿದ್ದಾರೆ. ಈ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಮುಂಬಯಿಯಲ್ಲಿ ನಡೆದ ಸಿನೆಮಾ ಕಾರ್ಯಕ್ರಮವೊಂದರಲ್ಲಿ ನಟಿ ಊರ್ವಶಿ ರೌಟೇಲಾ ಪಾಲ್ಗೊಂಡಿದ್ದರು. ಇದೇ ವೇಳೆ ಸಂದರ್ಶಕರೊಬ್ಬರು ರಿಷಭ್ ಪಂತ್ ಅವರು ಅಪಘಾತದಲ್ಲಿ ಗಾಯಗೊಂಡು ಚೇತರಿಕೆ ಕಾಣುತ್ತಿದ್ದಾರೆ. ಅಪಘಾತ ನಡೆದ ವೇಳೆ ನೀವು ಕೂಡ ಅವರ ಚೇತರಿಕೆಗೆ ಪ್ರಾರ್ಥಿಸಿ ಹಾರೈಸಿದ್ದೀರಿ. ಆ ಬಳಿಕ ನೀವು ಪಂತ್ಗೆ ಸಂದೇಶ ಅಥವಾ ಫೋನ್ ಕರೆ ಏನಾದರೂ ಮಾಡಿದ್ದೀರ? ಎಂದು ಕೇಳಿದ್ದಾರೆ.
ಈ ಪ್ರಶ್ನೆಗೆ ಕೊಂಚ ಖಾರವಾಗಿಯೇ ಉತ್ತರಿಸಿದ ಊರ್ವಶಿ ರೌಟೇಲಾ, ನಿಮಗೆ ಬೇಕಿರುವುದು ಏನು? ನಿಮಗೆ ಬೇಕಿರುವುದು ಟಿಆರ್ಪಿ ಅಷ್ಟೆ. ಆದರೆ ನಾನು ಟಿಆರ್ಪಿಯ ವಸ್ತುವಾಗಲು ಇಷ್ಟ ಪಡುವುದಿಲ್ಲ ಎಂದು ಖಡಕ್ ಆಗಿ ಮರು ಉತ್ತರ ನೀಡಿ ಅಲ್ಲಿಂದ ತೆರಳಿದ್ದಾರೆ. ಈ ವಿಡಿಯೊ ಸಾಮಾಜಿ ಜಾಲತಾಣದಲ್ಲಿ ವೈರಲ್ ಆಗಿದೆ.
ಇದನ್ನೂ ಓದಿ Rishabh Pant: ರಿಷಭ್ ಪಂತ್ ಭೇಟಿಯಾದ ಟೀಮ್ ಇಂಡಿಯಾದ ಮಾಜಿ ಆಟಗಾರ ಯುವರಾಜ್ ಸಿಂಗ್
ಪಂತ್ ದೇಶದ ಆಸ್ತಿ
ಕೆಳ ತಿಂಗಳುಗಳ ಹಿಂದೆ ಮುಂಬೈ ವಿಮಾನ ನಿಲ್ದಾಣದಲ್ಲಿ ಪತ್ರಕರ್ತರೊಬ್ಬರು ಪಂತ್ ಬಗ್ಗೆ ಕೇಳಿದ ಪ್ರಶ್ನೆಗೆ ಪ್ರತಿಕ್ರಿಯಿಸಿದ್ದ ಊರ್ವಶಿ ರೌಟೇಲಾ “ಪಂತ್ ಈ ದೇಶದ ಆಸ್ತಿ” ಎಂದು ಹೇಳಿದ್ದರು. ಆದರೆ ಈ ಬಾರಿ ಟಿಆರ್ಪಿಗೋಸ್ಕರ ತಾವು ಈ ವಿಷಯವನ್ನು ತನ್ನ ಬಳಿ ಪದೇಪದೆ ಕೇಳುವುದು ಸರಿಯಲ್ಲ ಎಂದು ಹೇಳಿದ್ದಾರೆ. ಒಂದರ್ಥದಲ್ಲಿ ಅವರು ಹೇಳಿರುವುದು ಸರಿಯಾಗಿದೆ. ಏಕೆಂದರೆ ಪತ್ರಿ ಬಾರಿಯು ಒಂದೇ ವಿಚಾರವನ್ನು ಕೇಳಿ ಹಿಂಸೆ ನೀಡುತ್ತಿದ್ದರೆ ಯಾರಾದರೂ ಕೂಡ ತಮ್ಮ ತಾಳ್ಮೆ ಕಳೆದುಕೊಳ್ಳುವುದು ಸಹಜ. ಇದೇ ಕಾರಣಕ್ಕೆ ರೌಟೇಲಾ ಈ ಬಾರಿ ಖಡಕ್ ಉತ್ತರ ನೀಡಿದಂತೆ ಭಾಸವಾಗುತ್ತಿದೆ.