ನವದೆಹಲಿ: ಭಾರತ ಕ್ರಿಕೆಟ್ ತಂಡ ಸ್ಟಾರ್ ಬ್ಯಾಟರ್ ವಿರಾಟ್ ಕೊಹ್ಲಿ ಆಗಸ್ಟ್ 18ರಂದು ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ 15 ವರ್ಷಗಳನ್ನು ಪೂರೈಸಿದ್ದಾರೆ. ಕೊಹ್ಲಿ 2008 ಆಗಸ್ಟ್ 18ರಂದು ಶ್ರೀಲಂಕಾ ವಿರುದ್ಧ ಡಂಬುಲಾದಲ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ಪಾದಾರ್ಪಣೆ ಮಾಡಿದ್ದರು. 15 ವರ್ಷಗಳ ಅವಧಿಯಲ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಅವರು ಹಲವಾರು ಸಾಧನೆಗಳನ್ನು ಮಾಡಿದ್ದಾರೆ.
ಇದೀಗ ಅವರು ಮುಂಬರುವ ಏಷ್ಯಾ ಕಪ್ ಹಾಗೂ ವಿಶ್ವ ಕಪ್ ಕ್ರಿಕೆಟ್ಗಾಗಿ ಅಭ್ಯಾಸ ಆರಂಭಿಸಿದ್ದಾರೆ. ಅಕ್ಟೋಬರ್ 05ರಿಂದ ಭಾರತದ ಆತಿಥ್ಯದಲ್ಲಿ ಏಕದಿನ ವಿಶ್ವಕಪ್ ನಡೆಯಲಿದೆ. ಏತನ್ಮಧ್ಯೆ, ಸೂರತ್ನ ಉದ್ಯಮಿಯೊಬ್ಬರು ಕೊಹ್ಲಿಗೆ ವಜ್ರದ ಬ್ಯಾಟ್ ಅನ್ನು ಉಡುಗೊರೆಯಾಗಿ ನೀಡಲಿದ್ದಾರೆ ಎಂದು ಹೇಳಲಾಗಿದೆ. ಬ್ಯಾಟ್ 15 ಎಂಎಂ ಉದ್ದ ಹಾಗೂ 5 ಎಂಎಂ ಅಗಲವಿದೆ. ಬ್ಯಾಟ್ನ ಮೌಲ್ಯ ಸುಮಾರು 10 ಲಕ್ಷ ರೂಪಾಯಿ ಎಂದು ಹೇಳಲಾಗಿದೆ.
ಇದನ್ನೂ ಓದಿ : virat kohli: 15 ವರ್ಷದಲ್ಲಿ ವಿಕೆಟ್ಗಳ ನಡುವೆ 500 ಕಿ.ಮೀ ಓಡಿದ ಕೊಹ್ಲಿ; ಇದ್ಯಾವ ಲೆಕ್ಕಾಚಾರ?
ವಿರಾಟ್ ಕೊಹ್ಲಿಗೆ ಉಡುಗೊರೆಯಾಗಿ ನೀಡಲು ಸಜ್ಜಾಗಿರುವ ವಜ್ರದ ಬ್ಯಾಟ್ ಅನ್ನು ತಯಾರಿಸಲು ಒಂದು ತಿಂಗಳು ತೆಗೆದುಕೊಂಡಿದೆ. 1.04 ಕ್ಯಾರೆಟ್ ಮೂಲ ವಜ್ರವನ್ನು ಬಳಸಲಾಗಿದೆ.. ವಜ್ರದ ಉದ್ಯಮಿ ಸೂರತ್ನ ದೊಡ್ಡ ಕ್ರಿಕೆಟ್ ಅಭಿಮಾನಿಯಾಗಿದ್ದು, ವರ್ಷಗಳಿಂದ ಕ್ರಿಕೆಟ್ ಸೂಪರ್ ಸ್ಟಾರ್ ವಿರಾಟ್ ಕೊಹ್ಲಿಯ ಅಭಿಮಾನಿಯಾಗಿದ್ದಾರೆ.
ಡೈಮಂಡ್ ಬ್ಯಾಟ್
ಡೈಮಂಡ್ ಟೆಕ್ನಾಲಜಿ ತಜ್ಞ ಮತ್ತು ಸೂರತ್ ಲೆಕ್ಸಸ್ ಸಾಫ್ಟ್ ಮ್ಯಾಕ್ ಕಂಪನಿಯ ನಿರ್ದೇಶಕ ಉತ್ಪಲ್ ಮಿಸ್ತ್ರಿ ಅವರು ಡೈಮಂಡ್ ಬ್ಯಾಟ್ ತಯಾರಿಸುವ ಪ್ರಕ್ರಿಯೆಯ ಮೇಲ್ವಿಚಾರಣೆ ವಹಿಸಿದ್ದರು. ವಿರಾಟ್ ಕೊಹ್ಲಿಗೆ ನೈಸರ್ಗಿಕ ವಜ್ರದ ಬ್ಯಾಟ್ ಅನ್ನು ಉಡುಗೊರೆಯಾಗಿ ನೀಡುತ್ತಿದ್ದೇವೆ. ಆದರೆ, ಪ್ರಯೋಗಾಲಯದಲ್ಲಿ ಸೃಷ್ಟಿಸಿದ ವಜ್ರ ಮತ್ತು ನೈಸರ್ಗಿಕ ವಜ್ರದ ನಡುವಿನ ವ್ಯತ್ಯಾಸವನ್ನು ಹೇಳುವುದು ತುಂಬಾ ಕಷ್ಟ. ಆದರೂ ನೈಸರ್ಗಿಕ ವಜ್ರದಿಂದಲೇ ತಯಾರಿಸಲಾಗಿದೆ ಎಂದು ಅವರು ಮಿಸ್ತ್ರಿ ಹೇಳಿದ್ದಾರೆ.
ಎರಡು ಪದಗಳಲ್ಲಿ ಬಣ್ಣಿಸಿದ ವಿರಾಟ್
ಮುಂಬಯಿ: ಆಗಸ್ಟ್ 18, 2008 ರಂದು ಭಾರತ ಕ್ರಿಕೆಟ್ (Team India) ತಂಡಕ್ಕೆ ಪಾದಾರ್ಪಣೆ ಮಾಡಿದ್ದ ವಿರಾಟ್ ಕೊಹ್ಲಿ (Virat Kohli) ಕ್ರಿಕೆಟ್ ಇತಿಹಾಸದಲ್ಲಿ ಸಾರ್ವಕಾಲಿಕ ಶ್ರೇಷ್ಠ ಆಟಗಾರರಲ್ಲಿ ಒಬ್ಬರೆನಿಸಿಕೊಂಡಿದ್ದಾರೆ. ಅಂದಿನಿಂದ, ಅವರು ಎಲ್ಲಾ ಸ್ವರೂಪಗಳ ಕ್ರಿಕೆಟ್ನಲ್ಲಿ ಅತ್ಯುತ್ತಮ ಸಾಧನೆ ಮಾಡಿದ್ದಾರೆ ಹಾಗೂ ಇಂಡಿಯಾ ನಾಯಕರಾಗಿ ಯಶಸ್ಸು ಕಂಡಿದ್ದಾರೆ. ಶುಕ್ರವಾರಕ್ಕೆ ವಿರಾಟ್ ಕೊಹ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ 15 ವರ್ಷಗಳನ್ನು (15 Years of International Cricket) ಪೂರ್ಣಗೊಳಿಸಿದ್ದಾರೆ. ಈ ವೇಳೆ ಅವರ ಅಪ್ಪಟ ಅಭಿಮಾನಿಗಳು ಸಾರ್ವಕಾಲಿಕ ಶ್ರೇಷ್ಠ ಆಟಗಾರನನ್ನು ಮನದುಂಬಿ ಶ್ಲಾಘಿಸಿದ್ದಾರೆ. ಟಿ20 ಐ ಮತ್ತು ಐಪಿಎಲ್ನಲ್ಲಿ ಅತಿ ಹೆಚ್ಚು ರನ್ ಗಳಿಸಿರುವುದು ಸೇರಿದಂತೆ ಅವರು ಕ್ರಿಕೆಟ್ ಕಾರಿಡಾರ್ನಲ್ಲಿ ಸಾಕಷ್ಟು ದಾಖಲೆಗಳನ್ನು ಹೊಂದಿದ್ದಾರೆ. ಏಕದಿನ ಪಂದ್ಯಗಳಲ್ಲಿ ವೇಗವಾಗಿ 10,000 ರನ್ ಗಳಿಸಿದ ಆಟಗಾರರಾಗಿದ್ದಾರೆ.
2011 ರ ವಿಶ್ವಕಪ್ ಮತ್ತು 2013 ರ ಚಾಂಪಿಯನ್ಸ್ ಟ್ರೋಫಿ ವಿಜಯಗಳನ್ನು ತಮ್ಮದಾಗಿಸಿಕೊಂಡಿರುವ ವಿರಾಟ್ ಕೊಹ್ಲಿ ಐಸಿಸಿ 2020 ರಲ್ಲಿ ದಶಕದ ಕ್ರಿಕೆಟಿಗ ಎಂಬ ಖ್ಯಾತಿಯನ್ನು ಪಡೆದುಕೊಂಡಿದ್ದಾರೆ. ಅವರ ಸಾಧನೆಗಳ ಹೊರತಾಗಿಯೂ ಮಾಜಿ ಭಾರತ ಮತ್ತು ಆರ್ಸಿಬಿ ಮಾಜಿ ನಾಯಕ ತಮ್ಮ ಆಟವನ್ನು ಅದೇ ರೀತಿಯಲ್ಲಿ ಮುಂದುವರಿಸಿದ್ದಾರೆ. ಈ ದೀರ್ಘ ಪಯಣವನ್ನು ಸ್ಮರಿಸಲು ವಿರಾಟ್ ಕೊಹಲ್ಇ ಸಾಮಾಜಿಕ ಜಾಲತಾಣದಲ್ಲಿ ಒಂದು ಚಿತ್ರವನ್ನು ಹಾಕಿಕೊಂಡಿದ್ದಾರೆ, ಅದು 2022ರ ಟಿ20 ವಿಶ್ವ ಕಪ್ನಲ್ಲಿ ಪಾಕಿಸ್ತಾನ ವಿರುದ್ಧದ ಪಂದ್ಯದಲ್ಲಿ ಬಾರಿಸಿದ ಅಮೋಘ ಇನಿಂಗ್ಸ್ ಬಳಿಕದ ಚಿತ್ರವಾಗಿದೆ.
2022 ರ ಟಿ 20 ವಿಶ್ವ ಕಪ್ ಆರಂಭಿಕ ಪಂದ್ಯದಲ್ಲಿ ಪಾಕಿಸ್ತಾನ ವಿರುದ್ಧದ ಪಂದ್ಯದಲ್ಲಿ ಅಮೋಘ 82 ರನ್ ಬಾರಿಸಿದ್ದರು. ಗೆಲುವಿನ ಬಳಿಕ ಅವರು ಆಕಾಶಕ್ಕೆ ಬೆರಳು ತೋರಿದ್ದರು. ಆ ಚಿತ್ರವನ್ನು 34 ವರ್ಷದ ಧೋನಿ ಇನ್ಸ್ಟಾಗ್ರಾಮ್ನಲ್ಲಿ ಪೋಸ್ಟ್ ಮಾಡಿದ್ದಾರೆ. ಅದಕ್ಕೆ “ಎಂದೆಂದಿಗೂ ಕೃತಜ್ಞರಾಗಿರುತ್ತೇನೆ” ಎಂದು ಶೀರ್ಷಿಕೆ ಕೊಟ್ಟಿದ್ದಾರೆ.
ಸ್ಮರಣೀಯ ಇನಿಂಗ್ಸ್
ಪಂದ್ಯದಲ್ಲಿ, ಕೊಹ್ಲಿ 53 ಎಸೆತಗಳಲ್ಲಿ ಆರು ಬೌಂಡರಿಗಳು ಮತ್ತು ನಾಲ್ಕು ಸಿಕ್ಸರ್ಗಳೊಂದಿಗೆ ಅಜೇಯ 82 ರನ್ ಗಳಿಸಿದ್ದರು. ಇದು ಭಾರತ ತಂಡಕ್ಕೆ ನಾಲ್ಕು ವಿಕೆಟ್ಗಳಿಂದ ಗೆಲ್ಲಲು ಸಹಾಯ ಮಾಡಿತ್ತು. ಭಾರತವು ಸೆಮಿಫೈನಲ್ನಲ್ಲಿ ಅಂತಿಮವಾಗಿ ಚಾಂಪಿಯನ್ ಇಂಗ್ಲೆಂಡ್ ವಿರುದ್ಧ ಸೋತರೂ, ಅವರು ಪಂದ್ಯಾವಳಿಯ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರನಾಗಿ ಹೊರಹೊಮ್ಮಿದ್ದರು ವಿರಾಟ್ ಕೊಹ್ಲಿ. ಅವರು 6 ಇನ್ನಿಂಗ್ಸ್ಗಳಲ್ಲಿ 296 ರನ್ ಬಾರಿಸಿದ್ದು, 82* ಗರಿಷ್ಠ ಸ್ಕೋರ್ ಗಳಿಸಿದ್ದರು. ಅದು ಪಾಕಿಸ್ತಾನ ವಿರುದ್ಧದ ಇನಿಂಗ್ಸ್. 34 ವರ್ಷದ ಆಟಗಾರ ಸೆಮಿಫೈನಲ್ನಲ್ಲಿ ಅರ್ಧಶತಕವನ್ನೂ ಬಾರಿಸಿದ್ದರು.