ಪರ್ತ್: ದಕ್ಷಿಣ ಆಫ್ರಿಕಾ ವಿರುದ್ಧದ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ(Virat Kohli) ಕೇವಲ 12 ರನ್ಗಳಿಸಿ ಔಟಾದರೂ ಟಿ20 ವಿಶ್ವ ಕಪ್ನಲ್ಲಿ ದಾಖಲೆಯೊಂದನ್ನು ಬರೆದಿದ್ದಾರೆ. ಟಿ20 ವಿಶ್ವ ಕಪ್ನಲ್ಲಿ ಸಾವಿರ ರನ್ ಪೂರೈಸಿದ ಮೊದಲ ಭಾರತೀಯ ಆಟಗಾರ ಎಂಬ ದಾಖಲೆಯನ್ನು ಕಿಂಗ್ ಕೊಹ್ಲಿ ಬರೆದಿದ್ದಾರೆ.
ಈ ದಾಖಲೆಯ ಹೊರತಾಗಿಯೂ ಮತ್ತೊಂದು ದಾಖಲೆಯನ್ನು ಕೊಹ್ಲಿ ತಮ್ಮ ಹೆಸರಿಗೆ ಸೇರಿಸಿಕೊಂಡಿರುವುದು ವಿಶೇಷ. ಟಿ20 ವಿಶ್ವ ಕಪ್ ಇತಿಹಾಸದಲ್ಲಿ ಸಾವಿರ ರನ್ ಪೂರೈಸಿದ ದ್ವಿತೀಯ ಆಟಗಾರನಾಗಿ ಮೂಡಿಬಂದರು. ಇದಕ್ಕೂ ಮುನ್ನ ಶ್ರೀಲಂಕಾದ ಮಾಜಿ ನಾಯಕ ಮಹೇಲ ಜಯವರ್ಧನೆ ಈ ಸಾಧನೆ ಮಾಡಿದ್ದರು. ಜಯವರ್ಧನೆ ಟಿ20 ವಿಶ್ವ ಕಪ್ನಲ್ಲಿ 31 ಇನಿಂಗ್ಸ್ ಮೂಲಕ ಒಟ್ಟು 1016 ರನ್ ಕಲೆಹಾಕಿ ವಿಶ್ವ ದಾಖಲೆ ನಿರ್ಮಿಸಿದ್ದರು. ಇದೀಗ 22 ಟಿ20 ವಿಶ್ವ ಕಪ್ ಇನಿಂಗ್ಸ್ ಮೂಲಕ ವಿರಾಟ್ ಕೊಹ್ಲಿ ಒಟ್ಟು 1001 ರನ್ ಕಲೆಹಾಕಿದ್ದಾರೆ. ಆದರೆ ಅತ್ಯಂತ ವೇಗವಾಗಿ ಸಾವಿರ ರನ್ ಪೂರೈಸಿದ ವಿಶ್ವ ದಾಖಲೆ ಕೊಹ್ಲಿ ಹೆಸರಿಗೆ ಸೇರ್ಪಡೆಯಾಗಿದೆ. ಜಯವರ್ಧನೆ 31 ಇನಿಂಗ್ಸ್ ಆಡಿದರೆ, ಕೊಹ್ಲಿ ಕೇವಲ 22 ಇನಿಂಗ್ಸ್ ಮೂಲಕ ಈ ವಿಶ್ವ ದಾಖಲೆ ಬರೆದಿರುವುದು ವಿಶೇಷ.
ಕೊಹ್ಲಿಗಿದೆ ಜಯವರ್ಧನೆ ದಾಖಲೆ ಮುರಿಯುವ ಅವಕಾಶ
ಮುಂದಿನ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ 16 ರನ್ ಬಾರಿಸಿದರೆ ಮಹೇಲ ಜಯವರ್ಧನೆ ಹೆಸರಿನಲ್ಲಿರುವ ವಿಶ್ವ ದಾಖಲೆ ಮುರಿಯುವ ಅವಕಾಶವಿದೆ. ಒಂದೊಮ್ಮೆ ಕೊಹ್ಲಿ ಈ ರನ್ ಬಾರಿಸಿದರೆ ಟಿ20 ವಿಶ್ವ ಕಪ್ನ ಟಾಪ್ ರನ್ ಸರದಾರನಾಗಿ ಹೊರಹೊಮ್ಮಲಿದ್ದಾರೆ.
ಇದನ್ನೂ ಓದಿ | IND VS SA | ರಿಷಭ್‌ ಪಂತ್‌ಗೆ ಗುಡ್‌ ನ್ಯೂಸ್‌, ಭಾರತ ತಂಡಕ್ಕೆ ಬ್ಯಾಡ್‌ ನ್ಯೂಸ್‌; ಏನಾಯಿತು?