ಬ್ರಿಸ್ಬೇನ್: ಆರ್ಸಿಬಿ ತಂಡದ ಸ್ಟಾರ್ ಆಲ್ರೌಂಡರ್ ಹಾಗೂ ಆಸ್ಟ್ರೇಲಿಯಾ ತಂಡದ ಪ್ರಧಾನ ಆಟಗಾರ ಗ್ಲೆನ್ ಮ್ಯಾಕ್ವೆಲ್ ಅವರ ಪತ್ನಿ ಭಾರತೀಯ ಶೈಲಿಯಲ್ಲಿ ತಮ್ಮ ಸೀಮಂತ ಕಾರ್ಯಕ್ರಮ ಮಾಡಿಕೊಂಡಿದ್ದಾರೆ. ಯಾಕೆ ಗೊತ್ತೇ? ಅವರ ಪತ್ನಿ ವಿನಿ ರಾಮನ್ ಭಾರತೀಯ ಮೂಲದವರು. ಹೀಗಾಗಿ ಸೀಮಂತ ಕಾರ್ಯಕ್ರಮವನ್ನು ಭಾರತೀಯ ಸಂಪ್ರದಾಯದ ಪ್ರಕಾರ ನಡೆಸಲಾಯಿತು. ಕಾರ್ಯಕ್ರಮದಲ್ಲಿ ಮ್ಯಾಕ್ಸ್ವೆಲ್ ಹಾಗೂ ವಿನಿ ಅವರ ಸ್ನೇಹಿತರು, ಹತ್ತಿರದ ಸಂಬಂಧಿಕರು ಭಾಗವಹಿಸಿದ್ದರು. ವಿನಿ ನೀಲಿ ಸೀರೆಯಲ್ಲಿ ಸುಂದರವಾಗಿ ಕಾಣುತ್ತಿದ್ದರೆ, ಆಸೀಸ್ ಕ್ರಿಕೆಟಿಗ ಬೂದು ಬಣ್ಣದ ಶರ್ಟ್ ಧರಿಸಿ ಮೂಲಕ ಕ್ಯಾಶುಯಲ್ ಲುಕ್ ನಲ್ಲಿ ಕಾಣಿಸಿಕೊಂಡರು. ವಿನಿ ಇನ್ಸ್ಟಾಗ್ರಾಮ್ನಲ್ಲಿ ಸಮಾರಂಭದ ಏಳು ಚಿತ್ರಗಳನ್ನು ಅಪ್ಲೋಡ್ ಮಾಡಿದ್ದಾರೆ.
ವಿನಿ ಇನ್ಸ್ಟಾಗ್ರಾಮ್ನಲ್ಲಿ ಹಾಕಿರುವ ಸ್ಟೋರಿ ಕ್ಷಣಾರ್ಧದಲ್ಲಿ ವೈರಲ್ ಆಗಿದೆ. ದಂಪತಿಯ ಅಭಿಮಾನಿಗಳು ಮತ್ತು ಹಿತೈಷಿಗಳು ಶೀಘ್ರದಲ್ಲೇ ಜನಿಸಲಿರುವ ಮಗುವಿಗೆ ಶುಭ ಹಾರೈಸುವ ಮೂಲಕ ಕಾಮೆಂಟ್ ವಿಭಾಗಗಳಲ್ಲಿ ಪ್ರವಾಹ ಸೃಷ್ಟಿಸಿದ್ದರು.
ಕೆಲವು ದಿನಗಳ ಹಿಂದೆ ವಿನಿ ಮತ್ತು ಮ್ಯಾಕ್ಸ್ವೆಲ್ ಇನ್ಸ್ಟಾಗ್ರಾಮ್ನಲ್ಲಿ ಐಪಿಎಲ್ 2023 ಋತುವಿನಲ್ಲಿ ಮಗುವಿನ ನಿರೀಕ್ಷೆಯಲ್ಲಿದ್ದೇವೆ ಎಂದು ಹೇಳಿದ್ದರು. ಆದರೆ ಈ ವೇಳೆ ಅವರು ರೈನ್ಬೋ ಮಗು ಎಂದು ಹೇಳಿದ್ದರು. ಆದರೆ, ರೈನ್ ಬೋ ಮಗು ಎಂದರೆ ಒಂದು ಬಾರಿ ಗರ್ಭಪಾತವಾದ ನಂತರ ಹುಟ್ಟಲಿರುವ ಮಗುವಾಗಿದೆ. ಕಾಮನಬಿಲ್ಲು ಎಂದರೆ ಇಲ್ಲಿ ಬಿರುಗಾಳಿ ನಂತರ ಕಾಣುವ ಬಿಸಲು ಎಂದು ಅರ್ಥ.
ಮ್ಯಾಕ್ಸ್ವೆಲ್ ವಿರಾಮ
ಆಸೀಸ್ ಆಲ್ರೌಂಡರ್ ಪ್ರಸ್ತುತ ಟಿ20 ಬ್ಲಾಸ್ಟ್ 2023 ಅನ್ನು ಮುಗಿಸಿ ವಿಶ್ರಾಂತಿ ಪಡೆಯುತ್ತಿದ್ದರೆ. ಮ್ಯಾಕ್ಸ್ವೆಲ್ ವಾರ್ವಿಕ್ ಶೈರ್ ಪರ ಆಡಿದರೂ ಕೆಲಸದ ಹೊರೆಯ ಕಾರಣ ನೀಡಿ ದಿ ಹಂಡ್ರೆಡ್ನಿಂದ ಹೊರಗುಳಿದಿದ್ದರು. ಮೇಜರ್ ಕ್ರಿಕೆಟ್ ಲೀಗ್ ದಿ ಹಂಡ್ರೆಡ್ಗಿಂತ ಉತ್ತಮ ಲೀಗ್ ಎಂದು 34 ವರ್ಷದ ಆಟಗಾರ ಹೇಳಿದ್ದಾರೆ.
ಈಗ ಮೇಜರ್ ಲೀಗ್ ಕ್ರಿಕೆಟ್ ಪಂದ್ಯಾವಳಿ ಬಂದಿದೆ ಎಂದು ನಾನು ಭಾವಿಸುತ್ತೇನೆ, ಅದು ಬ್ಲಾಸ್ಟ್ ಮೇಲೆ ನಿಜವಾಗಿಯೂ ಕೆಟ್ಟ ಪರಿಣಾಮ ಬೀರಲಿದೆ. ಯಾಕೆಂದರೆ ಅದು ಬ್ಲಾಸ್ಟ್ಗಿಂತ ಉತ್ತಮ ಲೀಗ್ ಎಂದುಕೊಳ್ಳುತ್ತದೆ. ಇಲ್ಲಿನ 14 ಪಂದ್ಯಗಳಿಗೆ ಹೋಲಿಸಿದರೆ ಅಮೆರಿಕಕ್ಕೆ ಹೋಗಿ ಆಡುವುದು ಉತ್ತಮ ಎಂದು ಅಂದುಕೊಂಡಿದ್ದೇನೆ ಎಂಬುದಾಗಿ ಮ್ಯಾಕ್ಸ್ವೆಲ್ ಇತ್ತೀಚೆಗೆ ಹೇಳಿದ್ದರು.