ಮುಂಬಯಿ: ಈ ಬಾರಿಯ ಐಪಿಎಲ್(IPL 2024) ಟೂರ್ನಿಯಲ್ಲಿ ಗರಿಷ್ಠ ರನ್ ಗಳಿಸಿರುವ ಆರ್ಸಿಬಿ(Royal Challengers Bengaluru) ತಂಡದ ಆಟಗಾರ ವಿರಾಟ್ ಕೊಹ್ಲಿ ಇಂದು ನಡೆಯುವ ಮುಂಬೈ ಇಂಡಿಯನ್ಸ್(Mumbai Indians) ವಿರುದ್ಧದ ಪಂದ್ಯದಲ್ಲಿ ಸಿಕ್ಸರ್ ಮೂಲಕ ದಾಖಲೆಯೊಂದನ್ನು ಬರೆಯಲು ಎದುರು ನೋಡುತ್ತಿದ್ದಾರೆ. ದಾಖಲೆ ಬರೆಯಲು ಅವರಿಗೆ ಬೇಕಿರುವುದು ಕೇಲವ 4 ಸಿಕ್ಸರ್ಗಳು.
ಹೌದು, ಕೊಹ್ಲಿ ಇಂದಿನ ಪಂದ್ಯದಲ್ಲಿ ನಾಲ್ಕು ಸಿಕ್ಸರ್ ಸಿಡಿಸಿದರೆ ಐಪಿಎಲ್ನಲ್ಲಿ 250 ಸಿಕ್ಸರ್ ಪೂರ್ತಿಗೊಳಿಸಲಿದ್ದಾರೆ. ಈ ಸಾಧನೆ ಮಾಡಿದ ನಾಲ್ಕನೇ ಆಟಗಾರ ಎಂಬ ಹಿರಿಮೆಗೂ ಪಾತ್ರರಾಗಲಿದ್ದಾರೆ. ಐಪಿಎಲ್ನಲ್ಲಿ ಗರಿಷ್ಠ ಸಿಕ್ಸರ್ ಬಾರಿಸಿದ ದಾಖಲೆ ಆರ್ಸಿಬಿಯ ಮಾಜಿ ಆಟಗಾರ ಕ್ರಿಸ್ ಗೇಲ್ ಹೆಸರಿನಲ್ಲಿದೆ. ಗೇಲ್ 357 ಸಿಕ್ಸರ್ ಸಿಡಿಸಿದ್ದಾರೆ. ಮುಂಬೈ ಇಂಡಿಯನ್ಸ್ ತಂಡದ ಮಾಜಿ ರೋಹಿತ್ ಶರ್ಮಾ 264 ಸಿಕ್ಸರ್ ಗಳೊಂದಿಗೆ ಎರಡನೇ ಸ್ಥಾನದಲ್ಲಿದ್ದಾರೆ.
“the big cat crouches low, eyes fixed intensely on its unsuspecting prey. Every muscle tenses, poised for the imminent chase.”
— Royal Challengers Bengaluru (@RCBTweets) April 10, 2024
That’s probably how David Attenborough would describe the shot and he wouldn’t be wrong! 😬#PlayBold #ನಮ್ಮRCB #IPL2024 @imVkohli pic.twitter.com/1rUoVPR0Hs
ಕೊಹ್ಲಿ 6 ಸಿಕ್ಸರ್ ಬಾರಿಸಿದರೆ ತನ್ನ ನೆಚ್ಚಿನ ಗೆಳೆಯ, ಆರ್ಸಿಬಿಯ ಮಾಜಿ ಆಟಗಾರನೂ ಆಗಿರುವ ಎಬಿಡಿ ವಿಲಿಯರ್ಸ್ ಅವರ ದಾಖಲೆಯನ್ನು ಮುರಿಯಲಿದ್ದಾರೆ. ವಿಲಿಯರ್ಸ್ 251 ಸಿಕ್ಸರ್ ಬಾರಿಸಿದ್ದಾರೆ. ಮುಂಬೈ ವಿರುದ್ಧ ಇದು ಸಾಧ್ಯವಾಗದಿದ್ದರೂ ಕೂಡ ಈ ಬಾರಿಯ ಟೂರ್ನಿಯಲ್ಲಿ ಕೊಹ್ಲಿ ಈ ದಾಖಲೆಯನ್ನು ಮುರಿಯುವುದಂತು ಖಂಡಿತ. ಕೊಹ್ಲಿ ಆಡಿದ 5 ಪಂದ್ಯಗಳಿಂದ 316* ರನ್ ಗಳಿಸಿ ಆರೆಂಜ್ ಕ್ಯಾಪ್ ಪಡೆದಿದ್ದಾರೆ.
ಐಪಿಎಲ್ನಲ್ಲಿ ಅತಿ ಹೆಚ್ಚು ಸಿಕ್ಸರ್ ಬಾರಿಸಿದ ಟಾಪ್ 5 ಆಟಗಾರರು
ಕ್ರಿಸ್ ಗೇಲ್-357 ಸಿಕ್ಸರ್
ರೋಹಿತ್ ಶರ್ಮ-264 ಸಿಕ್ಸರ್
ಎಬಿಡಿ ವಿಲಿಯರ್ಸ್-251 ಸಿಕ್ಸರ್
ವಿರಾಟ್ ಕೊಹ್ಲಿ-246 ಸಿಕ್ಸರ್
ಮಹೇಂದ್ರ ಸಿಂಗ್ ಧೋನಿ-242 ಸಿಕ್ಸರ್
ವಿರಾಟ್ ಕೊಹ್ಲಿಯ ಆಮೆಗತಿಯ ಬ್ಯಾಟಿಂಗ್ ನಿಂದಾಗಿಯೇ ಆರ್ಸಿಬಿ ದೊಡ್ಡ ಮೊತ್ತಕ್ಕೆ ಹಿನ್ನಡೆಯಾಗುತ್ತಿದೆ ಎಂದು ಸ್ವತಃ ಆರ್ಸಿಬಿ ಅಭಿಮಾನಿಗಳೇ ಟೀಕೆ ವ್ಯಕ್ತಮಾಡುತ್ತಿದ್ದಾರೆ. ಇವರ ಈ ನಿಧಾನ ಗತಿಯ ಬ್ಯಾಟಿಂಗ್ನಿಂದ ಸ್ಲಾಗ್ ಓವರ್ಗಳಲ್ಲಿ ಹೊಡಿ-ಬಡಿ ಆಟಗಾರರಿಗೆ ಹೆಚ್ಚು ಎಸೆತಗಳು ಸಿಗುತ್ತಿಲ್ಲ ಎಂಬ ಆರೋಪ ಕೇಳಿ ಬಂದಿದೆ.
ಇದನ್ನೂ ಓದಿ IPL 2024: ಸೋಲಿನ ಆಘಾತದ ಮಧ್ಯೆ ಸಂಜುಗೆ ಬಿತ್ತು 12 ಲಕ್ಷ ರೂ. ದಂಡ
It’s Match Day in Mumbai and we’re feeling gooooooood 🎵
— Royal Challengers Bengaluru (@RCBTweets) April 11, 2024
This is Royal Challenge presents RCB Shorts. 🎥#PlayBold #ನಮ್ಮRCB #IPL2024 #MIvRCB #ChooseBold pic.twitter.com/mgCNZCLbei
ಗೆಲುವಿನ ನಿರೀಕ್ಷೆಯಲ್ಲಿ ಆರ್ಸಿಬಿ
ಇಂದು ನಡೆಯುವ ಐಪಿಎಲ್ನ(IPL 2024) 25ನೇ ಪಂದ್ಯದಲ್ಲಿ 5 ಬಾರಿಯ ಚಾಂಪಿಯನ್(RCB vs MI) ಮುಂಬೈ ಇಂಡಿಯನ್ಸ್(Mumbai Indians) ವಿರುದ್ಧ ಕಣಕ್ಕಿಳಿಯಲಿದೆ. ಈ ಪಂದ್ಯದಲ್ಲಿ ಆರ್ಸಿಬಿ ತನ್ನ ಆಡುವ ಬಳಗದಲ್ಲಿ ಮಹತ್ವದ ಬದಲಾವಣೆ ಮಾಡುವುದು ಖಚಿತವಾಗಿದೆ. ಎಲ್ಲ 5 ಪಂದ್ಯಗಳಲ್ಲಿಯೂ ಘೋರ ಬ್ಯಾಟಿಂಗ್ ವೈಫಲ್ಯ ಕಂಡ ಆಸ್ಟ್ರೇಲಿಯಾದ ಆಟಗಾರರಾದ ಕ್ಯಾಮೆರೂನ್ ಗ್ರೀನ್ ಮತ್ತು ಗ್ಲೆನ್ ಮ್ಯಾಕ್ಸ್ವೆಲ್ಗೆ ಈ ಪಂದ್ಯಕ್ಕೆ ಕೊಕ್ ನೀಡುವುದು ಬಹುತೇಕ ಖಚಿತ. ಇವರ ಬದಲು 25 ವರ್ಷದ ಸ್ಟಾರ್ ಆಲ್ರೌಂಡರ್ ವಿಲ್ ಜ್ಯಾಕ್ಸ್ ಮತ್ತು ನ್ಯೂಜಿಲ್ಯಾಂಡ್ನ ಲಾಕಿ ಫರ್ಗ್ಯುಸನ್ ಕಣಕ್ಕಿಳಿಯಬಹುದು. ರಜತ್ ಪಾಟಿದಾರ್ ಸ್ಥಾನದಲ್ಲಿ ಅನುಜ್ ರಾವುತ್ ಆಡಬಹುದು.