Virat Kohli: ಲಂಕಾದ ಉದಯೋನ್ಮುಖ ಕ್ರಿಕೆಟಿಗರಿಗೆ ಸಲಹೆ ನೀಡಿದ ವಿರಾಟ್​ ಕೊಹ್ಲಿ

ಕೊಲಂಬೋ: ಟೀಮ್​ ಇಂಡಿಯಾದ(Team India) ಸ್ಟಾರ್​ ಕ್ರಿಕೆಟಿಗ ವಿರಾಟ್​ ಕೊಹ್ಲಿ ಅವರು ಅನೇಕ ಯುವ ಕ್ರಿಕೆಟಿಗರಿಗೆ ಸ್ಫೂರ್ತಿಯಾಗಿದ್ದಾರೆ. ಕೊಹ್ಲಿಯಂತೆಯೇ ಕ್ರಿಕೆಟ್​ ಆಡಬೇಕೆನ್ನುವುದು ಹಲವು ಕ್ರಿಕೆಟಿಗರ ಕನಸಾಗಿದೆ. ಕ್ರಿಕೆಟ್​ನಲ್ಲಿ ಏನಾದರು ಸಾಧಿಸಬೇಕೆಂದು ಹಂಬಲಿಸುತ್ತಿರುವ ಶ್ರೀಲಂಕಾದ ಉದಯೋನ್ಮುಖ ಕ್ರಿಕೆಟಿಗರಿಗೆ ವಿರಾಟ್​ ಕೊಹ್ಲಿ(Virat Kohli) ಅವರು ತಮ್ಮ ಕ್ರಿಕೆಟ್​ ಅನುಭವವನ್ನು ಹಂಚಿಕೊಂಡಿದ್ದಾರೆ. ಈ ವಿಡಿಯೊವನ್ನು ಬಿಸಿಸಿಐ(BCCI) ತನ್ನ ಅಧಿಕೃತ ಟ್ವಿಟರ್​ ಖಾತೆಯಲ್ಲಿ ಹಂಚಿಕೊಂಡಿದೆ.

ಪಾಕಿಸ್ತಾನ ವಿರುದ್ಧದ ಪಂದ್ಯಕ್ಕೆ ಕೊಲಂಬೋದಲ್ಲಿ ಅಭ್ಯಾಸ ನಡೆಸುತ್ತಿದ್ದ ಕೊಹ್ಲಿ ಲಂಕಾದ ಯುವ ಆಟಗಾರರಿಗೆ ಕ್ರಿಕೆಟ್​ ಕುರಿತು ಕೆಲಕಾಲ ಪಾಠ ಮಾಡಿದ್ದಾರೆ. ಇದೇ ವೇಳೆ ಯುವ ಆಟಗಾರರು ಕೊಹ್ಲಿಗೆ ಹಲವು ಪ್ರಶ್ನೆಗಳನ್ನು ಕೇಳಿ ತಮ್ಮ ಸಮಸ್ಯೆಗೆ ಪರಿಹಾರವನ್ನು ಕಂಡುಕೊಂಡಿದ್ದಾರೆ. ಕೊಹ್ಲಿ ಈ ಗುಣವನ್ನು ಮೆಚ್ಚಿದ ಯುವ ಆಟಗಾರರು ಬ್ಯಾಟ್​ ಒಂದನ್ನು ಸ್ಮರಣಿಕೆಯಾಗಿ ನೀಡಿದ್ದಾರೆ.

ಕೊಹ್ಲಿ ಅವರು ಲಂಕಾದ ಯುವ ಆಟಗಾರರಿಗೆ ಕ್ರಿಕೆಟ್​ ಸಲಹೆ ನೀಡುತ್ತಿರುವ ವಿಡಿಯೊವನ್ನು ಹಂಚಿಕೊಂಡಿರುವ ಬಿಸಿಸಿಐ, ‘ಸ್ಫೂರ್ತಿದಾಯಕ ಸಂವಾದದೊಂದಿಗೆ ನಿಮ್ಮ ವಾರಾಂತ್ಯವನ್ನು ಪ್ರಾರಂಭಿಸಿ, ವಿರಾಟ್ ಕೊಹ್ಲಿ ತಮ್ಮ ಅನುಭವವನ್ನು ಉದಯೋನ್ಮುಖ ಕ್ರಿಕೆಟಿಗರೊಂದಿಗೆ ಹಂಚಿಕೊಂಡಿದ್ದಾರೆ’ ಎಂದು ಬರೆದುಕೊಂಡಿದೆ.

ಇದನ್ನೂ ಓದಿ IND vs PAK: ಸೂಪರ್​-4 ಪಂದ್ಯಕ್ಕೆ ಭಾರತ ಸಂಭಾವ್ಯ ತಂಡ, ಪಿಚ್​ ರಿಪೋರ್ಟ್​

See more

Start your weekend with an inspiring interaction 🤗

Virat Kohli shares his experience with budding cricketers 👏👏#TeamIndia | #AsiaCup2023 | @imVkohli pic.twitter.com/FA0YDw0Eqf

— BCCI (@BCCI) September 9, 2023

ನಾಯಿ ಮರಿಯೊಂದಿಗೆ ಆಟವಾಡಿದ ಕೊಹ್ಲಿ

ಪಾಕಿಸ್ತಾನ ವಿರುದ್ಧದ ಪಂದ್ಯಕ್ಕಾಗಿ ಶುಕ್ರವಾರ ಟೀಮ್​ ಇಂಡಿಯಾ ಆಟಗಾರರು ಅಭ್ಯಾಸದಲ್ಲಿ ತೊಡಗಿದ್ದರು. ಎಲ್ಲ ಆಟಗಾರರು ಫುಟ್ಬಾಲ್​ ಆಡುತ್ತಿರುವಾಗ ನಾಯಿ ಮರಿಯೊಂದು ಮೈದಾನಕ್ಕೆ ನುಗ್ಗಿತು. ಇದೇ ವೇಳೆ ಮುದ್ದಾದ ನಾಯಿ ಮರಿಯನ್ನು ಕಂಡ ವಿರಾಟ್​ ಕೊಹ್ಲಿ ಮತ್ತು ಕೆಲ ಆಟಗಾರರು ಅದನ್ನು ಮುದ್ದು ಮಾಡಿದ್ದಾರೆ. ಕೈಯಲ್ಲಿ ಎತ್ತಿಕೊಂಡು ಬೆನ್ನು ಸವರಿದ್ದಾರೆ. ಅಲ್ಲದೆ ಈ ನಾಯಿ ಮರಿಯು ಫುಟ್ಬಾಲ್​ ಹಿಂದೆ ಓಡುತ್ತಾ ಆಟವಾಡಿದೆ. ಈ ವಿಡಿಯೊ ಕಂಡ ಅನೇಕರು ಪ್ರಾಣಿ ಪ್ರೀತಿಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ವಿರಾಟ್ ಕೊಹ್ಲಿ ಏಷ್ಯಾಕಪ್ ಟೂರ್ನಿಯಲ್ಲಿ ಈವರೆಗೆ ಕೇವಲ 12 ಪಂದ್ಯಗಳನ್ನು ಆಡಿದ್ದು ಒಟ್ಟು 617 ರನ್ ಬಾರಿಸಿದ್ದಾರೆ. ಒಂದೊಮ್ಮೆ ಕೊಹ್ಲಿ ಅವರು ಒಂದೊಮ್ಮೆ ವಿರಾಟ್​ ಅವರು ಈ ಟೂರ್ನಿಯಲ್ಲಿ 354 ರನ್​ ಬಾರಿಸಿದರೆ ಸಚಿನ್ ತೆಂಡೂಲ್ಕರ್​(Sachin Tendulkar)​ ಅವರ ಸರ್ವಕಾಲಿಕ 971 ರನ್​ ದಾಖಲೆ ಪತನಗೊಳ್ಳಲಿದೆ. ಹೀಗೆ ಕೊಹ್ಲಿಗೆ ಎರಡು ದಿಗ್ಗಜ ಆಟಗಾರರ ದಾಖಲೆಯನ್ನು ಮುರಿಯುವ ಅವಕಾಶವಿದೆ.

ಪಾಕ್​ ವಿರುದ್ಧ ಕೊಹ್ಲಿ ಸಾಧನೆ

ಏಷ್ಯಾಕಪ್​ ಟೂರ್ನಿಯಲ್ಲಿ ಪಂದ್ಯವೊಂದರಲ್ಲಿ ಅತ್ಯಧಿಕ ವೈಯಕ್ತಿಕ ರನ್​ ಗಳಿಸಿದ ದಾಖಲೆ ವಿರಾಟ್​ ಕೊಹ್ಲಿ ಹೆಸರಿನಲ್ಲಿದೆ. ಸಾರಸ್ಯವೆಂದರೆ ಕಿಂಗ್​ ಕೊಹ್ಲಿ 2012ರಲ್ಲಿ ಪಾಕಿಸ್ತಾನ ವಿರುದ್ಧವೇ 183ರನ್​ ಬಾರಿಸಿದ್ದರು. ಈ ಸಾಧನೆಯ ಪಟ್ಟಿಯಲ್ಲಿ ಬಾಬರ್​ಗೆ(151) ದ್ವಿತೀಯ ಸ್ಥಾನ. ಮೂರನೇ ಸ್ಥಾನ ಯೂನಿಸ್​ ಖಾನ್​(144), ನಾಲ್ಕನೇ ಸ್ಥಾನ ಬಾಂಗ್ಲಾದ ಮುಸ್ಫಿಕರ್​ ರಹಿಂ(144) ಪಡೆದಿದ್ದಾರೆ.